(VOVWORLD) - ភូមិ Plei Bui នៅឃុំ Nghia Hung ស្រុក Chu Pah ជាគំរូនៃភូមិជនបទថ្មីក្នុងតំបន់ជន ជាតិភាគតិចនៅខេត្ត Gia Lai។ ដើម្បីមានជីវភាពរស់នៅដ៏ធូធារគ្រាន់បើហើយ កសាងភូមិឲ្យកាន់តែរីកចម្រើនទៅមុខ ទន្ទឹមនឹងការជួយឧបត្ថម្ភពីរដ្ឋនោះ គឺជន ជាតិ Ja-rai នៅទីនេះបានខិតខំប្រឹងប្រែងដោយឥតឈប់ឈរ ឧស្សាហ៍ព្យាយាម ធ្វើការរកស៊ី និងរៀនសូត្រដើម្បីលើកកំពស់សមត្ថភាពបង្កបង្កើនផលផងដែរ។

(VOVWORLD) - តំបន់ដីសណ្ដទន្លេ Cuu Long ដោយមានផ្ទៃដីដាំស្រូវជាង៣,២លានហិកតា បានរួមវិភាគទានជាង៥០%នៃបរិមាណស្រូវនិងជាង៩០%នៃ បរិមាណអង្កនាំចេញនៃប្រទេសជាតិទាំងមូល។ តាមនោះ មិនត្រឹមតែធានាសន្តិសុខស្បៀងអាហារ ប៉ុណ្ណោះទេ ថែមទាំងអះអាងបាននូវតួនាទីនិងឋានៈជាអ្នកនាំចេញស្រូវអង្កជួរមុខលើ ពិភពលោករបស់វៀតណាមទៀតផង។ ដើម្បីសម្រេចបានលទ្ធផលនេះ នាពេល កន្លងទៅ អាជ្ញាធរនិងប្រជាកសិករនៅក្នុងតំបន់បានផ្ដោតសំខាន់ទៅលើការ រៀបចំរចនាសម្ព័ន្ធកសិកម្មឡើងវិញ អនុវត្តវិទ្យាសាស្ត្របច្ចេកទេសចូលក្នុងផលិតកម្ម ព្រមទាំងសហការគ្នាកសាងពាណិជ្ជសញ្ញាស្រូវអង្ករវៀតណាមផងដែរ។

(VOVWORLD) - នាពេលកន្លងទៅ សមាគមន៍នារីគ្រប់ជាន់ថ្នាក់នៅខេត្ត Dak Lak នៅតំបន់ខ្ពង់រាបភាគកណ្ដាលវៀតណាមបានច្នៃប្រឌិតឡើងរូបសណ្ឋានជាច្រើនដែលប្រមូលនារីៗជនជាតិភាគតិចចូលរួមសកម្មភាពសង្គមកិច្ចនៅក្នុងតំបន់។ អាស្រ័យដោយមានការរួមដៃគ្នារបស់ពួកគេ ដែលជាម្ចាស់គ្រួសារ តាមរបបត្រកូលខាងម្ដាយនោះ បណ្ដាភូមិឃុំនៅ Dak Lak អាចរស់នៅ ប្រកបដោយភាពសុខសាន្តត្រាណនិងស្ថិរភាព។

(VOVWORLD) - ដោយស្ថិតនៅចម្ងាយប្រមាណ៤០គីឡូម៉ែត្រពីប៉ែកខាងលិចទីក្រុងហាណូយ ភូមិបុរាណ Duong Lam នៅទីរួមខេត្ត Son TAy ជាគោលដៅមួយក្នុង ចំណោមគោលដៅទេសចរណ៍ដែលមិនអាចរំលងបាននៃរដ្ឋធានីហាណូយ អាស្រ័យដោយមានតម្លៃដ៏វិសេសវិសាលជាច្រើនខាងប្រវត្តិសាស្ត្រ ស្ថាបត្យកម្ម និងវប្បធម៌។ អ្នកភូមិ Duong Lam ចាប់តាំងពីច្រើនឆ្នាំមក បានចូលរួមការពារ បរិស្ថានទេសចរណ៍យ៉ាងសកម្ម ដើម្បីរក្សាការពារលក្ខណៈពិសេសដោយ ឡែកជានិច្ចនៃភូមិជនបទភាគខាងជើងវៀតណាម ដោយមានដើមពោធិ សាលាភូមិ និងវត្តអារ៉ាម ជាដើម។

(VOVWORLD) - តម្បាញ Zeng (តម្បាញចរបាប់) ជារបរប្រពៃណីតាំងពីយូរលង់ណាស់ មកហើយ ព្រមទាំងជាមោទនភាពរបស់ជនរួមជាតិ Ta Oi នៅស្រុកព្រៃភ្នំ A Luoi ខេត្ត Thua Thien Hue ភាគកណ្ដាលវៀតណាម។ ផលិតផលតម្បាញ Zeng នីមួយៗ បង្កប់នូវតម្លៃជាច្រើនគឺជាឧបករណ៍ប្រដាប់ប្រដារផង និងជាស្នាដៃ សិល្បៈពោរពេញទៅដោយអត្តសញ្ញាណវប្បធម៌របស់ជនជាតិ Ta Oi ផង។ រហូតមកដល់សព្វថ្ងៃនេះ របរតម្បាញ Zeng នៅតែត្រូវបានជនរួមជាតិ Ta Oi ថែរក្សា ច្នៃប្រឌិត និងផ្សព្វផ្សាយទៅកាន់ទីផ្សារទាំងជាតិនិងអន្តរជាតិទៀតផង។

