(VOVWORLD) - ថ្ងៃនេះជាថ្ងៃទី ២៩ ខែទី ១២ តាមច័ន្ទគតិ ជាថ្ងៃចុងក្រោយនៃឆ្នាំរោងឆត្វាស័ក។ សម្រាប់ជនជាតិវៀតណាមគ្រប់រូប មួយឆ្នាំតែងតែបញ្ចប់ និងចាប់ផ្តើមជាមួយបុណ្យតេត ជាពេលវេលាដែលមនុស្សគ្រប់គ្នាប្រាថ្នាចង់វិលត្រឡប់មកជួបជុំគ្រួសារ ទទួលអំណរបុណ្យតេតជាមួយមនុស្សជាទីស្រឡាញ់របស់ខ្លួន។ តេតគឺជារដូវនៃការជួបជុំគ្នា បង្ហាញពីការស្រឡាញ់រាប់អានជាមួយគ្នា និងការរួមគ្នាបង្កើតក្តីសង្ឃឹមថ្មី។

(VOVWORLD) - ជារៀងរាល់ឆ្នាំ ក្នុងឱកាសបុណ្យចូលឆ្នាំថ្មីប្រពៃណីជាតិ ប្រព័ន្ធនយោបាយទាំងមូល ចាប់តាំងពីថ្នាក់មជ្ឈិមដល់ថ្នាក់មូលដ្ឋាន រួមដៃគ្នាថែទាំប្រជាពលរដ្ឋក្រីក្រ និងប្រជាពលរដ្ឋដែលមានស្ថានភាពលំបាក។ នេះជាសកម្មភាពជាក់ស្តែង ដើម្បីអនុវត្តន៍គោលនយោបាយដ៏ខ្ជាប់ខ្ជួនរបស់បក្ស និងរដ្ឋវៀតណាមនោះ គឺ “មិនទុកឲ្យអ្នកណាគ្មានបុណ្យតេតឡើយ” “គ្មានអ្នកណាត្រូវបំភ្លេចចោលនៅពីក្រោយទេ” តាមនោះបានរួមចំណែកនាំមកនូវបុណ្យតេតដ៏កក់ក្តៅ និងពោរពេញទៅដោយសេចក្តីស្រឡាញ់ជូនប្រជាពលរដ្ឋដែលមានស្ថានភាពលំបាក បង្កើតកម្លាំងចិត្តជួយគេឈានឡើងក្នុងជីវភាព។

(VOVWORLD) - សន្និបាតគណៈកម្មាធិការមជ្ឈិមបក្សនីតិកាលទី១៣ បានប្រព្រឹត្តទៅនៅរដ្ឋធានី ហាណូយ ពីរសៀលថ្ងៃទី២៣ ដល់ថ្ងៃទី២៤ ខែមករា។ ខ្លឹមសារសំខាន់ៗជាច្រើនត្រូវ បានលើកយកមកពិភាក្សានៅក្នុងសន្និបាត រួមទាំងក្រុមបញ្ហាទាក់ទងនឹងការបូកសរុប សេចក្តីសម្រេចចិត្តលេខ ១៨ នៃគណៈកម្មាធិការមជ្ឈិមស្តីពីការផ្លាស់ប្ដូរថ្មី រៀបចំរចនា សម្ព័ន្ធក្បាលម៉ាស៊ីននៃប្រព័ន្ធនយោបាយឱ្យមានលក្ខណៈបង្រួម ដំណើរការប្រកប ដោយផលិតភាព ប្រសិទ្ធភាព។ លទ្ធផលអនុវត្តន៍សេចក្តីសម្រេចចិត្តដើរតួនាទីដ៏ ធំធេងក្នុងការកែទម្រង់គ្រប់ជ្រុងជ្រោយនូវរចនាសម្ព័ន្ធក្បាលម៉ាស៊ីន រំដោះកម្លាំងផលិត កម្ម បង្កើតលក្ខខណ្ឌសម្រាប់ការធ្វើអាជីវកម្មនិងពង្រីកធនធានមនុស្សជាអតិបរមា។

