(VOVWORLD) - ទទួលការអញ្ជើញរបស់ប្រធានរដ្ឋវៀតណាមលោក Luong Cuong ប្រធានាធិបតី ប្រេស៊ីល លោក Luiz Inácio Lula da Silva នឹងមកបំពេញទស្សនកិច្ចផ្លូវរដ្ឋនៅវៀត ណាមចាប់ពីថ្ងៃទី ២៧ ដល់ថ្ងៃទី ២៩ មីនា។ ដំណើរទស្សនកិច្ចលើកនេះបានអះអាង នូវគោលជំហរដ៏ខ្ជាប់ខ្ជួនរបស់វៀតណាមដែលយកចិត្តទុកដាក់ជានិច្ចចំពោះទំនាក់ទំនងមិត្តភាពជាប្រពៃណី និងកិច្ចសហប្រតិបត្តិការពហុវិស័យជាមួយប្រេស៊ីល ក្រោម ក្របខ័ណ្ឌទំនាក់ទំនងភាពជាដៃគូយុទ្ធសាស្ត្រ និងកិច្ចសហប្រតិបត្តិការលើគ្រប់ជ្រុង ជ្រោយជាមួយអាមេរិកឡាទីន ធ្វើឲ្យស៊ីជម្រៅថែមទៀត និងបើកឱកាសសហប្រតិបត្តិ ការថ្មីៗកាន់តែច្រើន។

(VOVWORLD) - ការដែលកងទ័ពអ៊ីស្រាអែលបើកការវាយប្រហារទ្រង់ទ្រាយធំឡើងវិញទៅលើតំបន់ហ្គាហ្សាក្នុងរយៈពេលជាង ១ សប្ដាហ៍កន្លងមក មិនត្រឹមតែបំបែកក្តីសង្ឃឹមដ៏ផុយ ស្រួយនៃការបន្តបទ ឈប់បាញ់ដែលត្រូវបានរក្សារយៈពេលពីរខែកន្លងមកនៅក្នុងតំបន់ដីនេះប៉ុណ្ណោះទេ ថែមទាំងអាចរុញច្រានតំបន់ហ្គាហ្សា ក៏ដូចជាតំបន់មជ្ឈិមបូព៌ាទាំង មូលឲ្យធ្លាក់ចូលទៅក្នុងវដ្ដថ្មីនៃអំពើហិង្សាដ៏គ្រោះថ្នាក់ជាងមុនទៀតផង។

(VOVWORLD) - តបតាមការអញ្ជើញរបស់នាយករដ្ឋមន្ត្រីវៀតណាម លោក ហ្វាម មិញ ជិញនិងលោកជំទាវភរិយា នាយករដ្ឋមន្ត្រីសិង្ហបុរីលោក Lawrence Wong និងលោកជំទាវភរិយានឹងមកបំពេញទស្សនកិច្ចជាផ្លូវការនៅវៀតណាមចាប់ពីថ្ងៃទី ២៥-២៦ ខែមីនា។ នេះជាដំណើរទស្សនកិច្ចលើកដំបូងរបស់លោក Lawrence Wong មកកាន់ប្រទេសវៀតណាមក្នុងឋានៈជានាយករដ្ឋមន្ត្រីសិង្ហបុរី។ ជាពិសេស ព្រឹត្តិការណ៍នេះបានធ្វើឡើងបន្ទាប់ពីដំណើរទស្សនកិច្ច ប្រកប ដោយជោគជ័យរបស់អគ្គលេខាបក្ស លោកតូ ឡឹម ទៅកាន់ប្រទេសសិង្ហបុរី (១១-១៣ មីនា) ដែលគូសសញ្ញាសម្គាល់ប្រវត្តិសាស្ត្រ នៅពេលដែលប្រទេសទាំងពីរបានលើកកម្ពស់ទំនាក់ទំនង ឡើងទៅភាពជាដៃគូយុទ្ធសាស្ត្រគ្រប់ជ្រុងជ្រោយ បើកចេញទំព័រថ្មីជាមួយនឹងចក្ខុវិស័យរយៈពេលវែង និងទូលំទូលាយជាង។

(VOVWORLD) - កិច្ចព្រមព្រៀងឈប់បាញ់រយៈពេល ៣០ ថ្ងៃសម្រាប់ហេដ្ឋារចនាសម្ព័ន្ធថាមពលរុស្ស៊ី និងអ៊ុយក្រែន ដែលស្នើឡើងដោយប្រធានាធិបតីអាមេរិក លោក Donald Trump និងទទួលបានការគាំទ្រដោយរុស្ស៊ី និងអ៊ុយក្រែន គឺជាសញ្ញាវិជ្ជមាន។ ទោះជាយ៉ាងណាក៏ដោយ កិច្ចព្រមព្រៀងនេះមិនបានបញ្ចុះបញ្ចូលទាំងស្រុងឱ្យភាគីនានាមានសុទិដ្ឋិនិយមចំពោះការបញ្ឈប់ជម្លោះរុស្ស៊ី-អ៊ុយក្រែន ក្នុងដំណាក់កាលដំបូងនោះទេ។

(VOVWORLD) - វិស័យសេដ្ឋកិច្ចឯកជនកំពុងងើបឡើងយ៉ាងខ្លាំងគ្លា ក្លាយជាសសរស្តម្ភដ៏សំខាន់មួយនៃខឿនសេដ្ឋកិច្ច និងកាន់តែបង្ហាញខ្លួនឯងជាកម្លាំងចលករដ៏សំខាន់បំផុតក្នុងការជំរុញកំណើនសេដ្ឋកិច្ចជាតិ។ អ្នកជំនាញសេដ្ឋកិច្ចជាច្រើនជឿថា សេដ្ឋកិច្ចឯកជនត្រូវតែជាកម្លាំងត្រួសត្រាយក្នុងយុគសម័យថ្មី។

