(VOVWORLD) - នៅទីស្នាក់ការព្រឹទ្ធសភាបារាំងនៅទីក្រុងប៉ារីស នាពេលថ្មីៗនេះ វិទ្យាស្ថានស្រាវជ្រាវភូមិសាស្ត្រនយោបាយអនុវត្តន៍ (EGA) ទើបនឹងបានរៀបចំសិក្ខាសាលាស្ដីពីសមុទ្រខាងកើត។ សិក្ខាសាលាបានទាក់ទាញការចូលរួមរបស់មន្ត្រីបារាំង អ្នកជំនាញផ្នែកទំនាក់ទំនងអន្តរជាតិ យុទ្ធសាស្ត្រយោធា និងគោលនយោបាយការពារជាតិយ៉ាងច្រើនកុះករ។ សិក្ខាសាលាជាថ្មីម្តងទៀតបានសង្កត់ធ្ងន់លើសារៈសំខាន់នៃការគោរព និងការអនុវត្តការសន្យានានានៃច្បាប់អន្តរជាតិ ជាពិសេសអនុសញ្ញាអង្គការសហប្រជាជាតិស្តីពីច្បាប់សមុទ្រ (UNCLOS) ឆ្នាំ១៩៨២ ផងដែរ។

(VOVWORLD) - កាលពីថ្ងៃទី ២៩ ខែឧសភា ប្រធានក្រុមប្រឹក្សាបោះឆ្នោតកំពូលទួរគីបានគួសបញ្ជាក់ថា ប្រធានាធិបតីដែលកំពុងកាន់អំណាចលោក Recep Tayyip Erdogan បានឈ្នះក្នុងជុំទី ២ នៃការបោះឆ្នោតជ្រើសតាំងប្រធានាធិបតីដែលបានធ្វើឡើងនៅថ្ងៃទី ២៨ ខែឧសភា តាមនោះបន្តដឹកនាំប្រទេសជាតិសម្រាប់រយៈពេល ៥ ឆ្នាំខាងមុខ។ ភ្លាមមួយរំពិច ថ្នាក់ដឹកនាំពិភពលោកជាច្រើន រួមទាំងប្រទេសមហាអំណាចនានា បានផ្ញើសារអបអរសាទរដល់លោក Erdogan ដែលឆ្លុះបញ្ចាំងពីការយកចិត្តទុកដាក់ពិសេសរបស់សហគមន៍អន្តរជាតិចំពោះស្ថានភាពនយោបាយនៃប្រទេសទួរគី ជាប្រទេសដែលមានឋានៈនិងតួនាទីកាន់តែសំខាន់នៅក្នុងតំបន់ និងលើពិភពលោក។

(VOVWORLD) - នាប៉ុន្មានខែដើមឆ្នាំនេះ បានឃើញសកម្មភាពការទូតយ៉ាងញឹកញាប់របស់ថ្នាក់ដឹកនាំបក្ស និងរដ្ឋវៀតណាម។ “ប្រទេសវៀតណាមមួយដែលអភិវឌ្ឍន៍យ៉ាងស្វាហាប់ ផ្លាស់ប្ដូរថ្មី ធ្វើសមាហរណកម្មអន្តរជាតិ និងរួមដៃគ្នាជាមួយពិភពលោកដោះស្រាយបញ្ហាសកល” គឺជា សារដែលថ្នាក់ដឹកនាំវៀតណាមតែងតែបញ្ជាក់ក្នុងសកម្មភាពកិច្ចការបរទេសដ៏សំខាន់ទាំងនេះ។ ប្រការនេះបង្ហាញពីឋានៈថ្មីរបស់វៀតណាមក្នុងបរិបទភូមិសាស្ត្រនយោបាយពិភពលោកដែលកំពុងមានការប្រែប្រួលជាច្រើន។

