(VOVWORLD) - នាថ្ងៃទី ១២ ខែធ្នូ អគ្គលេខាបក្ស និងជាប្រធានរដ្ឋចិន លោក Xi Jinping និងលោកជំទាវ បានចាប់ផ្តើមដំណើរទស្សនកិច្ចផ្លូវរដ្ឋនៅវៀតណាម តបតាមការអញ្ជើញរបស់អគ្គលេខាបក្សកុម្មុយនិស្តវៀតណាម លោក Nguyen Phu Trong និងលោកជំទាវ ប្រធានរដ្ឋវៀតណាម លោក Vo Van Thuong និងលោកជំទាវ។ ដំណើរទស្សនកិច្ចនេះបានធ្វើឡើងចំឱកាសរំលឹកខួបលើកទី ១៥ នៃទិវាបង្កើតទំនាក់ទំនងដៃគូសហប្រតិបត្តិការយុទ្ធសាស្ត្រលើគ្រប់ជ្រុងជ្រោយវៀតណាម-ចិន (២០០៨-២០២៣) និងជាងមួយឆ្នាំបន្ទាប់ពីដំណើរទស្សនកិច្ចជាប្រវត្តិសាស្ត្ររបស់អគ្គលេខាបក្សលោក Nguyen Phu Trong ទៅកាន់ប្រទេសចិន (ខែតុលា ឆ្នាំ ២០២២)។ ដំណើរទស្សនកិច្ចនេះត្រូវបានរំពឹងថា នឹងបង្កើតកម្លាំងចលករថ្មីសម្រាប់ភាពជាដៃគូសហប្រតិបត្តិការយុទ្ធសាស្ត្រគ្រប់ជ្រុងជ្រោយវៀតណាម-ចិន។

(VOVWORLD) - ទទួលសេចក្ដីអញ្ជើញរបស់នាយករដ្ឋមន្ត្រីវៀតណាមលោក Pham Minh Chinh នាយករដ្ឋមន្ត្រីកម្ពុជា សម្តេចមហាបវធិបតី ហ៊ុនម៉ាណែតបានអញ្ជើញមកបំពេញទស្សនកិច្ចផ្លូវការនៅវៀតណាមរយៈពេល ២ថ្ងៃ ចាប់ពីថ្ងៃទី ១១ ដល់ថ្ងៃទី ១២ ធ្នូ។ ដោយប្រព្រឹត្តិទៅក្នុងបរិបទដែលទំនាក់ទំនងរវាងប្រទេសទាំងពីរកំពុងស្ថិតលើសន្ទុះអភិវឌ្ឍន៍យ៉ាងសកម្ម ដំណើរទស្សនកិច្ចបានរួមចំណែកពង្រឹងទំនាក់ទំនងមិត្តភាពជាប្រពៃណី ឆ្ពោះទៅអនាគតរបស់ប្រទេសទាំងពីរវៀតណាម-កម្ពុជា។

(VOVWORLD) - ថ្នាក់ដឹកនាំជាន់ខ្ពស់របស់ចិន និងសហភាពអឺរ៉ុប (EU) មានជំនួបកំពូលនាថ្ងៃទី ៧ ខែធ្នូ នៅទីក្រុងប៉េកាំង (ចិន) ។ កិច្ចប្រជុំនេះបានជួយភាគីទាំងពីរពិភាក្សាដោយស្មោះត្រង់អំពីបញ្ហាជំពាក់ជំពិនក្នុងទំនាក់ទំនងទ្វេភាគី កំណត់បានការយល់ដឹងរួម តាមនោះ រក្សាស្ថិរភាពទំនាក់ទំនង ជំរុញកិច្ចសហប្រតិបត្តិការក្នុងវិស័យដែលនាំមកនូវផលប្រយោជន៍សម្រាប់ភាគីទាំងអស់។

