(VOVWORLD) - ដោយទទួលរងពីជំងឺស្វិតសាច់ដុំពីកំណើតតាំងពីកុមារភាពមក ប៉ុន្តែ អ្នកស្រី Nguyen Thi Yen Ly (នៅសង្កាត់លេខ៧ ទីក្រុង Ca Mau ខេត្ត Ca Mau) បានខិតខំប្រឹងប្រែងជម្នះលើការលំបាក ស្វែងរកទិសដៅផ្ទាល់ខ្លួនដើម្បីឈានឡើងក្នុងជីវភាព។ ជាមួយនឹងបាវចនាក្នុងជីវិត៖ "ពិការភាពរាងកាយមិនគួរឱ្យខ្លាចទេ ប៉ុន្តពិការភាពផ្លូវចិត្តទើបសម្លាប់អ្នក" អ្នកស្រី Yen Ly មិនត្រឹមតែទទួលបានជោគជ័យប៉ុណ្ណោះទេ ថែមទាំងកំពុងជួយឲ្យអ្នកដទៃដែលមានស្ថានភាពដូចគ្នាឱ្យជម្នះលើការលំបាកទៀតផង។

(VOVWORLD) - ធ្វើយ៉ាងណាដើម្បីអភិរក្សសម្រាប់កូនចៅជំនាន់ក្រោយ ដឹងពីសម្រស់វប្បធម៌ដ៏ពិសេសរបស់ជនជាតិខ្លួន គឺជាក្តីកង្វល់និងសេចក្ដីប្រាថ្នារបស់បងប្អូនជនជាតិ Bru - Van Kieu ដែលកំពុងធ្វើការក្នុងវិស័យវប្បធម៌នៅមូលដ្ឋាន។ លោក Hồ Chõ នៅឃុំ Thuan ស្រុក Huong Hoa ខេត្ត Quang Tri គឺជាមនុស្សម្នាក់ក្នុងចំណោមមនុស្សយ៉ាងដូច្នេះ។

(VOVWORLD) - ដោយចោលការងារជាអ្នកសរសេរសូហ្វវែរដែលបានផ្សាភ្ជាប់ជាងដប់ឆ្នាំនៅទីក្រុងហាណូយ ដើម្បីវិលត្រឡប់ទៅស្រុកកំណើតវិញ ចិញ្ចឹមជលផល លោក Vu Duc Tuan បានយល់ឃើញពីការលំបាកក្នុងការគ្រប់គ្រងកសិដ្ឋាន ដូច្នេះលោកបានអភិវឌ្ឍន៍កម្មវិធីសូហ្វវែរដោយឡែកសម្រាប់ប្រជាកសិករ។ សូហ្វវែរនេះមិនត្រឹមតែជួយបង្កើនប្រសិទ្ធភាពផលិតកម្មនិងជួយកសិករតាមទាន់និន្នាការកសិកម្មបច្ចេកវិទ្យាខ្ពស់ប៉ុណ្ណោះទេ ថែមទាំងរីកសាយភាយស្មារតីសហគ្រិនភាពដល់យុវជនទៀតផង។

(VOVWORLD) - អស់រយៈពេលជិត ២០ ឆ្នាំមកនេះ នៅវត្ត Huong Lan ឃុំ Dong Son ស្រុក Chuong My (រដ្ឋធានីហាណូយ) មានថ្នាក់រៀនឥតគិតថ្លៃទាំងស្រុងសម្រាប់កុមារ "ពិសេស"។ នៅទីនេះ កុមារជាច្រើនដែលរងពិការភាពផ្នែកបញ្ញានិងរាងកាយ ត្រូវបានបង្រៀនអក្សរ។ ថ្នាក់រៀនពិសេសនោះមានឈ្មោះថា “ថ្នាក់រៀននៃសេចក្តីស្រឡាញ់” ដែលដំណើរការចាប់តាំងពីឆ្នាំ ២០០៧ បង្កើតឡើងដោយអ្នកគ្រូ Le Thi Hoa អាយុ ៥០ ឆ្នាំ ជាគ្រូបង្រៀននៅសាលាបឋមសិក្សា Dong Son (ស្រុក Chuong My ទីក្រុងហាណូយ)។

(VOVWORLD) - អស់រយៈពេលជាង ២០ ឆ្នាំផ្សាភ្ជាប់ជាមួយនឹងថ្នាក់រៀនឆ្ងាយដាច់ស្រយាលបំផុតនៅតំបន់ព្រៃភ្នំខេត្ត Quang Nam លោកគ្រូ Nguyen Tran Vy មិនត្រឹមតែជាអ្នកដែលនាំមកនូវអក្ខរកម្មដល់សិស្សានុសិស្សនៅតំបន់ព្រៃភ្នំប៉ុណ្ណោះទេ ថែមទាំងជាស្ពានតភ្ជាប់ទំនាក់ទំនង ដើម្បីជួយប្អូនៗមានអាហារគ្រប់គ្រាន់ និងសំលៀកបំពាក់កក់ក្ដៅទៀតផង។ ពីកិច្ចខិតខំប្រឹងប្រែងចលនារបស់លោកគ្រូ Vy និងសហការី ទីតាំងសាលាប្រហែល ៦០ កន្លែង ត្រូវបានសាងសង់ថ្មីនៅក្នុងស្រុកព្រៃភ្នំ Nam Tra My ដ៏ពោរពេញទៅដោយការលំបាកនេះ។

