(VOVWORLD) - ចាប់ពីថ្ងៃទី ១ ខែកក្កដា ឆ្នាំ ២០២៥ មក Hung Yen បានដំណើរការជាផ្លូវការនូវគំរូអាជ្ញាធរមូលដ្ឋានពីរកម្រិត (ខេត្ត និងឃុំ សង្កាត់)។ នេះគឺជារបកគំ ហើញ ក្នុងការកែទម្រង់ការរៀបចំក្បាលម៉ាស៊ីនដឹកនាំរបស់រដ្ឋ ស្របតាមគោលជំហរដ៏ធំធេងរបស់បក្ស។ ក្រោយរយៈពេល៤ខែអនុវត្តន៍ ការផ្លាស់ប្តូរដ៏វិជ្ជមាន និងច្បាស់លាស់បានបញ្ជាក់ពីភាពត្រឹមត្រូវ និងភាពទាន់ពេលវេលានៃគោលជំហរ ព្រមទាំងបង្ហាញពីការប្តេជ្ញាចិត្តផ្លាស់ប្ដូរថ្មី ហ៊ានគិត ហ៊ានធ្វើរបស់ខេត្ត Hung Yen នៅលើមាគ៌ាឆ្ពោះទៅរកការកសាងរដ្ឋបាលទំនើប និងមានប្រសិទ្ធភាព។

(VOVWORLD) - ក្រោយពីរយៈពេល ៥ ឆ្នាំអនុវត្តន៍កម្មវិធីគោលដៅជាតិសម្រាប់ការកាត់បន្ថយភាពក្រីក្រប្រកបដោយចីរភាព (២០២១ - ២០២៥) ខេត្ត Thai Nguyen សម្រេចបានលទ្ធផលវិជ្ជមានជាច្រើន។ ក្នុងនោះ ការជួយប្រជាជនឱ្យទទួលបានដើមទុនឥណទានគោលនយោបាយត្រូវបានចាត់ទុកថា ជាដំណោះស្រាយដ៏មានប្រសិទ្ធភាពមួយ ដែលរួមចំណែកដល់ការផ្លាស់ប្តូរជីវភាពរស់នៅនិងមុខមាត់នៃតំបន់ជនបទជាច្រើន។ ប្រភពដើមទុននេះមិនត្រឹមតែជួយប្រជាជនអភិវឌ្ឍន៍សេដ្ឋកិច្ចប៉ុណ្ណោះទេ ថែមទាំងបំផុសឡើងស្មារតីនៃភាពម្ចាស់ការឈានឡើងរួចផុតពីភាពក្រីក្រដោយខ្លួនទីពឹងខ្លួនទៀតផង។

(VOVWORLD) - ដោយតាមទាន់និន្នាការផ្លាស់ប្តូរឌីជីថល កសិករនៅតាមភូមិនានាក្នុងខេត្ត Dak Lak បានអនុវត្តន៍បច្ចេកវិទ្យា និងពាណិជ្ជកម្មអេឡិចត្រូនិក ដើម្បីអាចផ្សព្វផ្សាយផលិត ផល ព្រមទាំងនិទានរឿងរ៉ាវអំពីដំណើរការផលិតកម្មនិងភូមិឃុំ។ ពីនេះ ជនបទថ្មីនៅ Dak Lak មិនត្រឹមតែជាផ្លូវថ្នល់នានា និងផ្ទះសម្បែងប៉ុណ្ណោះទេ ថែមទាំងជាកន្លែងរស់នៅ ដ៏ទំនើបជាមួយនឹងឧបករណ៍ឆ្លាតវៃ និងការតភ្ជាប់ពហុវិមាត្រទៀតផង។

(VOVWORLD) - ប៉ុន្មានថ្ងៃថ្មីៗនេះ នៅពេលដែលរដូវទឹកឡើងមកដល់តំបន់ដីសណ្តទន្លេ Cuu Long ភូមិត្បាញសំណាញ់ Thom Rom ទីក្រុង Can Tho កាន់តែអ៊ូអរមមា ញឹក។ ប្រជាជនរាប់សិបគ្រួសារនៅទីនេះត្រូវធ្វើការទាំងយប់ទាំងថ្ងៃ ដើម្បីមានឧបករណ៍នេសាទគ្រប់គ្រាន់សម្រាប់ផ្គត់ផ្គង់ដល់ទីផ្សារ។

(VOVWORLD) - រសជាតិឈ្ងុយនៃសណ្តែកដី ក្លិនក្រអូបរបស់ខ្ញី លាយឡំជាមួយទឹកស្ករអំពៅ បានបង្កើតជារសជាតិដ៏ឈ្ងុយឆ្ងាញ់ដែលធ្វើឱ្យអ្នកទទួលទាន ទាំងក្នុងស្រុក ឬបរទេសត្រូវចងចាំជារៀងរហូត នៅពេលទទួលទានស្ករគ្រាប់ Cu Do នៃខេត្ត Ha Tinh។ ជាមួយនឹងរសជាតិពិសេស ស្ករគ្រាប់ Cu Do បានបញ្ជាក់ម៉ាកយីហោរបស់ខ្លួននៅលើផែនទីម្ហូបអាហារជាតិ ដោយត្រូវបានចុះបញ្ជីនៅក្នុង "ជម្រើសកំពូលនៃមុខម្ហូបនិងអំណោយពិសេសទាំង១០០របស់វៀតណាម"។