(VOVWORLD) - នៅឯកិច្ចសន្ទនាគោលនយោ បាយពិសេសក្នុងក្របខ័ណ្ឌនៃវេទិកាសេដ្ឋកិច្ចពិភពលោកលើកទី ៥៥ នៅទីក្រុងដាវ៉ូស ដែលប្រព្រឹត្តទៅនៅប្រទេសស្វីស នារសៀលថ្ងៃទី ២១ មករា នាយករដ្ឋមន្ត្រីវៀតណាម លោក ហ្វាម មិញ ជីញបានពាំនាំនូវសារយ៉ាងម៉ឺងម៉ាត់និងទស្សនៈរបស់វៀតណាមអំពីនវានុវត្តន៍។ លោកនាយករដ្ឋមន្ត្រីបានមានប្រសាសន៍ថា យុគសម័យឆ្លាតវៃ ត្រូវតែដើរទន្ទឹមគ្នាជាមួយនឹងការអភិវឌ្ឍបញ្ញាឆ្លាតវៃ និងប្រព័ន្ធទិន្នន័យ។ ជោគជ័យនៃសម័យសន្ទនាបានរួមចំណែកផ្សព្វផ្សាយចក្ខុវិស័យនិង យថាទស្សន៍របស់វៀតណាមក្នុងយុគសម័យថ្មី។

(VOVWORLD) - កាលពីថ្ងៃទី ២១ មករា វេទិកាសភាកិច្ចសហប្រតិបត្តិការហ្វ្រង់កូហ្វូនី ស្តីពីកសិកម្មប្រកបដោយនិរន្តរភាព សន្តិសុខស្បៀងអាហារ និងការឆ្លើយតបនឹងបម្រែបម្រួលអាកាសធាតុត្រូវបានរៀបចំឡើងដោយរដ្ឋសភាវៀតណាមនៅទីក្រុង Can Tho ។ សេចក្តីប្រកាសនៃវេទិកាបានបង្ហាញពីការប្តេជ្ញាចិត្ត ការឯកភាពខ្ពស់ និងការសន្យាយ៉ាងមុតមាំរបស់សមាជិកសភានៃសហគមន៍ ហ្វ្រង់កូហ្វូនី រួមទាំងប្រទេសវៀតណាម ក្នុងការជំរុញការអនុវត្តគោលដៅអភិវឌ្ឍន៍ប្រកបដោយចីរភាព និងរួមគ្នាដោះស្រាយបញ្ហាជាសកល។ ជោគជ័យនៃវេទិកានេះបានរួមចំណែកបញ្ជាក់ពីការរួមវិភាគទានរបស់វៀតណាមក្នុងការអភិវឌ្ឍកសិកម្មប្រកបដោយចីរភាព សន្តិសុខស្បៀងអាហារ និងការឆ្លើយតបនឹងបម្រែបម្រួលអាកាសធាតុក្នុងប្លុកហ្វ្រង់កូហ្វូនី។

(VOVWORLD) - នៅថ្ងៃទី ២០ ខែមករា លោក ដូណាល់ ត្រាំ (Donald Trump) បានចូលកាន់តំណែងជាផ្លូវការ ដោយក្លាយជាប្រធានាធិបតីទី ៤៧ ក្នុងប្រវត្តិសាស្ត្ររបស់អាមេរិក។ នៅថ្ងៃដំបូងដែលលោកវិលត្រលប់មកសេតវិមានវិញ មេដឹកនាំអាមេរិករូបនេះ បានលើកឡើងសារជាបន្តបន្ទាប់ និងបានធ្វើការផ្លាស់ប្តូរគោលនយោបាយយ៉ាងខ្លាំងក្លា។

(VOVWORLD) - ប៉ុន្មានថ្ងៃនេះ ប្រទេសវៀតណាមកំពុងទទួលស្វាគមន៍បងប្អូនអាណិកជន វៀតណាមជិត ១០០០ នាក់មកពីប្រទេស និងតំបន់ដែនដីជាង ៤០ ដែលវិលត្រឡប់ មកចូលរួមកម្មវិធីនិទាឃរដូវស្រុកកំណើតឆ្នាំ ២០២៥។ នេះជាសកម្មភាពដែលធ្វើ ឡើងក្នុងឱកាសបុណ្យតេតមកដល់ជារៀងរាល់ឆ្នាំ ដោយបញ្ជាក់ពីតម្លៃនៃស្មារតីមហា សាមគ្គីជនជាតិទាំងមូល នៅពេលដែលបងប្អូនអាណិកជននៅឯបរទេស ជាផ្នែក មួយដែលមិនអាចកាត់ផ្ដាច់ចេញពីភាពជោគជ័យ និងបញ្ហាប្រឈមនីមួយៗរបស់ប្រទេស ជាតិនោះឡើយ។ ក្នុងយុគសម័យថ្មី ដែលជាយុគសម័យស្ទុះឈានទៅមុខរបស់ប្រជាជាតិ ស្មារតីនោះត្រូវបានពង្រីកកាន់តែខ្លាំងក្លា។