(VOVWORLD) - ភូមិ Tun Tren ស្ថិតនៅចម្ងាយ៩គីឡូម៉ែត្រពីមជ្ឈមណ្ឌលឃុំ Duong Quy ស្រុក Van Ban ខេត្ត Lao Cai ភាគខាងជើងវៀត ណាម ដោយមានគ្រួសារជន ជាតិ Dao ចំនួន៥៧គ្រួសារកំពុងរស់នៅ។ ក្នុងប៉ុន្មានឆ្នាំកន្លងទៅ ដោយមានការយកចិត្ត ទុកដាក់វិនិយោគរបស់អាជ្ញាធរគ្រប់ជាន់ថ្នាក់តាមរយៈគម្រោងការណ៍អភិវឌ្ឍរបរចិញ្ចឹមសត្វ រួមជាមួយកិច្ចខិតខំប្រឹងប្រែងជំនះពុះពារលើការលំបាកលំបិនរបស់ គ្រួសារនីមួយៗ បានជាជីវភាពរស់នៅរបស់ជនរួមជាតិ Dao នៅទីនេះកំពុងផ្លាស់ប្ដូរថ្មីពី មួយថ្ងៃទៅមួយថ្ងៃ។

(VOVWORLD) - នៅទីក្រុងហូជីមិញ ភាគខាងត្បូងវៀតណាម ក្នុងរយៈពេលច្រើន ឆ្នាំថ្មីៗនេះ ផលិតផលនៃភូមិរបរជាច្រើនដូចជា ណែម Thu Duc ជើងសំរិទ្ធ ដោតធូប An Hoi និងកន្ទេល Binh An កាន់តែមានប្រជាប្រិយភាពចំពោះ អ្នកប្រើប្រាស់ទាំងក្នុងនិងក្រៅប្រទេស។ ដោយការយកផលិតផលដាក់លក់ តាមរយៈគេហទំព័រពាណិជ្ជកម្មអេឡិចត្រូនិកនោះ ភូមិរបរជាច្រើនមិនត្រឹម តែធ្វើអាជីវកម្មប្រកបដោយប្រសិទ្ធភាពប៉ុណ្ណោះទេ ថែមទាំងអះអាងបាន នូវតម្លៃពាណិជ្ជសញ្ញារបស់ខ្លួនទៀតផង។

(VOVWORLD) - កម្មវិធី “ឃុំមួយផលិតផលមួយ” (ហៅកាត់ថា OCOP) ត្រូវបានរដ្ឋាភិបាលវៀតណាម អនុម័តកាលពីខែឧសភាឆ្នាំ២០១៨ ក្នុងគោលបំណងអភិវឌ្ឍសេដ្ឋកិច្ចនៅតាមតំបន់ជនបទ ដែលរួមចំណែកអនុវត្តកម្មវិធីគោលដៅជាតិស្ដីពីការកសាងជនបទថ្មី។ ទន្ទឹមជាមួយគ្នានោះ ទីក្រុង ហាណូយកំពុងជំរុញយ៉ាងខ្លាំងនូវកម្មវិធី OCOP ដំណាក់កាលឆ្នាំ២០១៩-២០២០ ដោយចំណាយថវិកាសរុបជាង១១លានដុល្លាអាមេរិក សំដៅរួមចំណែកពន្លឿនការកសាង ជនបទថ្មីនៅរដ្ឋធានី។

(VOVWORLD) - នាថ្ងៃទី៨ខែទី១តាមច័ន្ទគតិជារៀងរាល់ឆ្នាំ អ្នកភូមិ Thi Cam (សង្កាត់ Xuan Phuong ខ័ណ្ឌ Nam Tu Liem ទីក្រុងហាណូយ) បែជានាំគ្នាចូលរួមពិធី បុណ្យប្រឡង ដាំបាយប្រកបដោយក្ដីសប្បាយរីករាយ។ នេះជា ទំនៀមទំលាប់ប្រពៃណីនៅពេលដែលនិទាឃរដូវមកដល់ម្ដងៗ ដើម្បីបួងសួងជូនពរប្រជាជនជួបតែសេចក្ដីសុខចម្រុងចម្រើន គ្រប់ ប្រការក្នុងឆ្នាំថ្មី។

(VOVWORLD) - ក្នុងប៉ុន្មានឆ្នាំថ្មីៗនេះ យោងតាមគោលនយោបាយរបស់ខេត្ត Kon Tum ដោយទាញយកផលប្រ យោជន៍ពីសក្តានុពលនិងឧត្តមភាព នៃតំបន់ជនជាតិដើមភាគតិច ហេតុដូច្នេះ ជនរួមជាតិជាជនជាតិ Xo Dang នៅបណ្តាស្រុក Kon Plong និង Dak Glei បានផ្តោតការ យកចិត្តទុកដាក់លើការដាំដុះរុក្ខជាតិឱសថ ដែលមិនត្រឹមតែនាំមកនូវប្រសិទ្ធភាពសេដ្ឋកិច្ចខ្ពស់ប៉ុណ្ណោះទេ ថែមទាំងបានរួមចំណែកផ្លាស់ប្តូរជីវភាពប្រចាំថ្ងៃរបស់ប្រជាជនបន្តិចម្តងៗទៀតផង។ កាលពីឆ្នាំ ២០១៩ តាមរយៈការដាំដើមយិនសិន Ngoc Linh និងរុក្ខជាតិឱសថច្រើនប្រភេទនោះ ប្រជាជន Xo Dang ភាគច្រើនបានក្លាយជាសេដ្ឋីនិងជាមហាសេដ្ឋីផងដែរ។