(VOVWORLD) - ក្នុងតួនាទីជាលេខារងសាខាបក្ស និងជាមេភូមិ Buor លោក Y Siem Bkrong (ឈ្មោះដែលគេស្គាល់ជាទូទៅថា Ama Thap) នៅភូមិ Buor ឃុំ Hoa Xuan ទីក្រុង Buon Ma Thuot ខេត្ត Dak Lak ជានិច្ចកាលឈានមុខគេក្នុងគ្រប់ការងារនិងចលនានៅមូលដ្ឋាន ហើយត្រូវបានប្រជាជនស្រឡាញ់ និងជឿទុកចិត្ត។ ការរួមវិភាគទានរបស់លោក Ama Thap បានជួយលើកស្ទួយជីវភាពរស់នៅហើយពង្រឹងជំនឿជាក់របស់ប្រជាជនចំពោះបក្ស និងរដ្ឋ។

(VOVWORLD) - ក្នុងប្រវត្តិសាស្រ្តនៃការកសាង និងអភិវឌ្ឍសិល្បៈល្ខោនបដិវត្តន៍វៀតណាម សាស្រ្តាចារ្យ សិល្បករប្រជាជន លោក Tran Bang ត្រូវបានគេស្គាល់ដល់ថា ជាមនុស្សម្នាក់ដែលបានលះបង់អស់មួយជីវិតសម្រាប់ចង្វាក់ចម្រៀង cheo។ ជាមួយនឹងទេពកោសល្យរបស់ខ្លួន លោកបាននាំសិល្បៈ cheo ប្រជាប្រិយឡើង ឆាកល្ខោនវិជ្ជាជីវៈ សម្ដែង ជូនទស្សនិកជនក្នុង និងក្រៅប្រទេស។ ដោយសារអាយុចាស់ជរា និងរោគាពាធ លោកបានទទួលមរណភាពនៅថ្ងៃទី ១៩ ខែកក្កដាកន្លងទៅ ក្នុងជន្មាយុ ៩៧ ឆ្នាំ។ មរណភាពរបស់លោកគឺជាការបាត់បង់ដ៏ធំធេងចំពោះខឿនសិល្បៈជាតិ។

(VOVWORLD) - ក្នុងតួនាទីជាប្រធានសមាគមនារីឃុំព្រំដែន Dak Duc ស្រុក Ngoc Hoi ខេត្ត Kon Tum ក្នុងរយៈពេលជាង ៧ ឆ្នាំកន្លងមកនេះ អ្នកស្រី Y Chon ជនជាតិ Gie Trieng បានប្រមូលផ្តុំសមាជិកាជាង ៩០០ នាក់ ក្នុងនោះ ៩៨% ជាជនជាតិភាគតិច Gie Trieng ដើម្បីចូលរួមក្នុងការងាររបស់សមាគម។ ទន្ទឹមនឹងនោះ ណែនាំ និងចែករំលែកពីរបៀបអភិវឌ្ឍន៍សេដ្ឋកិច្ច ជាជំហានៗលើកកំពស់ជីវភាពរស់នៅខាងសម្ភារៈ និងស្មារតីសម្រាប់សមាជិកា ហើយកសាងសមាគមនារីឃុំឲ្យកាន់តែរីកចម្រើន។

(VOVWORLD) - ដោយមានឆន្ទៈ ឈានឡើង ឧស្សាហ៍ព្យាយាមសិក្សាស្វែងយល់អំពីវិទ្យាសាស្ត្រ បច្ចេកទេសដើម្បីអនុវត្តន៍ក្នុងផលិតកម្ម និងអភិវឌ្ឍន៍សេដ្ឋកិច្ចគ្រួសារ លោក Kpă Meo នៅភូមិ Tung ឃុំ Ia O ស្រុក Chu Prong (ខេត្ត Gia Lai) បានក្លាយជាគំរូឆ្នើមក្នុងការអភិវឌ្ឍសេដ្ឋកិច្ចនៅមូលដ្ឋាន។ លោកត្រូវបានចាត់ទុកជាគំរូក្នុងការអភិវឌ្ឍសេដ្ឋកិច្ច កាត់បន្ថយភាពក្រីក្រនៅមូលដ្ឋាន ហើយទទួលបានការស្រឡាញ់រាប់អានពីបងប្អូនជនរួមជាតិ។

