ភូមិដ៏ស្រស់ស្អាតដូចក្នុងរឿងនិទាននៅខេត្ត Ha Giang
សំយោគដោយ Bui Hang -  
(VOVWORLD) - ខេត្ត Ha Giang ទាក់ទាញភ្ញៀវទេសចរដោយភូមិដ៏រហោស្ថាន សុខសាន្ត និងស្រស់ស្អាតដូចក្នុងរឿងនិទានអញ្ចឹង។
ក្រៅពីវាលផ្កា buckwheat ខ្ពង់រាបថ្ម Dong Van ស្រែកាំជណ្ដើរ Hoang Su Phi ឬទន្លេ Nho Que... ខេត្ត Ha Giang ក៏មានជ្រលងភ្នំនិងភូមិជាច្រើនដែលពោរពេញទៅដោយពណ៌វប្បធម៌ដ៏ប្លែកៗ។
១. Thien Huong
![ភូមិដ៏ស្រស់ស្អាតដូចក្នុងរឿងនិទាននៅខេត្ត Ha Giang - ảnh 1](https://image.vovworld.vn/w730/uploaded/vovworld/cqjwqcdwp/2024_03_31/media/1fiaa_tlvs.jpg) |
អ្នកណាដែលធ្លាប់មកកាន់ភូមិបុរាណ Thien Huong សុទ្ធតែមានការចាប់អារម្មណ៍ចំពោះសម្រស់ដ៏សុខសាន្តនៃកន្លែងនេះ។ រូបថត៖ Van Hni |
ព័ទ្ធជុំវិញដោយភ្នំដ៏ធំសម្បើម និងដើមឈើបុរាណដែលមានអាយុរាប់រយឆ្នាំ ភូមិ Thien Huong ស្ថិតនៅក្នុងលំហដ៏ស្ងប់ស្ងាត់មួយ។
![ភូមិដ៏ស្រស់ស្អាតដូចក្នុងរឿងនិទាននៅខេត្ត Ha Giang - ảnh 2](https://image.vovworld.vn/w730/uploaded/vovworld/cqjwqcdwp/2024_03_31/media/2nkjp_asog.jpg) |
ដោយសារតែមិនសូវរងផលប៉ះពាល់ពីទេសចរណ៍នោះទេ ភូមិ Thien Huong នៅតែរក្សាបាននូវសភាពដើមដ៏សាមញ្ញដែលមានស្រាប់។ រូបថត៖ toquoc.vn |
![ភូមិដ៏ស្រស់ស្អាតដូចក្នុងរឿងនិទាននៅខេត្ត Ha Giang - ảnh 3](https://image.vovworld.vn/w730/uploaded/vovworld/cqjwqcdwp/2024_03_31/media/3rkin_nawy.jpg) |
ដើរលេងនៅក្នុងភូមិ Thien Huong មិនពិបាកទេដើម្បីប្រទះឃើញដើមផ្កាម៉ាក់ខៃ និងដើមព្រូនបុរាណ។ រូបថត៖ toquoc.vn |
២. Du Gia
Du Gia គឺជាឃុំតូចមួយនៃស្រុក Yen Minh មានចំងាយប្រហែល ៧០គីឡូម៉ែត្រ ពីមជ្ឈមណ្ឌលទីក្រុង Ha Giang ដែលត្រូវបានធម្មជាតិប្រទានឲ្យសម្រស់ដ៏សុខសាន្តនិងរហោស្ថាន។
![ភូមិដ៏ស្រស់ស្អាតដូចក្នុងរឿងនិទាននៅខេត្ត Ha Giang - ảnh 4](https://image.vovworld.vn/w730/uploaded/vovworld/cqjwqcdwp/2024_03_31/media/4_rcjn.jpg) |
រូបថត៖ Huyen Trang |
ទេសភាពនៅទីនេះស្រស់បំព្រងគ្រប់រដូវ។ ភូមិឃុំ ភ្នំ និងពពក លាយឡំគ្នាបង្កើតភាពទាក់ទាញដ៏ចម្លែកចំពោះភ្ញៀវទេសចរ។
