(VOVWORLD) - ប្រធានាធិបតីកូរ៉េខាងត្បូង លោក Yoon Suk Yeol កំពុងអញ្ជើញបំពេញទស្សនកិច្ចរយៈពេល ៦ ថ្ងៃ (ចាប់ពីថ្ងៃទី ២៤ ខែមេសា) ទៅកាន់រដ្ឋធានីវ៉ាស៊ីនតោន សហរដ្ឋអាមេរិក ហើយមានកិច្ចប្រជុំកំពូលជាមួយសមភាគីប្រទេសម្ចាស់ផ្ទះលោក Joe Biden។ សេចក្តីថ្លែងការណ៍រួមដែលបានចេញបន្ទាប់ពីកិច្ចប្រជុំកំពូលកាលពីថ្ងៃទី ២៦ ខែមេសា បានបញ្ជាក់ជាថ្មីម្ដងទៀតថា ទំនាក់ទំនងសម្ព័ន្ធភាពនឹងកាន់តែរឹងមាំ ដែលកត់សម្គាល់ការផ្លាស់ប្តូរថ្មីខាងគុណភាពក្នុងទំនាក់ទំនងទ្វេភាគីអាមេរិក-កូរ៉េខាងត្បូង។

(VOVWORLD) - ក្រសួងការបរទេសសហរដ្ឋអាមេរិក នៅថ្ងៃទី២០ ខែមីនា បានចេញផ្សាយរបាយការណ៍សិទ្ធិមនុស្សប្រចាំឆ្នាំ២០២២ ដោយបញ្ជាក់ថា៖ “ប្រទេសអាស៊ីមួយចំនួន ក្នុងនោះមានវៀតណាម បានរំលោភលើសិទ្ធិមនុស្សជាប្រព័ន្ធ”។ ការវាយតម្លៃនេះគឺមានលក្ខណៈម្ខាង ដោយមិនឆ្លុះបញ្ចាំងពីការពិត និងអត្តចរិតនៃបញ្ហាសិទ្ធិមនុស្សនៅក្នុងប្រទេសវៀតណាម។ ក្នុងក្របខ័ណ្ឌនៃទំនាក់ទំនងល្អប្រសើររវាងប្រទេសទាំងពីរ វៀតណាមត្រៀមខ្លួនរួចជាស្រេច ធ្វើកិច្ចសន្ទនាជាមួយសហរដ្ឋអាមេរិក ដើម្បីបង្រួញគម្លាតនៃភាពខុសប្លែកគ្នា ក្នុងការទទួលស្គាល់បញ្ហាសិទ្ធិមនុស្សនៅវៀតណាម។

(VOVWORLD) - នាថ្ងៃទី ២៧ មេសា សន្និសីទលើកទី ៤ ស្តីពីប្រព័ន្ធស្បៀងអាហារប្រកបដោយនិរន្តរភាព - បណ្តាញភពផែនដីតែមួយរបស់អង្គការសហប្រជាជាតិនឹងបិទបញ្ចប់នៅទីក្រុងហាណូយ បន្ទាប់ពីបើកកិច្ចប្រជុំរយៈពេល ៤ ថ្ងៃ (២៤-២៧ មេសា)។ រាល់បទពិសោធន៍របស់វៀតណាមក្នុងដំណើរការផ្លាស់ប្តូរប្រព័ន្ធស្បៀងអាហារត្រូវបានតំណាងអង្គការអន្តរជាតិវាយតម្លៃខ្ពស់ ដោយចាត់ទុកថា វៀតណាមកំពុងបំពេញល្អនូវតួនាទីជំរុញការផ្លាស់ប្តូរប្រព័ន្ធស្បៀងអាហារសកលផងដែរ។

(VOVWORLD) - កិច្ចប្រជុំរដ្ឋមន្ត្រីកសិកម្មនៃបណ្ដាប្រទេសក្នុងក្រុមខឿនឧស្សាហកម្មអភិវឌ្ឍន៍ជួរមុខនៅលើពិភពលោក (G7) ទើបតែបានបញ្ចប់ក្រោយរយៈពេល ២ ថ្ងៃ បើកកិច្ចប្រជុំនៅទីក្រុង Miyazaki របស់ជប៉ុន។

(VOVWORLD) - នាថ្ងៃទី ២៤ មេសា ប្រធានរដ្ឋសភាវៀតណាមលោក Vuong Dinh Hue បានចាប់ផ្តើមបំពេញដំណើរទស្សនកិច្ចជាផ្លូវការនៅសាធារណរដ្ឋអាហ្សង់ទីនចាប់ពីថ្ងៃទី ២៣ ដល់ថ្ងៃទី ២៦ ខែមេសា តបតាមការអញ្ជើញរបស់ប្រធានសភាជាន់ទាបអាហ្សង់ទីនលោកស្រី Cecilia Moreau។ ប្រព្រឹត្តទៅក្នុងឱកាសរំលឹកខួបលើកទី ៥០ នៃទិវាបង្កើតទំនាក់ទំនងការទូតរវាងវៀតណាមនិងអាហ្សង់ទីន (១៩៧៣ - ២០២៣) ដំណើរទស្សនកិច្ចរបស់ប្រធានរដ្ឋសភាលោក Vuong Dinh Hue នឹងរួមចំណែកពង្រឹងទំនាក់ទំនងមិត្តភាព និងសាមគ្គីភាពប្រពៃណីរវាងប្រទេសទាំងពីរ; បញ្ជាក់ថា អាហ្សង់ទីនជាដៃគូដ៏សំខាន់ជួរមុខរបស់វៀតណាមនៅតំបន់អាមេរិកឡាទីន។ ដំណើរទស្សនកិច្ចនេះក៏បើកឱកាសដើម្បីជំរុញកិច្ចសហប្រតិបត្តិការទ្វេភាគី ជាពិសេសក្នុងវិស័យសេដ្ឋកិច្ច និងពាណិជ្ជកម្មផង ដែរ។