(VOVWORLD) - នៅថ្ងៃទី១៨ ខែមករា ឆ្នាំ១៩៥០ ប្រទេសចិនបានក្លាយជាប្រទេសដំបូងគេលើ ពិភពលោកដែលបង្កើតទំនាក់ទំនងការទូតជាមួយសាធារណរដ្ឋប្រជាធិបតេយ្យវៀតណាម (សព្វថ្ងៃជាសាធារណៈរដ្ឋសង្គមនិយមវៀតណាម) ដែលជាការគូសសញ្ញាប្រវត្តិ សាស្ត្រដ៏សំខាន់ក្នុងទំនាក់ទំនងរវាងប្រទេសទាំងពីរ។ ក្នុងរយៈពេល ៧៥ ឆ្នាំកន្លងមក ទំនាក់ទំនងវៀតណាម-ចិនបានពង្រីកដោយឥតឈប់ឈរ កាន់តែស៊ីជម្រៅ ពូនជ្រុំ ឡើងទំនាក់ទំនងភាពជាដៃគូសហប្រតិបត្តិការយុទ្ធសាស្ត្រគ្រប់ជ្រុងជ្រោយ និង "សហគមន៍ចែករំលែកអនាគតវៀតណាម-ចិនប្រកបដោយអត្ថន័យយុទ្ធសាស្ត្រ"។

(VOVWORLD) - នាយករដ្ឋមន្ត្រីលោក Pham Minh Chinh និងលោកជំទាវកំពុងបំពេញទស្សនកិច្ចជាផ្លូវការនៅប្រទេសប៉ូឡូញ សាធារណៈរដ្ឋឆែក និងចូលរួមកិច្ចប្រជុំប្រចាំឆ្នាំលើកទី ៥៥ នៃវេទិកាសេដ្ឋកិច្ចពិភពលោក (WEF) នៅទីក្រុង Davos ប្រទេសស្វីស និងជួបធ្វើការទ្វេភាគីនៅប្រទេសស្វីសចាប់ពីថ្ងៃទី ១៥ ដល់ថ្ងៃទី ២៣ ខែមករា។ ដំណើរទស្សនកិច្ចនេះ បានរួមចំណែកធ្វើឱ្យទំនាក់ទំនងរវាងវៀតណាមជាមួយដៃគូសំខាន់ៗកាន់តែស៊ីជម្រៅ ពង្រឹងថែមទៀតនូវតួនាទី ឋានៈនិងការទទួលខុសត្រូវរបស់វៀតណាម។ ជាងនេះទៅទៀត ផ្សព្វផ្សាយសារអំពីការប្តេជ្ញាចិត្តនិងសេចក្តីប្រាថ្នាអភិវឌ្ឍន៍របស់ប្រទេសជាតិ ទាក់ ទាញធនធានអន្តរជាតិជាអតិបរមាដើម្បីបម្រើគោលដៅអភិវឌ្ឍន៍របស់ប្រទេសជាតិ។

(VOVWORLD) - នៅថ្ងៃទី ២០ ខែមករា ប្រធានាធិបតីអាមេរិក លោក Joe Biden នឹងចាកចេញពីសេតវិមានជាផ្លូវការ ដោយប្រគល់តំណែងជាប្រមុខសហរដ្ឋអាមេរិកទៅប្រធានាធិបតីជាប់ឆ្នោត លោក Donald Trump ។ យោងតាមមជ្ឈដ្ឋានអ្នកជំនាញ ក្រោយរយៈពេល ៤ ឆ្នាំ លោក Joe Biden បានជួយសេដ្ឋកិច្ចអាមេរិកឱ្យកាន់តែរីកចម្រើនប៉ុន្តែសមិទ្ធិផលគោលនយោបាយការបរទេសរបស់លោកនៅតែមានភាពចម្រូងចម្រាស។