(VOVWORLD) - ក្នុងត្រីមាសទី ១ ឆ្នាំនេះ GDP របស់វៀតណាមសម្រេចបានកំណើន ៣,៣២% បើទោះបីជាទាបជាងរយៈពេលដូចគ្នាកាលពីឆ្នាំទៅមិញក៏ដោយ ប៉ុន្តែក្នុងបរិបទដ៏លំបាកយ៉ាងខ្លាំងនៃសេដ្ឋកិច្ចពិភពលោក លទ្ធផលនេះក៏ល្អបង្គួរហើយ។ទោះជាយ៉ាងណាក៏ដោយ បើតាមការវាយតម្លៃរបស់សមាជិកសភាជាច្រើនបានឲ្យដឹងថា បញ្ហាប្រឈមចំពោះសេដ្ឋកិច្ចវៀតណាមនៅតែមាននារយៈពេលខាងមុខទាមទារឲ្យមានដំណោះស្រាយត្រឹមត្រូវដើម្បីដោះស្រាយហើយតាមនោះវៀតណាមទើបសម្រេចបានគោលដៅកំណើន ៦,៥% នៃឆ្នាំ ២០២៣ ដូចដែលបានដាក់ចេញ។

(VOVWORLD) - នៅវៀតណាមនាប៉ុន្មានថ្ងៃនេះ សមាគមព្រះពុទ្ធសាសនាវៀតណាម រួមជាមួយព្រះសង្ឃ ពុទ្ធសាសនិកជនទូទាំងប្រទេសកំពុងរៀបចំសកម្មភាពប្រារព្ធមហាពិធីបុណ្យវិសាខបូជា ២០២៣ (ពុទ្ធសករាជ ២៥៦៧)។ ការដែលប្រជាសាសនិកប្រារព្ធមហាពិធីបុណ្យវិសាខបូជា បានបង្ហាញឲ្យឃើញពីការអភិវឌ្ឍ និងសមាហរណកម្មរបស់ព្រះពុទ្ធសាសនា ហើយទន្ទឹមនឹងនោះ ក៏បញ្ជាក់ពីការពិតជាក់ស្តែងនៃការគោរព និងធានាសិទ្ធិសេរីភាពខាងជំនឿ សាសនារបស់បក្ស និងរដ្ឋវៀតណាម នៅចំពោះមុខការវាយតម្លៃខ្វះសត្យានុម័តអំពី សេរីភាពខាងជំនឿ និងសាសនានៅវៀតណាម។

(VOVWORLD) - សេចក្តីសម្រេចចិត្តលេខ ២៧ នៃគណៈកម្មាធិការមជ្ឈិមបក្សកុម្មុយនិស្តវៀតណាមនីតិកាលទី ១០ ស្តីពី “ការកសាងជួរបញ្ញវន្តក្នុងដំណាក់កាលជំរុញខ្លាំងឧស្សាហូបនីយកម្ម និងទំនើបកម្មប្រទេសជាតិ” បន្ទាប់ពីរយៈពេល ១៥ ឆ្នាំ នៃការអនុវត្តមក គឺសម្រេចបានលទ្ធផលដ៏សំខាន់ៗជាច្រើន ជាពិសេសគឺការអនុវត្តរាល់គោលនយោបាយទាក់ទាញ និងលើកទឹកចិត្តដល់អ្នកមានទេពកោសល្យ និងលើកតម្កើងបញ្ញវន្ត។ដើម្បីវិនិយោគសម្រាប់ការអភិវឌ្ឍប្រទេសជាតិប្រកបដោយចីរភាពនាពេលអនាគត វៀតណាមកំពុងបន្តអនុវត្តន៍ដំណោះស្រាយដោយព្រមៗគ្នា ជំរុញជួរបញ្ញវន្តពង្រីកសមត្ថភាព ភាពច្នៃប្រឌិត និងសមត្ថភាពក្នុងការស្រាវជ្រាវវិទ្យាសាស្ត្រជាអតិបរមា។

