(VOVWORLD) - ជម្ងឺរាតត្បាត កូវីដ ១៩ កំពុងបង្កឡើងការខូចខាតយ៉ាងដំណំលើសេដ្ឋកិច្ច សកល។ តាមការប៉ាន់ស្មានរបស់មូលនិធិរូបីយ៍វត្ថុអន្តរជាតិ (IMF) ការខាត់បង់ដែល បណ្ដាលមកពី កូវីដ ១៩ នឹងឡើងដល់ទៅ ២៨ ទ្រីលានដុល្លាអាមេរិក រហូតដល់ឆ្នាំ ២០២៥។ ជាមួយនឹងការវិវឌ្ឍន៍នៃជម្ងឺរាតត្បាត និងការធ្វើស្ថិតិជាជំហានដំបូងក្នុង ប៉ុន្មានខែដើមឆ្នាំ២០២១នេះបានឲ្យដឹងថា ពិភពលោកទំនងជាត្រូវប្រឈមនឹងវិបត្តិហិរញ្ញវត្ថុថ្មីមួយ ហើយឆ្នាំ២០២១បន្តជាឆ្នាំលំបាកចំពោះខឿនសេដ្ឋកិច្ចសកល។

(VOVWORLD) - តំណាងជាជនជាតិភាគតិច គឺជាសមាសភាគដ៏សំខាន់មួយរបស់រដ្ឋសភាវៀត ណាមគ្រប់សម័យកាល។ ការប្រតិបត្តិជាក់ស្ដែងរបស់រដ្ឋសភានាពេលកន្លងមក បានសរឲ្យឃើញថា ការដែលសមាជិកសភាជាជនជាតិភាគតិច បានចូលរួម ចំណែកដ៏សំខាន់ក្នុងការកសាងនិងរៀបចំអនុវត្តន៍យ៉ាងល្អប្រពៃនូវគោលនយោបាយ ជនជាតិរបស់បក្ស និងរដ្ឋ។ ក្នុងការបោះឆ្នោតសមាជិកសភានីតិកាលទី១៥ ដែល គ្រោងនឹងប្រព្រឹត្តទៅនាថ្ងៃទី២៣ ឧសភា ខាងមុខ ការបោះឆ្នោតជ្រើសរើសសមាជិក សភា ជាជនជាតិភាគតិច បន្តត្រូវបានយកចិត្តទុកដាក់ទាំងខាងគុណភាពនិងបរិមាណ សំដៅរួមចំណែកជំរុញការអភិវឌ្ឍនិងលើកកំពស់ជីវភាពរស់នៅរបស់ប្រជាជននៅតំបន់ព្រៃភ្នំ និងតំបន់ជនជាតិភាគតិច។

(VOVWORLD) - នៅថ្ងៃទី ១៨ ខែមីនា មន្ត្រីការទូតជាន់ខ្ពស់អាមេរិកនិងចិនបានជួបប្រជុំទ្វេភាគីលើកដំបូង ក្រោមការដឹកនាំរបស់លោកប្រធានាធិបតី Joe Biden។ ទោះបីជាភាគីទាំងពីរបង្ហាញពីសុច្ឆន្ទៈក៏ដោយ ប៉ុន្តែ ការខ្វែងគំនិតនៅមានច្រើនណាស់។ ដូច្នេះមានការលំបាកយ៉ាងខ្លាំងក្នុងការស្វែងរកចំណុចលោតផ្លោះ ក្នុងទំនាក់ទំនងរវាងមហាអំណាចទាំងពីរនៅក្នុងកិច្ចប្រជុំលើកនេះ។

(VOVWORLD) - ក្រសួងការពារប្រទេសវៀតណាម ទើបបានប្រគល់សេចក្តីសំរេចចិត្តរបស់លោកប្រធានរដ្ឋជូនចំពោះនាយទាហានទី ២ របស់វៀតណាម ទៅ បំពេញភារកិច្ចនៅទីស្នាក់ការអង្គការសហប្រជាជាតិ និងបានបូកសរុបអាណត្តិការងាររបស់នាយទាហានវៀតណាមចំនួន៩ រូប ដែលបានបញ្ចប់អាណត្តិនៅឯបេសកកម្មរក្សាសន្តិភាពនៃអង្គការសហប្រជាជាតិនៅប្រទេសស៊ូដង់ខាងត្បូងនិងសាធារណរដ្ឋអាហ្វ្រិកកណ្តាល។ លទ្ធផលទទួលបានពីបេសកកម្មពិសេសនេះ ក្នុងរយៈពេល ៥ ឆ្នាំកន្លងមក បានរួមចំណែករំលេចទង់ជាតិរបស់វៀតណាមលើផែនទីរក្សាសន្តិភាពពិភពលោក។

(VOVWORLD) - ចាប់ពីថ្ងៃទី១៥ មីនា ដល់ថ្ងៃទី១៣ មេសា រណសិរ្សមាតុភូមិវៀតណាម ចាប់ផ្ដើម ដំណើរការវគ្គទី១នៃការត្រួតពិនិត្យ ឃ្លាំមើលការងារបោះឆ្នោតសមាជិកសភានីតិកាល ទី១៥ និងតំណាងក្រុមប្រឹក្សាប្រជាជនគ្រប់ជាន់ថ្នាក់សម្រាប់អាណត្តិ២០២១-២០២៦។ គណៈកម្មាធិការមជ្ឈឹមរណសិរ្សមាតុភូមិវៀតណាម បានបង្កើតក្រុមការងារចំនួន៥ សម្រាប់អនុវត្តភារកិច្ចនេះ។ ក្រុមការងារនីមួយៗ នឹងចុះទៅត្រួតពិនិត្យនៅមូលដ្ឋាន ថ្នាក់ខេត្តចំនួន៣ និងមូលដ្ឋានថ្នាក់ស្រុកចំនួន១នៅតាមខេត្តនីមួយៗ។

