ផ្នែកជលផលវៀតណាមឆ្ពោះទៅគោលដៅបង្កើនតំលៃប្រាក់នាំចេញបង្កង (VNA)

(VOVworld) – ក្រសួងកសិកម្មនិងអភិវឌ្ឍន៍ជនបទវៀតណាមកំពុងកសាង
 គំរោងការណ៍អភិវឌ្ឍន៍ផ្នែកឧស្សាហកម្មផលិតបង្កង ខំប្រឹងប្រែងឆ្ពោះទៅ
គោលដៅតំលៃប្រាក់នាំចេញបង្កងទទួលបាន ១០ ពាន់លានដុល្លាអាមេរិកនា
ឆ្នាំ ២០២៥។

ការផលិតនិងនាំចេញបង្កងរបស់វៀតណាមអភិវឌ្ឍន៍ដោយឥតឈប់ឈរ
ក្នុងរយៈពេលកន្លែងទៅដែលបានលើកកំពស់ចំណាត់ថ្នាក់របស់វៀតណាម
ក្នុងផ្នែកផលិតបង្កងពិភពលោក។ វៀតណាមកំពុងឈរលំដាប់ថ្នាក់ទី​ ៣
ខាងផលិតនិងនាំចេញបង្កង។ ទន្ទឹមនឹងនោះ វៀតណាមគឺជាប្រទេសផ្គត់
ផ្គង់បង្កងធំបំផុតសំរាប់ទីផ្សារជប៉ុនហើយឈរលំដាប់ថ្នាក់ទី​ ៣ នៅអាមេរិក
និងទី ៤ នៅសហភាពអឺរ៉ុប។ លោក Truong Dinh Hoe អគ្គលេខាធិការសមាគ
មន៍កែច្នៃនិងនាំចេញជលផលវៀតណាមបានឲ្យដឹងថា៖

«មុននេះ តំលៃបង្កងខ្ពស់ដោយសារវាត្រូវបានធ្វើអាជីវកម្មក្នុងធម្មជាតិ។ នា
បច្ចុប្បន្ន បង្គាជើងសនិងបង្កងត្រូវបានចិញ្ចឹមដោយហេតុនេះទើបតំលៃទាប
ជាង។ ប្រការនេះរួមចំណែកក្នុងភាពម្ចាស់ការប្រភពផ្គត់ផ្គង់ ក៏ដូចជា បង្កើន
 កំណើនក្នុងការប្រើប្រាស់និងតំលៃចំពោះផលិតផលបង្កងរបស់វៀតណាម
 ផងដែរ។»

រីឯ ប្រធានមន្ទីរចិញ្ចឹមជលផលចំណុះអគ្គនាយកដ្ឋានជលផលក្រសួង កសិកម្ម
និងអភិវឌ្ឍន៍ជនបទវៀតណាម លោក Nhu Van Can បានឲ្យដឹងថា៖

        «ទស្សនៈអភិឌ្ឍន៍គឺមិនបើកទូលាយផ្ទៃដីចិញ្ចឹម នោះគឺប្រមូលផ្តុំទៅលើការ
លើកកំពស់ទិន្នផល។ តំបន់ចិញ្ចឹមនឹងមានផ្ទៃដីពី ៦០០ ដល់​ ៧០០ ពាន់ ហិកតា។
 ដោយឈរលើមូលដ្ឋាននេះ យើងនឹងត្រួតពិនិត្យឡើងវិញការរៀបចំ ផែនការ
តំបន់ចិញ្ចឹមបង្កងដើម្បីលើកកំពស់ទិន្នផលនិងគុណភាព។»

        អនុរដ្ឋមន្ត្រីក្រសួងសិកម្មនិងអភិវឌ្ឍន៍ជនបទវៀតណាម លោក  Vu Van
Tam បានឲ្យដឹងថា៖ ក្នុងឆ្នាំ ២០១៧ នេះ ផ្នែកជលផលនឹងប្តេជ្ញាអនុវត្តវិធានការ
 ដោយឈរលើមូលដ្ឋានកសាងផែនការធ្វើសកម្មភាពនៃគំរោងការណ៍អភិវឌ្ឍន៍
ផ្នែកឧស្សាហកម្មបង្កង។ លោក Vu Van Tam បានលើកច្បាស់ថា៖

        «ប្រមូលផ្តុំទៅលើវិទ្យាសាស្ត្របច្ចេកវិទ្យាដើម្បីលើកកំពស់ទិន្នផលនៃផ្ទៃដី
 ចិញ្ចឹមបង្កងឧស្សាហកម្ម។ នាបច្ចុប្បន្ន ផ្ទៃដីចិញ្ចឹមបង្កងគឺ ១៤០ ពាន់ហិកតា
ដែលអាចកើនឡើងរាប់សិបពាន់ហិកតាក្នុងរយៈពេលខ្លីខាងមុខ។ ទិន្នផលមធ្យម
ទទួលបាន ៤ តោនក្នុងមួយហិកតា ដែលអាចលើកកំពស់ដល់ ៦ ឬ ៨ តោនក្នុង
 មួយហិកតា។ គប្បីមានយន្តការគោនយោបាយទាក់ទាញសហគ្រាសដើម្បី តភ្ជាប់
ជាមួយសហគ្រិនហើយវិនិយោគចូលក្នុងវិទ្យាសាស្ត្របច្ចេកវិទ្យាហើយអភិវឌ្ឍន៍រូប
សណ្ឋានថ្មីក្នុងការផលិតនិងនាំចេញបង្កង។»

        នាពេលថ្មីៗនេះ ការជះឥទ្ធិពលដោយបំរ៉ែបំរួលអាកាសធាតុ ជាពិសេសគឺ
ស្ថានភាពជ្រាបទឹកប្រៃដែលកំពុងប្រព្រឹត្តទៅដ៏ទូលំទូលាយ រងឥទ្ធិពលអាក្រក់
ទៅលើផ្ទៃដីផលិតកសិកម្ម នោះគឺការផ្លាស់ប្តូររចនាសម្ព័ន្ធផលិតកម្ម ក្នុងនោះ
ជំរុញខ្លាំងការចិញ្ចឹមបង្កងសំរាប់ការនាំចេញគឺជាវិធានការជំនួសប្រកបដោយ
ប្រសិទ្ធភាពដើម្បីលើកកំពស់តំលៃនាំចេញ៕