![ភូមិដ៏ស្រស់ស្អាតដូចក្នុងរឿងនិទាននៅខេត្ត Ha Giang - ảnh 5](https://image.vovworld.vn/w730/uploaded/vovworld/cqjwqcdwp/2024_03_31/media/5_qbba.png) |
ភូមិមួយនៅ Du Gia ព័ទ្ធជុំវិញដោយព្រៃភ្នំដ៏ធំសម្បើម។ រូបថត៖ Rony Nguyen |
វាលស្រែកាំជណ្ដើរដោយមានពណ៌បៃតង និងខ្លះលឿងប្រទាក់ក្រឡាគ្នា។ ពេលរសៀល ពន្លឺថ្ងៃចែងចាំងមក ធ្វើឱ្យផ្ទាំងគំនូរនៃតំបន់ព្រៃភ្នំនេះ កាន់តែស្រស់ស្អាត។
![ភូមិដ៏ស្រស់ស្អាតដូចក្នុងរឿងនិទាននៅខេត្ត Ha Giang - ảnh 6](https://image.vovworld.vn/w730/uploaded/vovworld/cqjwqcdwp/2024_03_31/media/6_zjad.png) |
ភ្ញៀវទេសចរមក Du Gia ភាគច្រើនជាយុវជនដែលស្រឡាញ់ការរុករក និងចូលចិត្តយកឈ្នះលើដំណើរផ្សងព្រេង។ រូបថត៖ Rory Nguyen |
៣. Lo Lo Chai
ស្ថិតនៅជើងបង្គោលទង់ជាតិ Lung Cu ដែលជាចំណុចចុងក្រោយបំផុតតាមភាគខាងជើងប្រទេសជាតិ ភូមិវប្បធម៌ Lo Lo Chai ជាកន្លែងទាក់ទាញភ្ញៀវទេសចរគ្រប់រូប ពេលមកកាន់ Ha Giang ដោយសារតែទេសភាពនិងលក្ខណៈវប្បធម៌ដ៏ស្រស់ស្អាតរបស់បងប្អូនជនជាតិភាគតិចនៅទីនេះ ហាក់ដូចជាលេចឡើងពីរឿងនិទានមួយអញ្ចឹង។
![ភូមិដ៏ស្រស់ស្អាតដូចក្នុងរឿងនិទាននៅខេត្ត Ha Giang - ảnh 7](https://image.vovworld.vn/w730/uploaded/vovworld/cqjwqcdwp/2024_03_31/media/7_uehg.jpg) |
Lo Lo Chai នៅតែរក្សាលក្ខណៈវប្បធម៌ស្ទើរតែនៅដដែលតាំងពីសម័យបុរាណមក ពីជីវភាពខាងសម្ភារៈ និងស្មារតីរបស់ជនជាតិ Lo Lo នៅខ្ពង់រាបថ្ម។ រូបថត៖ toquoc.vn |
![ភូមិដ៏ស្រស់ស្អាតដូចក្នុងរឿងនិទាននៅខេត្ត Ha Giang - ảnh 8](https://image.vovworld.vn/w730/uploaded/vovworld/cqjwqcdwp/2024_03_31/media/8_tmfv.jpg) |
នៅទីតាំងណាមួយនៅក្នុងភូមិ Lo Lo Chai អ្នកអាចឃើញបង្គោលទង់ជាតិ Lung Cu នៅលើកំពូលភ្នំ Long Son។ រូបថត៖ toquoc.vn |
![ភូមិដ៏ស្រស់ស្អាតដូចក្នុងរឿងនិទាននៅខេត្ត Ha Giang - ảnh 9](https://image.vovworld.vn/w730/uploaded/vovworld/cqjwqcdwp/2024_03_31/media/9_vkgi.jpg) |
នៅកណ្តាលភូមិមានហាងកាហ្វេដ៏ល្បីល្បាញមួយកន្លែងដែលភ្ញៀវទេសចរ នៅពេលមក Ha Giang តែងតែឈប់សម្រាកដើម្បីទទួលទាន ដែលមានឈ្មោះថា "កាហ្វេប៉ូលខាងជើង"។ រូបថត៖ toquoc.vn |