(VOVWORLD) - ថ្ងៃទី១៥ មីនា ឆ្នាំ២០២១ គម្រប់ខួប១០ឆ្នាំនៃការផ្ទុះឡើងសង្គ្រាម ស៊ីវិលដ៏បង្ហូរឈាមនៅស៊ីរី ដែលជាប្រទេសមួយក្នុងចំណោមប្រទេសរងផលប៉ះពាល់ យ៉ាងខ្លាំងបំផុតដោយចលនា “និទាឃរដូវអារ៉ាប់” ដោយផ្ដើមចេញពីប្រទេសទុយនេស៊ី កាលពីខែមករាឆ្នាំ២០១១។ ក្រោយ រយៈ ពេលមួយទសវត្ស ប្រទេសស៊ីរីនៅតែលិចលង់ ក្នុងភាពច្របូកច្របល់និងការបែកបាក់យ៉ាងជ្រាលជ្រៅ។ ដំណើរការស្ថាបនាសន្តិ ភាពនិងស្ដារប្រទេសឡើងវិញ នៅតែប្រឈមមុខនឹងបញ្ហាធ្ងន់ធ្ងរយ៉ាងច្រើនលើសលុប។

(VOVWORLD) - សេចក្ដីសម្រេចចិត្តលេខ ១២០ របស់រដ្ឋាភិបាលស្តីពីការអភិវឌ្ឍ តំបន់ដីសណ្ដទន្លេ Cuu Long ប្រកបដោយចីរភាពបានបង្ហាញយ៉ាងច្បាស់លាស់ថា តំបន់ដីសណ្ដទន្លេ Cuu Long ត្រូវតែរស់នៅ "សម្របតាមធម្មជាតិ" ហើយជ្រើសរើសគំរូកំណើន ដើម្បីបន្សាំនឹងការប្រែប្រួលអាកាសធាតុ ពង្រីកតំបន់អេកូឡូស៊ីនីមួយៗប្រកបដោយប្រសិទ្ធភាព។

(VOVWORLD) - រយៈពេលមុននេះមួយឆ្នាំ កាលពីថ្ងៃទី១១មីនាឆ្នាំ២០២០ អង្គការសុខភាពពិភពលោក (WHO) បានប្រកាសជាផ្លូវការថា កូវីដ ១៩ គឺជាជម្ងឺរាតត្បាតសកល។ ចាប់តាំងពីវេលានោះ មក កូវីដ ១៩ បានវាយប្រហារទៅលើគ្រប់វិស័យ ព្រមទាំងប៉ះពាល់ដល់គ្រប់ទិដ្ឋភាព នៃជីវភាពសេដ្ឋកិច្ចសង្គម លើទូទាំងពិភពលោកផងដែរ។

(VOVWORLD) - ខ្លឹមសារសំខាន់ពិសេសនៃសន្និបាតលើកទី ២ គណៈកម្មាធិការមជ្ឈិមបក្សកុម្មុយនិស្តវៀតណាម ដែលបានប្រព្រឹត្តទៅនៅថ្ងៃទី ៨ និងទី ៩ ខែមីនាឆ្នាំ ២០២១ នេះ គឺគណៈកម្មាធិការមជ្ឈិមបានបោះឆ្នោត ឧទ្ទេសនាមបេក្ខជនឈរឈ្មោះជាបេក្ខភាពដំណែងប្រធានរដ្ឋ នាយករដ្ឋមន្រ្តីនិងប្រធានរដ្ឋសភា គឺជាមុខដំណែងថ្នាក់ដឹកនាំសំខាន់ៗរបស់រដ្ឋ។ កម្មាភិបាល បក្ខជននិងប្រជាជនមានក្តីសង្ឃឹមជាច្រើនទៅលើជួរអ្នកដឹកនាំ ដែលជាអ្នកមានឆន្ទៈមោះមុតនិង យល់ពីចិត្តរបស់ប្រជាជន ដោយប្រាថ្នានាំប្រទេសមានការអភិវឌ្ឍខ្លាំងក្លា។

(VOVWORLD) - ជាមួយការបង្ហាញពីក្តីព្រួយបារម្ភកាន់តែច្បាស់លាស់របស់រដ្ឋអំណាចថ្មីនៅសហរដ្ឋអាមេរិក បញ្ហានុយក្លេអ៊ែរអ៊ីរ៉ង់ជាថ្មីម្តងទៀត បានលេចចេញក្លាយទៅជាចំណុចចាប់អារម្មណ៍របស់សាធារណមតិអន្តរជាតិ។ តាមការវាយតម្លៃជាច្រើនជឿជាក់ថា លទ្ធភាពក្នុងការសង្រ្គោះកិច្ចព្រមព្រៀងដែលបានចុះហត្ថលេខាក្នុងឆ្នាំ ២០១៥ កំពុងឈរនៅចំពោះមុខឱកាសថ្មីប្រកបដោយលក្ខណៈងាយស្រួលជាច្រើន។ ថ្វីត្បិតដូច្នេះក៏ដោយ បញ្ហាប្រឈមដែលចាំបាច់ត្រូវតែជំនះគឺនៅតែមានច្រើន ដែលទាមទារឲ្យភាគីពាក់ព័ន្ធត្រូវខិតខំប្រឹងប្រែងឲ្យបានច្រើនថែមទៀត។