(VOVWORLD) - វៀតណាមទើបតែបានការពារដោយជោគជ័យនូវរបាយការណ៍ថ្នាក់ជាតិលើកទី៥ ស្តីពីការអនុវត្តអនុសញ្ញាអន្តរជាតិការលុបបំបាត់រាល់ទម្រង់ នៃការរើសអើងពូជសាសន៍ (CERD) នៅសម័យប្រជុំលើកទី ១១១ នៃគណៈកម្មាធិការអនុសញ្ញានៅទីក្រុងហ្សឺណែវ ប្រទេសស្វីស (២៩-៣០ ខែវិច្ឆិកា) ជាពិសេសការធានាសិទ្ធិរបស់ជនជាតិភាគតិច ដូចជាការលុបបំបាត់ភាពអត់ឃ្លាន កាត់បន្ថយភាពក្រីក្រ ធានាសន្តិសុខសង្គម...។ លទ្ធផលនេះបង្ហាញយ៉ាងច្បាស់ ពីការយកចិត្តទុកដាក់ ការវិនិយោគប្រកបដោយប្រសិទ្ធភាពរបស់បក្ស និងរដ្ឋ វៀតណាម លើតំបន់ជនជាតិភាគតិច ធានាសិទ្ធិ និងផលប្រយោជន៍ស្របច្បាប់របស់ប្រជាជន។

(VOVWORLD) - ប្រធានរដ្ឋសភាវៀតណាម លោក Vuong Dinh Hue នឹងទៅបំពេញទស្សនកិច្ចជាផ្លូវការនៅព្រះរាជាណាចក្រថៃ តបតាមការអញ្ជើញរបស់ប្រធានរដ្ឋសភាថៃ លោក Wan Muhamad Noor Matha ចាប់ពីថ្ងៃទី ៧ ដល់ថ្ងៃទី ១០ ខែធ្នូ។ ដំណើរទស្សនកិច្ចនេះមានអត្ថន័យសំខាន់ក្នុងបរិបទដែលប្រទេសទាំងពីរកំពុងអនុវត្តន៍សកម្មភាពជាក់ស្តែងដើម្បីអបអរសាទរខួបលើកទី១០នៃការបង្កើតទំនាក់ទំនងភាពជាដៃគូយុទ្ធសាស្ត្រ (២០១៣ - ២០២៣) ក៏ដូចជាពង្រឹងកិច្ចសហប្រតិបត្តិការសភាទ្វេភាគីប្រកបដោយប្រសិទ្ធភាពផងដែរ។

(VOVWORLD) - កិច្ចប្រជុំកំពូលរដ្ឋសភា កម្ពុជា-ឡាវ-វៀតណាម (CLV) លើកទីមួយ បានប្រព្រឹត្តទៅនៅរដ្ឋធានីវៀងច័ន្ទ ប្រទេសឡាវ (ថ្ងៃទី៤-៦ ខែធ្នូ)។ នេះជាព្រឹត្តិការណ៍ដ៏សំខាន់ និងមានអត្ថន័យជាប្រវត្តិសាស្ត្រក្នុងទំនាក់ទំនងរវាងរដ្ឋសភានៃប្រទេសទាំងបី កម្ពុជា ឡាវ និងវៀតណាម ដោយបានចាក់គ្រឹះជាផ្លូវការសម្រាប់កិច្ចសហប្រតិបត្តិការត្រីភាគីនៅកម្រិតខ្ពស់បំផុតរវាងរដ្ឋសភានៃប្រទេសទាំងបី។ ទន្ទឹមនឹងនោះ ពង្រឹងសាមគ្គីភាព កិច្ចសហប្រតិបត្តិការ ការគាំទ្រ និងការជួយឧបត្ថម្ភគ្នាទៅវិញទៅមក រួមចំណែកដល់ការតម្រង់ទិសនៃទំនាក់ទំនងទូទៅរវាងប្រទេសទាំងបីផងដែរ។