(VOVWORLD) - លោក Po Lo Hu កើតនិងធំដឹងក្ដីនៅលើតំបន់ព្រំដែនស្រុក Muong Te (ខេត្ត Lai Chau)។ ថ្វីត្បិតតែជីវភាពជួបប្រទះការលំបាកលំបិនជាច្រើនក៏ដោយ ប៉ុន្តែដោយឆន្ទៈខ្លាំងក្លា មិនខ្លាចទុក្ខលំបាក លោកបានខិតខំប្រឹងប្រែង ត្រួសត្រាយផ្លូវក្នុងការធ្វើសេដ្ឋកិច្ច ចលនាជនរួមជាតិបោះបង់ចោលទំនៀមទម្លាប់ហួសសម័យ ហើយរួមដំណើរជាមួយអ្នកភូមិដើម្បីលុបបំបាត់ភាពអត់ឃ្លាន និងកាត់បន្ថយភាពក្រីក្រ។

(VOVWORLD) - អតីតឧបនាយករដ្ឋមន្ត្រីវៀតណាម លោក Vu Khoan កម្មាភិបាលម្នាក់ដែលចាប់អាជីពពីផ្នែកការទូត បានទទួលមរណភាពនៅថ្ងៃទី ២១ ខែមិថុនា កន្លងទៅ ក្នុងជន្មាយុ ៨៦ ឆ្នាំ។ ជីវិតរបស់លោកផ្សារភ្ជាប់ជាមួយនឹងដំណាក់កាលប្រវត្តិសាស្ត្រជាច្រើនរបស់ប្រទេសជាតិ ក្នុងនោះមានសម័យបើកទ្វារនិងសមាហរណកម្មនៅដើមទសវត្សរ៍ឆ្នាំ ១៩៩០ នៃសតវត្សមុន។ ដោយធ្លាប់កាន់តំណែងជាអ្នកដឹកនាំសំខាន់ៗជាច្រើន ជាមួយនឹងបទពិសោធន៍ និងឫទ្ធានុភាពរបស់ខ្លួន លោកជាអ្នកត្រួសត្រាយផ្លូវក្នុងការកែទម្រង់ ផ្លាស់ប្ដូរថ្មី បើកទ្វារចំហ និងដំណើរការសមាហរណកម្មរបស់វៀតណាមតាំងពីប៉ុន្មានឆ្នាំដំបូង។

(VOVWORLD) - មន្ទីរពេទ្យសម្ភពនិងរោគស្ត្រី Hung Vuong ទីក្រុងហូជីមិញ ត្រូវបានបង្កើតឡើងកាលពីជិត ១០០ ឆ្នាំមុន។ ចាប់តាំងពីមូលដ្ឋានសុខាភិបាលមួយដែលជួបការលំបាកជាច្រើនទាំងខាងឧបករណ៍បរិក្ខារនិងធនធានមនុស្ស... រហូតមកដល់ពេលនេះ មន្ទីរពេទ្យបានក្លាយទៅជាមន្ទីរពេទ្យសាធារណៈថ្នាក់ទី ១ ដែលមានស្វ័យភាពហិរញ្ញវត្ថុ បច្ចេកទេសនិងសេវាកម្មជាប់ស្តង់ដារអន្តរជាតិ។ ក្នុងការអភិវឌ្ឍនៃមន្ទីរពេទ្យនាពេលកន្លងមក មានសញ្ញាសម្គាល់ដ៏លេចធ្លោរបស់សាស្ត្រាចារ្យរង បណ្ឌិត វេជ្ជបណ្ឌិត លោកស្រី Hoang Thi Diem Tuyet នាយិកាមន្ទីរពេទ្យ។ ដោយមានភាពឈ្លាសវៃ ឫទ្វានុភាព និងទំនុកចិត្ត លោកស្រីបានកសាងសមូហភាពវេជ្ជបណ្ឌិត គិលានុបដ្ឋាការប្រកប ដោយសាមគ្គីភាព និងការខិតខំប្រឹងប្រែងដើម្បីកសាង និងអភិវឌ្ឍន៍ មន្ទីរពេទ្យ។