(VOVWORLD) - នៅដើមសប្តាហ៍ក្រោយ (ថ្ងៃទី ២៤ មេសា) សន្និសីទ សកលលើកទី ៤ ស្តីពី ប្រព័ន្ធស្បៀងអាហារប្រកបដោយចីរភាព - បណ្ដាញផែនដីតែមួយ របស់អង្គការសហ ប្រជាជាតិ នឹងប្រព្រឹត្តទៅនៅរដ្ឋធានីហាណូយរបស់វៀតណាម។ សន្និសីទនេះត្រូវបាន រៀបចំឡើងក្នុងគោលបំណងដាក់ចេញដំណោះស្រាយជាក់ស្តែងដើម្បីធ្វើឱ្យការផ្លាស់ប្តូរប្រព័ន្ធស្បៀងអាហារអាចធ្វើទៅបាននៅថ្នាក់ជាតិ។

(VOVWORLD) - ក្នុងប៉ុន្មានថ្ងៃចាប់ពីថ្ងៃទី ១០ ដល់ថ្ងៃទី ១៥ ខែមេសា ក្រុមការងារលេខ៣ ដឹកនាំដោយឧត្តមនាវីទោ Tran Ngoc Quyet អគ្គសេនាធិការរងនៃកងទ័ពជើងទឹកវៀតណាម បានចុះសួរសុខទុក្ខ លើកទឹកចិត្ត ផ្តល់អំណោយ និងស្វែងយល់ពីស្ថានភាពសតិអារម្មណ៍ ជីវភាពរស់នៅប្រចាំថ្ងៃ ក៏ដូចជា លទ្ធផលនៃភារកិច្ចការពារអធិបតេយ្យភាពកោះសមុទ្ររបស់កងទ័ព និងប្រជាជន លើកោះចំនួន ៥ នៃប្រជុំកោះ Truong Sa (Spratly) រួមមាន៖ Song Tu Tay, Sinh Ton, Co Lin, Da Dong A, Truong Sa និងផ្ទះរន្ទា DK1។

(VOVWORLD) - តបតាមការអញ្ជើញរបស់លោកនាយករដ្ឋមន្ត្រី Pham Minh Chinh នាយករដ្ឋមន្ត្រីនៃសាធារណរដ្ឋឆែក លោក Petr Fiala នឹងអញ្ជើញមកបំពេញទស្សនកិច្ចផ្លូវការនៅវៀតណាមក្នុងរយៈពេល៣ថ្ងៃ ចាប់ពីថ្ងៃទី ២០ មេសា។

(VOVWORLD) - ក្នុងរយៈពេលប៉ុន្មានថ្ងៃថ្មីៗនេះ ពិភពលោកតែងតែតាមដានយ៉ាងដិតដល់នូវរាល់ការវិវឌ្ឍផ្នែកនយោបាយ និងសន្តិសុខនៅស៊ូដង់ ដែលជាទីតាំងកំពុងប្រព្រឹត្តិទៅការប៉ះទង្គិចគ្នារវាងកងទ័ព និងអង្គកាពាក់កណ្ដាលយោធា នៃកងកម្លាំងប្រតិបត្តិរហ័ស (RSF)។ គិតត្រឹមបច្ចុប្បន្ននេះ មានមនុស្សប្រមាណ ១០០ នាក់ត្រូវស្លាប់ ក្នុងនោះមានទាំងបុគ្គលិកអង្គការសហប្រជាជាតិទៀតផង។ រាល់ការខិតខំប្រឹងប្រែងការទូតកំពុងត្រូវបានអនុវត្តន៍ សំដៅ អំពាវនាវឱ្យភាគីពាក់ព័ន្ធអត់ធ្មត់ និងបង្កើតឱកាសសម្រាប់ការសន្ទនាដើម្បីរក្សាស្ថិរភាពស្ថានការណ៍។

(VOVWORLD) - តបតាមការអញ្ជើញរបស់ប្រធានរដ្ឋសភានៃរដ្ឋាភិបាលប្រជាជនគុយបា លោក Esteban Lazo Hernandez ប្រធានសភាជាន់ទាបអាហ្សង់ទីនលោកស្រី Cecilia Moreau និងប្រធានព្រឹទ្ធសភានៃអ៊ុយរូហ្គាយខាងកើត លោកស្រី Beatriz Argimon Cedeira នៅថ្ងៃទី១៨ មេសា ប្រធានរដ្ឋសភាវៀតណាម លោក Vuong Dinh Hue នឹងដឹកនាំគណៈប្រតិភូជាន់ខ្ពស់រដ្ឋសភាវៀតណាមទៅបំពេញទស្សនកិច្ចជាផ្លូវការនៅសាធារណរដ្ឋគុយបា សាធារណរដ្ឋអាហ្សង់ទីន និងសាធារណរដ្ឋអ៊ុយរូហ្គាយខាងកើត។ ដំណើរទស្សនកិច្ចនេះ បង្ហាញយ៉ាងច្បាស់នូវការសន្យានិងបំណងប្រាថ្នារបស់វៀតណាមក្នុងការពង្រឹងទំនាក់ទំនងជាមួយប្រទេសទាំងបី អនុវត្តន៍យ៉ាងជាក់ស្តែងនូវគោលនយោបាយកិច្ចការបរទេសរួមរបស់វៀតណាម នោះគឺផ្ដល់អាទិភាពដល់ការរឹតបន្តឹងទំនាក់ទំនងមិត្តភាពជាមួយប្រទេសដៃគូប្រពៃណីនៅតំបន់អាមេរិកឡាទីន។