(VOVWORLD) - មានចម្ងាយប្រហែល ៣០ គីឡូម៉ែត្រពីទីក្រុង Pleiku ភូមិ Kep ឃុំ Ia Ly ខេត្ត Gia Lai ក្នុងប៉ុន្មានឆ្នាំថ្មីៗនេះ បានក្លាយជាគោលដៅដ៏ពេញនិយម សម្រាប់ភ្ញៀវទេសចរក្នុងស្រុកនិងបរទេស។ មិនត្រឹមតែដោយសារទេសភាពព្រៃភ្នំដ៏សុខសាន្តប៉ុណ្ណោះទេ ថែមទាំងដោយសាររបរតម្បាញចរបាប់ប្រពៃណីរបស់ជនជាតិ Jarai នៅទីនេះកំពុងត្រូវបានរស់ឡើងវិញ និងបង្កប់នូវដង្ហើមថ្មីនៃទេសចរណ៍សហគមន៍ទៀតផង។

(VOVWORLD) - ភូមិដំដែក Tat Tac ឃុំ Trieu Loc ខេត្ត Thanh Hoa មានភាពល្បីល្បាញជាច្រើនជំនាន់មក ហើយដោយរបរដំដែក។ រាប់រយឆ្នាំកន្លងមក បណ្ដាសិប្បករ និងជាងដំដែកនៅទីនេះ នៅតែបង្កាត់ភ្លើង ដំញញួរ ជារៀងរាល់ថ្ងៃ ដើម្បីផលិតចេញនូវផលិតផល បម្រើតម្រូវការក្នុងជីវភាពប្រចាំថ្ងៃ ខណៈពេលដែលរក្សាបាននូវរបរប្រពៃណីដែលជីដូនជីតាបន្សល់ទុកមក។

(VOVWORLD) - ស្ថិតនៅតាមដងទន្លេក្រហម ភូមិសិប្បកម្ម Bao Dap (សង្កាត់ Hong Quang ខេត្ត Ninh Binh) តាំងពីយូរណាស់មកហើយ ត្រូវបានគេស្គាល់ដល់ ដោយរបរសិប្បកម្មប្រពៃណីធ្វើចង្កៀងគោមផ្កាយនៅភាគខាងជើង។ ជារៀងរាល់ឆ្នាំ ក្នុងឱកាសនៃបុណ្យសំពះព្រះខែមកដល់ ចង្កៀងគោមផ្កាយចម្រុះពណ៌រាប់លានគ្រឿងពីភូមិសិប្បកម្មនេះ តែងត្រូវបាននាំយកទៅកាន់គ្រប់កន្លែងទូទាំង ប្រទេស។

(VOVWORLD) - ភូមិ Sa Chau ឃុំ Giao Chau ស្រុក Giao Thuy ខេត្ត Nam Dinh កាលពីមុន បច្ចុប្បន្នជាឃុំ Giao Hung ខេត្ត Ninh Binh គឺជាតំបន់ឆ្នេរសមុទ្រដែលល្បីល្បាញតាំងពីយូរយារណាស់មកហើយ សម្រាប់ការធ្វើទឹកត្រីប្រពៃណី។ ដំណក់ទឹកត្រីពណ៌មាស សម្បូរទៅដោយរសជាតិនៃសមុទ្រពីត្រីស្រស់ៗ អំបិលពណ៌ស និងបាតដៃដ៏ប៉ិនប្រសប់របស់ប្រជាជន។ នេះមិនត្រឹមតែជាផលិតផលប្រពៃណីដ៏ល្បីល្បាញនៅតំបន់វាលទំនាបតាមឆ្នេរសមុទ្រភាគខាងជើងប៉ុណ្ណោះទេ ថែមទាំងត្រូវបានអតិថិជននៅតាមខេត្តក្រុងជាច្រើនស្គាល់ដល់និងពេញនិយមប្រើប្រាស់ទៀតផង។

(VOVWORLD) - ស្ថិតនៅចម្ងាយប្រហែល ២០ គីឡូម៉ែត្រពីមជ្ឈមណ្ឌលសង្កាត់ Kon Tum (ខេត្ត Quang Ngai) ភូមិ Kon Jong របស់ជនជាតិ Xo Dang ក្នុងឃុំ Ngoc Reo មានភាពសុខសាន្តជាមួយនឹងចម្ការកៅស៊ូ កាហ្វេ និងព្រៃឈើខៀវស្រងាត់។ ទីនេះមានល្បាក់ទឹក Dak Loi ដ៏មនោរម្យ ដែលជាគោលដៅទេសចរណ៍ដ៏ល្អមួយសម្រាប់អ្នកដែលចង់ វិលត្រឡប់ទៅរកធម្មជាតិវិញ។