(VOVWORLD) - ការកសាងនិងការធ្វើឱ្យល្អប្រសើរឡើងនូវសេដ្ឋកិច្ចទីផ្សារទិសដៅសង្គមនិយម គឺជាគោលការណ៍ដ៏សំខាន់របស់បក្សនិងរដ្ឋវៀតណាម។ គោលការណ៍នេះ ជាលទ្ធផលនៃដំណើរការបូកសរុបសកម្មភាពជាក់ស្តែងក៏ដូចជាផ្លាស់ប្តូរផ្នត់គំនិតដើម្បីទទួលយកគុណតម្លៃវិជ្ជមានរបស់មនុស្សជាតិក្នុងការអភិវឌ្ឍសេដ្ឋកិច្ចឱ្យសមស្របនឹងលក្ខខណ្ឌជាក់ស្តែងរបស់វៀតណាម។ តថភាពជាក់ស្តែងបានអះអាងនូវតួនាទីដឹកនាំរបស់បក្សកុម្មុយនិស្តវៀតណាម ក្នុងការកសាងសេដ្ឋកិច្ចទីផ្សារទិសដៅសង្គមនិយមនៅវៀតណាម។

(VOVWORLD) - សមុទ្រខាងកើត ដែលជាតំបន់សមុទ្រយុទ្ធសាស្ត្រនៅទ្វីបអាស៊ី កំពុងទាក់ ទាញការយកចិត្តទុកដាក់របស់សហគមន៍អន្តរជាតិកាន់តែច្រើនពីមួយថ្ងៃទៅមួយថ្ងៃ ដែលក្នុងនោះ ការប្រកួតប្រជែងយុទ្ធសាស្ត្ររវាងប្រទេសធំៗ កាន់តែតានតឹងឡើងៗ។ នាពេលកន្លងមក ប្រទេសជាប់ឆ្នេរសមុទ្រ ខាងកើត ជាច្រើន ជាក់ស្ដែងគឺសមាគមន៍ប្រជាជាតិអាស៊ីអាគ្នេយ៍ (អាស៊ាន) បានសម្ដែងហើយស្រាយបំភ្លឺយ៉ាងក្បោះក្បាយនូវគោលជំហរគតិយុត្ត នៅសមុទ្រខាងកើត តាមរយៈកំណត់ទូតដាក់ជូនអង្គការសហប្រជាជាតិ ក៏ដូច ជាសេចក្ដីថ្លែងការណ៍ជាក់លាក់ផងដែរ។ ប្រការនេះបង្ហាញឲ្យឃើញថា ប្រទេសអាស៊ានទាំងឡាយសុទ្ធតែ គោរពតួនាទីនិងតម្លៃនៃច្បាប់អន្តរជាតិ ហើយអះអាងនូវតួនាទីមជ្ឈភាពរបស់អាស៊ានក្នុងការដោះស្រាយជម្លោះនៅសមុទ្រខាងកើត។

(VOVWORLD) - កិច្ចប្រជុំកំពូល G20 ទើបបានបិទបញ្ចប់ ក្រោយរយៈពេល ២ ថ្ងៃប្រជុំតាមប្រព័ន្ធវីដេអូ ក្រោមព្រះរាជអធិបតីភាពរបស់ ព្រះបាទ Salman bin Abdulaziz Al Saud ព្រះមហាក្សត្រអារ៉ាប៊ីសាអូឌីត។ ដោយប្រធានបទ “ ការអនុវត្តជាក់ស្ដែងនូវកាលានុវត្តភាពក្នុងសតវត្សរ៍ទី ២១ សម្រាប់មនុស្សទាំងអស់គ្នា” នោះ កិច្ចប្រជុំកំពូល G20 បានផ្តោតសំខាន់លើការពិភាក្សាអំពីបណ្ដាវិធានការនាំសេដ្ឋកិច្ចពិភពលោកជំនះពុះពារលើផលប៉ះពាល់ដ៏ស៊ីជម្រៅ ដោយសារជំងឺរាតត្បាតកូវីដ ១៩ ក៏ដូចជាបន្តអភិវឌ្ឍន៍ផងដែរ។

