(VOVWORLD) - អង្គការសហប្រជាជាតិ (UN) ដែលជាអង្គការពហុភាគីដ៏សំខាន់បំផុតរបស់ភពផែនដី កំពុងជួបប្រទះនឹងបញ្ហាប្រឈមផ្នែកហិរញ្ញវត្ថុដ៏ធ្ងន់ធ្ងរ នៅពេលដែលកង្វះខាតថវិកាមិនត្រឹមតែប៉ះពាល់អវិជ្ជមានដល់ផែនការប្រតិបត្តិការសំខាន់ៗរបស់ UN ប៉ុណ្ណោះទេ ថែមទាំងគំរាមកំហែងដល់តួនាទីរបស់អង្គការនេះនៅក្នុងសណ្តាប់ ធ្នាប់ពហុភាគីក្នុងបរិបទដែលពិភពលោកកំពុងមានអស្ថិរភាព។

(VOVWORLD) - ក្នុងបរិបទដែលប្រទេសជាច្រើនផ្តល់អាទិភាពដល់ការពង្រឹងកម្លាំងផ្ទៃក្នុង វៀតណាមនៅតែបន្តបញ្ជាក់ពីជម្រើសយុទ្ធសាស្ត្រមួយ៖ សាមាគ្គីជនជាតិជាតម្លៃស្នូលដែលបង្កើតកម្លាំងជាតិ។ កម្មវិធីនិទាឃរដូវមាតុភូមិឆ្នាំ ២០២៦ ជាមួយនឹងសកម្មភាពមនុស្សធម៌ដ៏មានអត្ថន័យជាបន្តបន្ទាប់ មិនត្រឹមតែផ្សព្វផ្សាយសេចក្តីប្រាថ្នាអំពីប្រទេសវៀតណាមមួយប្រកបដោយសន្តិភាពនិងវិបុលភាពប៉ុណ្ណោះទេ ប៉ុន្តែថែមទាំងបង្ហាញពីសារការទូតដ៏ច្បាស់លាស់ អំពីវិធីសាស្រ្តអភិក្រមដោយយកប្រជាជនជាមជ្ជមណ្ឌលនិងយកការស្រុះចិត្តគំនិតក្នុងសង្គម ជាមូលដ្ឋានសម្រាប់សមាហរណកម្មអន្តរជាតិ។

(VOVWORLD) - កិច្ចចរចាត្រីភាគីជុំទីពីររវាងសហរដ្ឋអាមេរិក រុស្ស៊ី និងអ៊ុយក្រែននាសប្តាហ៍កន្លងទៅ មិននាំមកនូវការទម្លុះទម្លាយណាមួយ ក្នុងការដោះស្រាយជម្លោះ រុស្ស៊ី-អ៊ុយក្រែននោះទេ ប៉ុន្តែបានជំរុញសន្ទុះវិជ្ជមាននៅក្នុងទំនាក់ទំនងទ្វេភាគីអាមេរិក-រុស្ស៊ី នៅពេលដែលយន្តការគ្រប់គ្រងសព្វាវុធជាយុទ្ធសាស្ត្ររវាងមហាអំណាចនុយក្លេអ៊ែរទាំងពីរនេះកំពុងដួលរលំ។

(VOVWORLD) - ឯកសារនៃមហាសន្និបាតលើកទី ១៤ របស់បក្សកុម្មុយនិស្តវៀតណាម បញ្ជាក់ពីការប្តេជ្ញាចិត្តនយោបាយខ្ពស់របស់បក្ស ក្នុងការដាក់វប្បធម៌និងប្រជាជន នៅចំណុចកណ្តាល នៃយុទ្ធសាស្ត្រអភិវឌ្ឍន៍របស់ប្រទេសជាតិ។ មុននេះ សេចក្តីសម្រេចចិត្តមជ្ឈិមលេខ ៨០ ស្តីពីការអភិវឌ្ឍវប្បធម៌វៀតណាម ត្រូវបានការិយាល័យនយោបាយចេញផ្សាយថ្ងៃទី ៧ ខែមករា ឆ្នាំ២០២៦ ក៏បានកំណត់ដាក់វប្បធម៌នៅចំកណ្តាល ជាមូលដ្ឋានគ្រឹះខាងស្មារតីរបស់សង្គម ជាប្រភពកម្លាំងផ្ទៃក្នុងសំខាន់ ជាកម្លាំងចលករផង និងជាប្រព័ន្ធសម្របសម្រួល សម្រាប់ការអភិវឌ្ឍប្រទេសជាតិយ៉ាងឆាប់រហ័ស និងប្រកបដោយចីរភាពផង។