(VOVWORLD) - នៅភូមិ Arớh ឃុំ Lăng ស្រុក Tay Giang ខេត្ត Quang Nam ពេលដែលសួរអំពីព្រឹទ្ធាចារ្យ Briu Po នរណាគេក៏ស្គាល់ដែរ។ លោកគឺជាជនជាតិ Co Tu ដំបូងគេ ដែលមានសញ្ញាប័ត្រសាកលវិទ្យាល័យ ជាសិប្បករឆ្នើម និងជាគំរូក្នុងការអភិវឌ្ឍសេដ្ឋកិច្ចកសិកម្ម។ ព្រឹទ្ធាចារ្យភូមិ Briu Po ធ្លាប់ត្រូវបានប្រជាពលរដ្ឋជឿទុកចិត្តបោះឆ្នោតជ្រើសតាំងជាថ្នាក់ដឹកនាំមូលដ្ឋានអស់រយៈពេលជាច្រើនឆ្នាំជាប់ៗគ្នា។

(VOVWORLD) - ចាកចេញពីជួរកងទ័ពវិលត្រឡប់ទៅជីវភាពធម្មតាវិញ អតីតយុទ្ធជន លោកស្រី Tran Thi Son នៅទីក្រុង Mong Cai ខេត្ត Quang Ninh បានសិក្សាស្រាវជ្រាវហើយបង្កើតក្រុមហ៊ុនចំកាត់អភិវឌ្ឍន៍សេដ្ឋកិច្ច Ka Long ដែលធ្វើអាជីវកម្មក្នុងវិស័យដឹកជញ្ជូន និងទេសចរណ៍។ លោកស្រីក៏ជាអ្នកត្រួសត្រាយផ្លូវសម្រាប់វិស័យទេសចរណ៍នៅតំបន់ព្រំដែនភាគឦសានប្រទេសជាតិផងដែរ នៅពេលដែលបើកខ្សែផ្លូវទេសចរណ៍ទៅកាន់ឃុំកោះព្រំដែនចំនួន២ពីរគឺ Vinh Trung និង Vinh Thuc។

(VOVWORLD) - ព្រះតេជគុណ Tran Van Tha មានព្រះជន្ម ៥៥ វស្សា ជាអ្នកដែលមានកម្រិតសិក្សាខ្ពស់ ដោយបានបញ្ចប់ថ្នាក់បរិញ្ញាបត្រផ្នែកពុទ្ធិកសិក្សានៅប្រទេសស្រីលង្កា។ បច្ចុប្បន្ននេះ ព្រះអង្គកាន់តំណែងជាអនុប្រធានគណៈអភិបាលនៃសមាគមពុទ្ធសាសនាវៀតណាមខេត្ត Soc Trang លេខាធិការសមាគមព្រះសង្ឃសាមគ្គីស្នេហាជាតិខេត្ត Soc Trang ព្រះចៅអធិការវត្តសិរីតាម៉ឺន។ ដោយមានគុណធម៌និងសីលធម៌ខ្ពស់ ព្រះតេជគុណ Tran Van Tha ទទួលបានការគោរពស្រឡាញ់ពីពុទ្ធបរិស័ទនិងប្រជាជននៅមូលដ្ឋានជានិច្ច។

(VOVWORLD) - លោក Lam Se ជនជាតិខ្មែរអាយុ៦៤ឆ្នាំ រស់នៅទីក្រុង Soc Trang ខេត្ត Soc Trang ជាកសិករឆ្នើមមួយរូបក្នុងចលនាកសាងជនបទថ្មី។ ចាប់ផ្ដើមពីបាតដៃទទេរ អាស្រ័យដោយមានភាពឧស្សាហ៍ព្យាយាម ភាពស្វាហាប់ និងភាពឈ្លាសវៃក្នុងការចាប់យកតម្រូវការទីផ្សារ គំរូផលិតកម្ម និងគំរូអាជីវកម្មចម្រុះរបស់គ្រួសារលោករកចំណូលបានប្រហែល ១ ពាន់លានដុង (ជាង ៤១ ពាន់ដុល្លារអាមេរិក) ក្នុងមួយឆ្នាំ។

(VOVWORLD) - ព្រះតេជគុណ ថាច់ ហួន ជនជាតិខ្មែរ ឆ្នាំនេះមានព្រះជន្មាយុ ៧៩ វស្សា។ ព្រះអង្គធ្លាប់ជាសមាជិករដ្ឋសភានីតិកាលទី១៣ អាណត្តិ២០១១-២០១៦ អនុប្រធានសមាគមព្រះសង្ឃសាមគ្គីស្នេហាជាតិខេត្តសុកត្រាំង អនុប្រធានគណៈអភិបាលសមាគមព្រះពុទ្ធសាសនាខេត្តសុកត្រាំង និងជាអនុប្រធានគណៈកម្មាធិការផ្សព្វផ្សាយព្រះធម៌មជ្ឈិម។ បច្ចុប្បន្ននេះ ព្រះតេជគុណ ថាច់ ហួន ជាព្រះចៅអធិការវត្តព្រៃជប់ (ឃុំ Lai Hoa ទីរួមខេត្ត Vinh Chau ខេត្តសុកត្រាំង)។ ដោយមានរបៀបរស់នៅល្អទាំងផ្លូវលោកផ្លូវធម៌ ព្រះតេជព្រះគុណ ថាច់ ហួន មានការរួមចំណែកជាច្រើនក្នុងការងារសង្គម ហើយត្រូវបានប្រជាពលរដ្ឋ និងពុទ្ធបរិស័ទគោរពរាប់អាន។