(VOVWORLD) - លោក Tran Van Khoi នាយរងនាវា SAR ៤១២ នៃមជ្ឈមណ្ឌលសម្របសម្រួលស្វែងរកនិងជួយសង្គ្រោះនាវាចរណ៍តំបន់ទី ២ - MRCC ដាណាំង គឺជាបុគ្គលម្នាក់ក្នុងចំណោមបុគ្គលគំរូ ១១ នាក់ដែលត្រូវបានលើកតម្កើងនៅក្នុងកម្មវិធីសិរីរុងរឿងវៀតណាមនៅឆ្នាំ ២០២៣ ដែលបានធ្វើឡើងនាយប់ថ្ងៃទី ៤ ខែមិថុនា នៅទីក្រុងហាណូយ។ អស់រយៈពេលច្រើនឆ្នាំក្នុងអាជីព នាវិក Tran Van Khoi មិនភ័យខ្លាចខ្យល់ព្យុះ គ្រោះថ្នាក់ ជានិច្ចកាលខិតខំបំពេញភារកិច្ច ជួយសង្គ្រោះ នៅលើសមុទ្របានយ៉ាងល្អ ជួយប្រជានេសាទនឹងនរចិត្តប្រកបការងារនៅនាយឯសមុទ្រ។

(VOVWORLD) - ព្រះតេជគុណ ថាច់ តារា ជនជាតិខ្មែរ ថ្វីត្បិតតែទើបមានព្រះជន្មាយុជាង ៤០ វស្សាក៏ដោយ ប៉ុន្តែបានធ្វើជាព្រះចៅអធិការវត្តធ្លក ឃុំ Hiep Hoa ស្រុក Cau Ngang ខេត្តត្រាវិញអស់រយៈពេលច្រើនឆ្នាំកន្លងមកនេះហើយ។ ដោយជួយជ្រោមជ្រែងនឹងចលនាសិក្សា និងធ្វើតាមគំរូសីលធម៌ហូជីមិញ ព្រះអង្គបានផ្តួចផ្តើមចលនាជាច្រើនដើម្បីជួយប្រជាជនក្រីក្រនៅមូលដ្ឋានសម្រាលការលំបាក។

(VOVWORLD) - គ្រូបង្វឹក Mai Duc Chung ទើបតែជួយក្រុមបាល់ទាត់នារីវៀតណាមការពារមេដាយមាសដោយជោគជ័យនៅព្រឹត្តិការណ៍កីឡាស៊ីហ្គេមលើកទី៣២ ដែលជាមេដាយមាសទី ៤ ជាប់ៗគ្នា និងជាមេដាយមាសទី ៨ របស់ក្រុមនៅការប្រកួតស៊ីហ្គេម។ នេះគឺជាកំណត់ត្រាដែលមិនធ្លាប់មានពីមុនមករបស់ក្រុមបាល់ទាត់នារីវៀតណាម ក៏ដូចជាគ្រូបង្វឹក Mai Duc Chung ផ្ទាល់ខ្លួននៅទីធ្លាប្រកួតថ្នាក់តំបន់ ដែលបង្ហាញថា លោកពិតជាគ្រូបង្វឹកចំណាននៃកីឡាបាល់ទាត់នារីវៀតណាម។