(VOVWORLD) - នៅថ្ងៃទី ៥ និងទី ៦ ខែកុម្ភៈ អគ្គលេខាបក្ស លោក តូ ឡឹម បានអញ្ជើញទៅបំពេញទស្សនកិច្ចផ្លូវរដ្ឋនៅប្រទេសឡាវ និងកម្ពុជា ហើយបានចូលរួមកិច្ចប្រជុំរវាងប្រមុខគណបក្សទាំងបី វៀតណាម ឡាវ និងកម្ពុជា។ នេះមិនត្រឹមតែជាសកម្មភាពកិច្ចការបរទេសប្រចាំឆ្នាំប៉ុណ្ណោះទេ ប៉ុន្តែជាព្រឹត្តិការណ៍ដែលមានសារៈសំខាន់ជាច្រើន ដែលប្រព្រឹត្តទៅក្នុងបរិបទនៃតំបន់ និងពិភពលោកមានការផ្លាស់ប្តូរយ៉ាងឆាប់រហ័ស និងស្មុគស្មាញ។ ដំណើរទស្សនកិច្ចនេះបានរួមចំណែកធ្វើឲ្យស៊ីជម្រៅថែមទៀតនូវចំណងមិត្តភាពជាប្រពៃណីរវាងវៀតណាម ជាមួយឡាវ និងកម្ពុជា។

(VOVWORLD) - ថ្ងៃទី ៣ ខែកុម្ភៈ គឺជាគម្រប់ខួបលើកទី ៩៦ ទិវាបង្កើតបក្សកុម្មុយនិស្តវៀតណាម (ថ្ងៃទី ៣ ខែកុម្ភៈ ឆ្នាំ ១៩៣០ - ថ្ងៃទី ៣ ខែកុម្ភៈ ឆ្នាំ ២០២៦)។ ជិតមួយសតវត្សរ៍នៃការបង្កើត និងការអភិវឌ្ឍរបស់បក្សកុម្មុយនិស្តវៀតណាម ទំនាក់ទំនងរវាងបក្ស និងប្រជាជនគឺជាកត្តាជាមូលដ្ឋាន ដែលមានអត្ថន័យស្លាប់រស់។ បក្សនៅក្នុងបេះដូងប្រជាជន បានក្លាយជារង្វាស់ដ៏រស់រវើកនៃជំនឿជាក់ ភាពជាធ្លុងមួយនៅក្នុងសង្គម និងកម្លាំងជាតិនៅក្នុងដំណាក់កាលអភិវឌ្ឍន៍ថ្មី។

(VOVWORLD) - ក្នុងរយៈពេលប៉ុន្មានឆ្នាំមកនេះ រាល់គោលនយោបាយនិងគោលការណ៍ណែនាំរបស់បក្សនិងរដ្ឋ បានជួយខេត្តឡាវ កាយ ដែលជាខេត្តក្រីក្រមួយជាប់ព្រំដែនមានការអភិវឌ្ឍយ៉ាងខ្លាំងក្លា ស្របតាមសន្ទុះអភិវឌ្ឍន៍របស់ប្រទេសជាតិ។ សេចក្តីសម្រេចចិត្តនៃមហាសន្និបាតលើកទី ១៤ របស់បក្សកុម្មុយនិស្តវៀតណាម បាននិងកំពុងត្រូវបានប្រជាជន ឡាវកាយទទួលយកនិងរំពឹងទុកថា នឹងនាំមកនូវការផ្លាស់ប្តូរដ៏ធំធេងសម្រាប់ សហគមន៍បណ្តាជនជាតិនៅទីនេះ។