(VOVWORLD) - កិច្ចប្រជុំកំពូលថ្នាក់ដឹកនាំបណ្ដាខឿនសេដ្ឋកិច្ចជាសមាជិកវេទិកាសហប្រតិបត្តិការសេដ្ឋកិច្ចតំបន់អាស៊ី-ប៉ាស៊ីហ្វិកលើកទី ២៧ (APEC ២៧) បាន ប្រារព្ធធ្វើឡើងតាមប្រព័ន្ធវីដេអូកាលពីថ្ងៃទី២០ វិច្ឆិកា ក្រោមអធិបតីភាព របស់នាយករដ្ឋមន្រ្តីម៉ាឡេស៊ី លោក Muhyddin Yassin។ ថ្នាក់ដឹកនាំ ប្រទេសជាសមាជិក APEC ទាំង២១ រួមទាំងនាយករដ្ឋមន្រ្តីវៀតណាម លោក Nguyen Xuan Phuc បានអនុម័តលើសេចក្ដីថ្លែងការណ៍ទីក្រុង Putrajaya ស្ដីពីចក្ខុវិស័យ APEC ដល់ឆ្នាំ២០៤០។ នេះគឺជាបុព្វបទដ៏សំខាន់ សម្រាប់កិច្ចសហប្រតិបត្តិការនិងការអភិវឌ្ឍរួមគ្នារបស់ APEC ក្នុងរយៈពេល២ ទសវត្សខាងមុខ។

(VOVWORLD) - តាមការអញ្ជើញរបស់នាយករដ្ឋមន្រ្តីម៉ាឡេស៊ីលោក Muhyiddin Yassin នៅថ្ងៃទី២០ វិច្ឆិកា នាយករដ្ឋមន្រ្តីវៀតណាម លោក Nguyen Xuan Phuc បានចូលរួមកិច្ចប្រជុំកំពូលវេទិកាសហប្រតិបត្តិការសេដ្ឋកិច្ចអាស៊ី-ប៉ាស៊ីហ្វិក (APEC) លើកទី២៧ តាមប្រព័ន្ធវីដេអូ។ កិច្ចប្រជុំគឺជាសកម្មភាព សំខាន់បំផុតនៃសប្ដាហ៍កិច្ចប្រជុំកំពូល APEC លើកទី២៧ ដោយមានការ ចូលរួមរបស់ថ្នាក់ដឹកនាំនៃខឿនសេដ្ឋកិច្ចសមាជិកទាំង ២១។ ការចូលរួម APEC លើកទី២៧នេះបន្តបញ្ជាក់ពីការទទួលខុសត្រូវ ភាពម្ចាស់ការ ព្រម ទាំងលើកកំពស់ឋានៈរបស់វៀតណាមនៅវេទិកានេះផងដែរ។

(VOVWORLD) - គ្រោះមហន្តរាយធម្មជាតិខ្យល់ព្យុះនិងទឹកជំនន់ទើបបានបោកបក់នៅបណ្តាខេត្តភាគកណ្តាលវៀតណាម ហើយទាំងបក្ស រដ្ឋាភិបាល នគរបាល កងទ័ព អង្គការនយោបាយ-សង្គម និងសម្បុរសជន កំពុងឆ្លៀតយកគ្រប់ពេលវេលា ដើម្បីចូលរួមនិងជួយឧបត្ថម្ភ ដោយឆ្ពោះទៅប្រជាជនភាគកណ្តាលជានិច្ច។ ឆ្លៀតយកប្រយោជន៍ពីស្ថានការណ៍នេះ មុខសញ្ញាឱកាសនិយមនយោបាយជាច្រើន បានផ្សព្វផ្សាយ និងចែកចាយនូវអត្ថបទនិងវីដេអូ ដែលបានប្រឌិត ដើម្បីមូលបង្កាច់បង្ខូចការពិតជាក់ស្តែង និងបំបែកបំបាក់ផែនមហាសាមគ្គីភាពជនជាតិទាំងមូល។ ទោះយ៉ាងណាក៏ដោយ ទាំងអស់នោះ មិនអាចបំបែកបំបាក់ផែនមហាសាមគ្គីភាពជនជាតិទាំងមូលបានឡើយ។

(VOVWORLD) - ថ្ងៃទី ១៨ ខែវិច្ឆិកា រណសិរ្សមាតុភូមិវៀតណាមបានរៀបចំពិធីរំលឹកខួបលើកទី ៩០ ឆ្នាំនៃការបង្កើត (១៨ វិច្ឆិកា ១៩៣០ - ១៨ វិច្ឆិកា ២០២០) ។ ក្នុងកំណាត់ផ្លូវ ៩០ នៃការកកើតនិងអភិវឌ្ឍន៍នោះ រណសិរ្សមាតុភូមិ វៀតណាមបាន ក្លាយទៅជាមជ្ឈមណ្ឌលសាមគ្គីភាព បំផុសកម្លាំងសម្រាប់ប្រជាជាតិទាំងមូល បង្កើតបុព្វបទដ៏សំខាន់ ដើម្បីអនុវត្តភារកិច្ចបដិវត្តប្រកបដោយជោគជ័យ ដែលក្នុងនោះមានភារកិច្ចសមាហរណកម្មអន្តរជាតិផងដែរ។