(VOVWORLD) - កាលពីយប់ថ្ងៃទី ៣ ខែធ្នូ នាយករដ្ឋមន្ត្រីវៀតណាមលោក Pham Minh Chinh បានត្រឡប់មកទីក្រុងហាណូយវិញ បញ្ចប់ដំណើរទស្សនកិច្ចចូលរួមកិច្ចប្រជុំកំពូលសកម្មភាពអាកាសធាតុពិភពលោកក្នុងក្របខ័ណ្ឌសន្និសីទ COP28 នៅអេមីរ៉ាតអារ៉ាប់រួម (UAE) និងដំណើរទស្សនកិច្ចផ្លូវការនៅទួរគី។ ដំណើរទស្សនកិច្ចលើកនេះបានអះអាងនូវឋានៈ កិត្យានុភាព និងរូបភាពនៃប្រទេសវៀតណាមប្រកបដោយភាពស្វាហាប់ និងភាពខ្លាំងក្លា ក្នុងការអនុវត្តការសន្យាឆ្លើយតបទៅនឹងការប្រែប្រួលអាកាសធាតុ ការចូលរួមដោះស្រាយបញ្ហាប្រឈមសកល; បើកយុគសម័យថ្មីក្នុងទំនាក់ទំនងជាមួយទួរគី ហើយបង្កើតសន្ទុះដើម្បីនាំទំនាក់ទំនងទ្វេភាគីវៀតណាម - UAE ឡើងកំពស់ថ្មី។

(VOVWORLD) - សន្និសីទបណ្ដាភាគីនៃអនុសញ្ញាក្របខ័ណ្ឌអង្គការសហប្រជាជាតិស្តីពីការប្រែប្រួលអាកាសធាតុ - COP28 បានបើកជាផ្លូវការនៅថ្ងៃទី ៣០ ខែវិច្ឆិកានៅទីក្រុងឌូបៃ (UAE)។ សន្និសីទនេះធ្វើឡើងក្នុងបរិបទដែលពិភពលោកកំពុងមើលឃើញពីផលប៉ះពាល់កាន់តែខ្លាំងឡើងនៃការប្រែប្រួលអាកាសធាតុ ទន្ទឹមនឹងនោះក៏កំពុងជួបប្រទះនឹងបញ្ហាប្រឈមធំៗក្នុងការអនុវត្តការសន្យាអាកាសធាតុដែលបានធ្វើឡើងកាលពីមុន។

(VOVWORLD) - មហាសន្និបាតលើកទី ១៣ នៃសហជីព វៀតណាមអាណត្តិ ២០២៣ - ២០២៨ ប្រព្រឹត្តទៅពីថ្ងៃទី១ ដល់ថ្ងៃទី ៣ ខែធ្នូ នៅរដ្ឋធានីហាណូយ។ នេះជាព្រឹត្តិការណ៍នយោបាយដ៏សំខាន់របស់វណ្ណៈកម្មករ អង្គការសហជីព វៀតណាម និងជាសកម្មភាពនយោបាយដ៏ទូលំទូលាយនៅក្នុងចំណោមកម្មាភិបាល សមាជិកសហជីព និងកម្មករទូទាំងប្រទេស។ អង្គសន្និបាតលើកនេះ នឹងធ្វើការពិភាក្សា រកដំណោះស្រាយដើម្បីធានាសិទ្ធិរបស់ពលករ; ផ្តោតលើការអភិវឌ្ឍសមាជិកសហជីព និងការបង្កើតសហជីពមូល ដ្ឋាននៅតាមសហគ្រាសក្រៅវិស័យរដ្ឋ; បង្កើតក្រុមប្រធានសហជីពមូលដ្ឋាន ដើម្បីបំពេញតម្រូវការនៃភារកិច្ចក្នុងរយៈពេលអភិវឌ្ឍន៍ថ្មីនៃប្រទេសជាតិ។

(VOVWORLD) - សម័យប្រជុំលើកទី៦ រដ្ឋសភាវៀតណាមនីតិកាលទី១៥ បានបិទបញ្ចប់នាព្រឹក ថ្ងៃទី២៩ ខែវិច្ឆិកានៅទីក្រុងហាណូយ ក្រោយរយៈពេលជាង២០ថ្ងៃធ្វើការ។ រាល់លទ្ធផលដែលសម្រេចបានក្នុងសម័យប្រជុំលើវិស័យនីតិប្បញ្ញត្តិ ការឃ្លាំមើល និងសម្រេចចិត្តលើរាល់បញ្ហាដ៏សំខាន់ៗរបស់ប្រទេសជាតិនឹងបង្កើតបុព្វបទសម្រាប់ការអភិវឌ្ឍសេដ្ឋកិច្ច សង្គម តម្រង់ទិសដៅសហប្រតិបត្តិការ និងលទ្ធផលសម្រាប់ពាក់កណ្តាលអាណត្តិដែលនៅសេសសល់។