(VOVWORLD) - នាថ្ងៃទី ២១ ឧសភា ក្រិកបានរៀបចំការបោះឆ្នោតសភាតាមកាលកំណត់ សំដៅត្រៀមរៀបចំបង្កើតរដ្ឋាភិបាលថ្មី ជំនួសរដ្ឋាភិបាល ដែលកំពុងកាន់អំណាចរបស់លោកនាយករដ្ឋមន្ត្រី Kyriakos Mitsotakis ។ ដោយប្រព្រឹត្តិទៅក្នុងបរិបទ ដែលក្រិកនិយាយដោយឡែក និងអឺរ៉ុបទាំងមូលនិយាយរួមកំពុងប្រឈមនឹងបញ្ហាសាកល្បងដ៏ធំៗជាច្រើន ការបោះឆ្នោតសកលមិនត្រឹមតែត្រូវបានចាត់ទុកថាជាការសាកល្បងដ៏ម៉ឺងម៉ាត់អំពីទំនុកចិត្តរបស់ម្ចាស់ឆ្នោតចំពោះរដ្ឋាភិបាលក្រិកកំពុងកាន់អំណាចប៉ុណ្ណោះទេ ថែមទាំងអាចដាក់ចេញការសាកល្បងដ៏ធ្ងន់ធ្ងរចំពោះទីក្រុងអាថែន និងអឺរ៉ុបទៀតផង។

(VOVWORLD) - នៅក្នុងសម័យបើកកិច្ចប្រជុំលើកទី៥ រដ្ឋសភានីតិកាលទី១៥ ដែលបានប្រព្រឹត្តទៅនាព្រឹកថ្ងៃទី២២ ឧសភា នៅរដ្ឋធានីហាណូយ តាងនាមរដ្ឋាភិបាល វៀតណាម ឧបនាយករដ្ឋមន្ត្រី លោក Le Minh Khai បានបង្ហាញរបាយការណ៍បំពេញបន្ថែមលទ្ធផលនៃការអនុវត្តផែនការអភិវឌ្ឍសេដ្ឋកិច្ចសង្គមឆ្នាំ ២០២២; ស្ថានភាពអនុវត្តន៍ផែនការអភិវឌ្ឍសេដ្ឋកិច្ចសង្គមក្នុងប៉ុន្មានខែដំបូងនៃឆ្នាំ ២០២៣។ របាយការណ៍នេះបានបង្ហាញពីផ្ទាំងគំនូរទូទៅនៃសមិទ្ធិផលសេដ្ឋកិច្ចសង្គមដ៏លេចធ្លោរបស់ប្រទេសជាតិក្នុងរយៈពេលប៉ុន្មានខែកន្លងមក ព្រមទាំងដាក់ចេញដំណោះស្រាយដែលរដ្ឋាភិបាលនឹងអនុវត្តន៍នាពេលខាងមុខដើម្បីសម្រេចគោលដៅអភិវឌ្ឍន៍នានានៃឆ្នាំនេះ។

(VOVWORLD) - នាថ្ងៃទី ១៩ ឧសភា កិច្ចប្រជុំកំពូលក្រុមប្រទេសមហាអំណាចឧស្សាហកម្មទាំង ៧ លើពិភពលោក (G7) បានបើកជាផ្លូវការនៅទីក្រុងហ៊ីរ៉ូស៊ីម៉ាប្រទេសជប៉ុន។ កិច្ចប្រជុំបានធ្វើឡើងក្នុងបរិបទដែលពិភពលោកមានភាពចលាចលជាច្រើនប៉ុន្តែក៏ជាពេលវេលាដែលសមាជិក G7 បង្ហាញពីតួនាទីមជ្ឈភាពរបស់ពួកគេក្នុងការដោះស្រាយបញ្ហាក្នុងតំបន់និងពិភពលោកផងដែរ។

(VOVWORLD) - លោកប្រធានហូជីមិញ (១៨៩០-១៩៦៩) គឺជាជន កុម្មុយនិស្តដ៏មហិមារម្នាក់ ជាវីរជនជាតិឈ្លាសវៃ ជាយុទ្ធជនអន្តរជាតិឆ្នើម ដែលបានប្រយុទ្ធដោយមិនចេះនឿយហត់ និងលះបង់ជីវិតរបស់ខ្លួនដើម្បីមាតុភូមិ និងប្រជាជន ហើយក្លាយជាគំរូដ៏ភ្លឺស្វាងសម្រាប់ប្រជាជនវៀតណាមគ្រប់ជំនាន់ សិក្សារៀនសូត្រនិងអនុវត្តតាម។