(VOVWORLD) - នាថ្ងៃទី១៥ វិច្ឆិកា នៅកិច្ចប្រជុំកំពូលអាស៊ានលើកទី ៣៧ ក្រោមអធិបតី ភាពរបស់វៀតណាម ប្រធានអាស៊ានឆ្នាំ២០២០ កិច្ចព្រមព្រៀងភាពជាដៃគូ សេដ្ឋកិច្ចគ្រប់ជ្រុងជ្រោយតំបន់ (RCEP) រួមមានប្រទេសអាស៊ានទាំង១០ និងប្រទេសដៃគូចំនួន៥នោះគឺ ចិន ជប៉ុន កូរ៉េខាងត្បូង អូស្ត្រាលីនិងនូវែល ហ្សេឡង់ ត្រូវបានចុះហត្ថលេខាជាផ្លូវការក្រោយរយៈពេល៨ឆ្នាំដំណើរការ ចរចា។ នៅពេលដែលកិច្ចព្រមព្រៀងនេះត្រូវបានចុះហត្ថលេខាហើយដាក់ ឲ្យអនុវត្តនោះ វានឹងនាំមកនូវស្ថានភាពថ្មី រចនាសម្ព័ន្ធថ្មី និងជំហានលោតផ្លោះ ថ្មីចំពោះពាណិជ្ជកម្មតំបន់និងអន្តរជាតិតែម្ដង។

(VOVWORLD) - នារសៀលថ្ងៃទី ១៥ ខែវិច្ឆិកា កិច្ចប្រជុំកំពូលអាស៊ានលើកទី ៣៧ និងកិច្ចប្រជុំកំពូលពាក់ព័ន្ធ បានបិទបញ្ចាប់នៅទីក្រុងហាណូយក្រោយរយៈពេល ៤ ថ្ងៃធ្វើការ។ រាល់លទ្ធផលដែលទទួលបានក្នុងកិច្ចប្រជុំកំពូលលើកនេះរួមជាមួយសមិទ្ធិផលនៅទូទាំងឆ្នាំ២០២០ បានបង្ហាញយ៉ាងច្បាស់លាស់នូវភាពស្មារតីស្អិតរមួត និងការឆ្លើយតបរបស់វៀតណាម ក៏ដូចជាបណ្ដាប្រទេសជាសមាជិកអាស៊ានក្នុងបរិបទ ដែលពិភពលោកមានការវិវឌ្ឍ ដោយសារការប្រកួតប្រជែងជាយុទ្ធសាស្រ្តក្នុងចំណោមបណ្តាប្រទេសមហាអំណាច ក៏ដូចជាផលប៉ះពាល់ជាអវិជ្ជមាននៃជម្ងឺរាតត្បាកូវីដ ១៩ ផងដែរ។

(VOVWORLD) - កិច្ចប្រជុំកំពូលអាស៊ានលើកទី ៣៧ កំពុងប្រព្រឹត្តិទៅនៅទីក្រុងហាណូយតាមប្រព័ន្ធវីដេអូ។ ប្រការលេចធ្លោមួយក្នុងកិច្ចប្រជុំកំពូលលើកនេះ គឺបណ្ដាថ្នាក់ដឹកនាំបានអនុម័ត និងប្រកាសចំនួនឯកសារសហប្រតិបត្តិការច្រើនបំផុតតាំងពីមុនមក។ ក្នុងនោះ ខ្លឹមសារនៃឯកសារជាច្រើនបានផ្តោតសំខាន់ទៅលើការស្តារសេដ្ឋកិច្ចអាស៊ានក្រោយពីជំងឺរាតត្បាតកូវីដ ១៩ បង្កើនកិច្ចសហប្រតិបត្តិការ ហើយតភ្ជាប់អំពី ពាណិជ្ជកម្ម វិនិយោគ និងការធ្វើដំណើររបស់ប្រជាជនក្នុងតំបន់ជាមួយបណ្ដាប្រទេសដៃគូ។