(VOVWORLD) - ប្រទេសវៀតណាមកំពុងធ្វើការសុក្រិតចក្តីព្រាងច្បាប់ស្តីពីការចូលរួមក្នុងកងកម្លាំងរក្សាសន្តិភាពរបស់អង្គការសហប្រជាជាតិ។ នេះគឺជាឯកសារច្បាប់ដំបូងដែលកែសម្រួលការចូលរួមរបស់វៀតណាមក្នុងអង្គការនេះ បង្កើតច្រករបៀងគតិយុត្តិពេញលេញ រឹងមាំ យូរអង្វែង និងស្ថិរភាពសម្រាប់ការដាក់ពង្រាយកងកម្លាំងចូលរួមក្នុងប្រតិបត្តិការរក្សាសន្តិភាពរបស់អង្គការសហប្រជាជាតិរបស់វៀតណាមក្នុងបរិបទថ្មី។

(VOVWORLD) - របាំងពាណិជ្ជកម្មទាក់ទងនឹងសង្គ្រាមពន្ធដារនិងការកើនឡើង ភាពមិនប្រាកដប្រជានៃភូមិសាស្ត្រនយោបាយ កំពុងចាប់ផ្តើមមានផលប៉ះពាល់ដល់ សេដ្ឋកិច្ចពិភពលោក ធ្វើឱ្យទស្សនវិស័យកំណើននៅឆ្នាំនេះ ខ្សោយជាងការព្យាករណ៍អំពីសេដ្ឋកិច្ច ដែលបានដាក់ចេញមុននោះ។

(VOVWORLD) - វៀតណាមទើបតែបានសម្រេចជាផ្លូវការនូវនីតិវិធីតម្កល់ទុកផែនទីដែនសមុទ្រ និងបញ្ជីនិយាមកាភូមិសាស្ត្រទាក់ទងនឹងខ្សែបន្ទាត់មូលដ្ឋានដែលប្រើសម្រាប់គណនារយៈទទឹងដែនទឹកក្នុង ឈូងសមុទ្រខាងជើង (ឈូងសមុទ្រតុងកឹង) បន្ទាប់ពីត្រូវបានអង្គការសហ ប្រជាជាតិជូនដំណឹង និងបង្ហោះនៅលើគេហទំព័ររបស់អង្គការនេះ។ ព្រឹត្តិការណ៍នេះ មិនត្រឹមតែជាការបោះជំហានសំខាន់ក្នុងការបញ្ជាក់អធិបតេយ្យភាពជាតិ និងបម្រើការ អភិវឌ្ឍសេដ្ឋកិច្ចប៉ុណ្ណោះទេ ថែមទាំងបង្ហាញពីភាពម្ចាស់ការរបស់វៀតណាមក្នុងការ ពង្រឹងមូលដ្ឋានគតិយុត្តរបស់ខ្លួនស្របតាមច្បាប់អន្តរជាតិទៀតផង។

(VOVWORLD) - លោកអគ្គលេខាបក្ស តូ ឡឹម និងលោកជំទាវភរិយា រួមជាមួយនឹងគណៈប្រតិភូ ជាន់ខ្ពស់វៀតណាម ទើបតែបានបញ្ចប់ដំណើរទស្សនកិច្ចផ្លូវរដ្ឋនៅប្រទេសឥណ្ឌូនេស៊ី ដំណើរទស្សនកិច្ចផ្លូវការនៅលេខាធិការដ្ឋានអាស៊ាន និងដំណើរទស្សនកិច្ចផ្លូវការ នៅប្រទេសសិង្ហបុរី (ថ្ងៃទី ៩-១៣ ខែមីនា)។ លទ្ធផលនៃដំណើរទស្សនកិច្ចនេះមាន អត្ថន័យប្រវត្តិសាស្ត្រ ខណៈដែលវៀតណាមបានលើកកំពស់ទំនាក់ទំនងជាមួយ ប្រទេសទាំងពីរក្នុងសមាគមប្រជាជាតិអាស៊ីអាគ្នេយ៍ (អាស៊ាន) ដោយក្លាយជាប្រទេស តែមួយគត់ក្នុងអាស៊ាន ដែលបានបង្កើតភាពជាដៃគូយុទ្ធសាស្ត្រគ្រប់ជ្រុងជ្រោយជា មួយឥណ្ឌូនេស៊ី។ ដំណើរទស្សនកិច្ចក៏បានរួមចំណែកប្រកបដោយប្រសិទ្ធភាពដល់ទំនាក់ទំនងសហប្រតិបត្តិការក្នុងអាស៊ានផងដែរ។

(VOVWORLD) - វៀតណាមកំពុងជំរុញឱ្យមានការរួមបញ្ចូលខេត្ត។ នេះជាគោលនយោបាយដ៏សំខាន់មួយ សំដៅបង្រួមក្បាលម៉ាស៊ីនដឹកនាំ បង្កើនប្រសិទ្ធភាពក្នុងការគ្រប់គ្រង និង អភិវឌ្ឍសេដ្ឋកិច្ច។ ការរួមបញ្ចូលខេត្តក៏ជាឱកាសមួយសម្រាប់អភិវឌ្ឍន៍ប្រទេសជាតិ នៅថ្នាក់មូលដ្ឋាន បំពេញតម្រូវការនៃកំណើនពីរខ្ទង់ និងជាមូលដ្ឋានគ្រឹះសម្រាប់ប្រទេសជាតិ ស្ទុះឈានទៅ មុខ។