ប្រធានរដ្ឋវៀតណាមលោក លឿង គឿង ទទួលជួបអគ្គរដ្ឋអាជ្ញានៃអយ្យការកំពូល Azerbaijan។ (រូបថត៖ VOV)
ក្នុងជំនួបនេះ លោកប្រធានរដ្ឋបានអះអាងថា ដំណើរទស្សនកិច្ចរបស់គណៈ ប្រតិភូលើកនេះ មានអត្ថន័យដ៏សំខាន់ដែល រួមចំណែកពង្រឹងថែមទៀតនូវទំនាក់ទំនង មិត្តភាពជាប្រពៃណីរវាងវៀតណាម និង Azerbaijan និយាយរួម និងកិច្ចសហប្រតិបត្តិ ការទ្វេភាគីរវាងស្ថាប័នយុត្តិធម៌នៃប្រទេសទាំងពីរនិយាយដោយឡែក។ ដើម្បីធ្វើឱ្យកិច្ច សហប្រតិបត្តិការរវាងអយ្យការនៃប្រទេសទាំងពីរកាន់តែជាក់ស្តែង និងមានប្រសិទ្ធ ភាព លោកប្រធានរដ្ឋបានស្នើឱ្យភាគីទាំងពីរផ្លាស់ប្តូរគណៈប្រតិភូគ្រប់ជាន់ថ្នាក់ជា ប្រចាំ ដើម្បីពង្រឹងទំនាក់ទំនងមិត្តភាព និងការយល់ដឹងគ្នាទៅវិញទៅមក; សហប្រតិ បត្តិការយ៉ាងជិតស្និទ្ធក្នុងការបណ្តុះបណ្តាល បំប៉នកម្មាភិបាល និងបុគ្គលិករដ្ឋអាជ្ញានៃ ភាគីទាំងពីរ; គាំទ្រយ៉ាងសកម្មចំពោះគំនិតផ្តួចផ្តើមរបស់គ្នាទៅវិញទៅមកនៅវេទិកា សហប្រតិបត្តិការអន្តរជាតិពហុភាគី ដែលប្រទេសទាំងពីរជាសមាជិក។
ដោយយល់ស្របនឹងមតិយោបល់របស់ប្រធានរដ្ឋវៀតណាម អគ្គរដ្ឋអាជ្ញានៃ អយ្យការកំពូល Azerbaijan លោក Kamran Bayram Aliyev បានជម្រាបជូនលោក ប្រធានរដ្ឋអំពីលទ្ធផលនៃជំនួបធ្វើការជាមួយអយ្យការប្រជាជនកំពូលវៀតណាម ដោយឲ្យដឹងថា ភាគីទាំងពីរបានចុះហត្ថលេខាលើអនុស្សរណៈនៃការយោគយល់គ្នា ស្តីពីកិច្ចសហប្រតិបត្តិការ តាមនោះនឹងរួមចំណែកនាំទំនាក់ទំនងរវាងប្រទេសទាំង ពីរឱ្យកាន់តែស៊ីជម្រៅនិងជាក់ស្ដែងថែមទៀត៕