(VOVWORLD) - ការបង្កើតបក្សកុម្មុយ និស្ត វៀតណាមនៅថ្ងៃទី ៣ ខែកុម្ភៈ កាលពី ៩៦ ឆ្នាំមុន (នៅឆ្នាំ ១៩៣០) មិនត្រឹមតែជាព្រឹត្តិការណ៍នយោបាយដ៏មហានក្ខត្តឬក្សប៉ុណ្ណោះទេ ប៉ុន្តែនេះក៏ជាចំណុចរបត់មានលក្ខណៈប្រវត្តិសាស្ត្រ ដ៏សំខាន់ សម្រាប់ជោគវាសនារបស់ប្រទេសជាតិទៀតផង។ អស់រយៈពេល ៩៦ ឆ្នាំកន្លងមកនេះ បក្សនៅតែរក្សានូវតួនាទីជាអ្នកដឹកនាំ ដោយដឹកនាំបុព្វហេតុបដិវត្តន៍វៀតណាម ឱ្យសម្រេចបាននូវសមិទ្ធផលដ៏ធំធេង និងមានអត្ថន័យប្រវត្តិសាស្ត្រ ដែលប្រទេសជាតិមានឯករាជ្យ សន្តិភាព និងសេរីភាព; អនុវត្តន៍ការផ្លាស់ប្តូរថ្មី ការធ្វើសមាហរណកម្ម និងការអភិវឌ្ឍជាបន្តបន្ទាប់។

(VOVWORLD) - សហភាពអឺរ៉ុប (EU) និងឥណ្ឌានៅថ្ងៃទី ២៧ ខែមករា បានអនុម័តលើកិច្ចព្រមព្រៀងពាណិជ្ជកម្មសេរី (FTA) ដែលត្រូវបានចាត់ទុកជាកិច្ចព្រមព្រៀងប្រវត្តិសាស្ត្រមួយ។ នេះគឺជាព្រឹត្តិការណ៍ថ្មីបំផុត ដែលបង្ហាញថា ខឿនសេដ្ឋកិច្ចធំៗនៅជុំវិញពិភពលោកកំពុងរត់ប្រណាំងគ្នាដើម្បីធ្វើពិពិធកម្មដៃគូសេដ្ឋកិច្ច ក្នុងបរិបទដែលសេដ្ឋកិច្ចនិងពាណិជ្ជកម្មសកលកំពុងរងផលប៉ះពាល់កាន់តែខ្លាំងឡើងដោយភាពតានតឹងភូមិសាស្ត្រនយោបាយ និងគោលនយោបាយដែលមិនអាចទាយទុកជាមុនបានរបស់ប្រទេសមហាអំណាចមួយចំនួន។

(VOVWORLD) - មហាសន្និបាតលើកទី១៤ របស់បក្សកុម្មុយនិស្តវៀតណាម បានកំណត់ទិសដៅយុទ្ធសាស្ត្រសំខាន់ៗជាច្រើន សម្រាប់ការអភិវឌ្ឍរបស់ប្រទេសជាតិនៅក្នុងដំណាក់កាលថ្មី។ ក្នុងចំណោមនោះ ទស្សនៈ “ប្រជាជនគឺជាប្ញសគល់” គឺជាសតិអារម្មណ៍ខ្ជាប់ខ្ជួន ដែលជះឥទ្ធិពលលើ ការរៀបចំផែនការគោលនយោបាយ ក៏ដូចជាការអនុវត្តគោលនយោបាយទាំងនោះ នៅក្នុងប្រព័ន្ធនយោបាយទាំងមូល។