![ភូមិដ៏ស្រស់ស្អាតដូចក្នុងរឿងនិទាននៅខេត្ត Ha Giang - ảnh 10](https://image.vovworld.vn/w730/uploaded/vovworld/cqjwqcdwp/2024_03_31/media/10_mwds.jpg) |
ភាពស្រស់ស្អាតរបស់ Lo Lo Chai មកពីសម្រស់ធម្មជាតិដែលមានស្រាប់ មិនមែនជាការតុបតែងទេ។ ភាពស្រស់ស្អាតនោះកាន់តែរស់រវើក ដោយសារសំលៀកបំពាក់ចរបាប់ចម្រុះពណ៌ដែលត្រូវបានស្ត្រីជនជាតិ Lo Lo ត្បាញដោយដៃ។ រូបថត៖ toquoc.vn |
៤. Ma Le
ភូមិ Ma Le ជាឃុំមួយនៅស្រុក Dong Van មានចំងាយប្រហែល ១៤៨ គីឡូម៉ែត្រពីមជ្ឈមណ្ឌលទីក្រុង Ha Giang។ ផ្ទះបុរាណជាច្រើននៅទីនេះមានអាយុកាលឡើងដល់ ១០០ ឆ្នាំ។
![ភូមិដ៏ស្រស់ស្អាតដូចក្នុងរឿងនិទាននៅខេត្ត Ha Giang - ảnh 11](https://image.vovworld.vn/w730/uploaded/vovworld/cqjwqcdwp/2024_03_31/media/11_byvb.jpeg) |
រូបថត៖ MALE homestay |
Ma Le គឺស្រស់ស្អាតបំផុតនៅនិទាឃរដូវនៅពេលដែលផ្កាម៉ាក់ខៃរីក ឬនៅចុងរដូវស្លឹកឈើជ្រុះ ពេលដែលវាលផ្កា buckwheat តាមចង្កេះភ្នំរីកយ៉ាងត្រចះត្រចង់។
![ភូមិដ៏ស្រស់ស្អាតដូចក្នុងរឿងនិទាននៅខេត្ត Ha Giang - ảnh 12](https://image.vovworld.vn/w730/uploaded/vovworld/cqjwqcdwp/2024_03_31/media/12_vggw.png) |
រូបថត៖ MALE homestay |
លើសពីនេះទៅទៀត នេះក៏ជាកន្លែងប្រមាញ់ពពកដ៏ល្អឥតខ្ចោះសម្រាប់មិត្តវ័យក្មេងដែលចូលចិត្តការរុករក។
៥. Nam Dam
ស្ថិតនៅចម្ងាយប្រហែល ៤៥ គីឡូម៉ែត្រពីភាគខាងជើងទីក្រុង Ha Giang ភូមិ Nam Dam ជាកន្លែងរស់នៅរបស់បងប្អូនជនជាតិ Dao។
![ភូមិដ៏ស្រស់ស្អាតដូចក្នុងរឿងនិទាននៅខេត្ត Ha Giang - ảnh 13](https://image.vovworld.vn/w730/uploaded/vovworld/cqjwqcdwp/2024_03_31/media/13_nzrp.jpg) |
ទិដ្ឋភាពភូមិ Nam Dam មើលពីលើ។ រូបថត៖ baohagiang.vn |
ភូមិនេះធ្លាប់ទទួលបានកិត្តិនាមភូមិវប្បធម៌ទេសចរណ៍សហគមន៍ ដោយសារវានៅតែរក្សាបាននូវតម្លៃប្រពៃណីល្អប្រសើរជាច្រើន។
![ភូមិដ៏ស្រស់ស្អាតដូចក្នុងរឿងនិទាននៅខេត្ត Ha Giang - ảnh 14](https://image.vovworld.vn/w730/uploaded/vovworld/cqjwqcdwp/2024_03_31/media/14_qprk.jpg) |
ប្រជាជននៅទីនេះមានជីវភាពរស់នៅដ៏សាមញ្ញ ដោយផ្សាភ្ជាប់យ៉ាងជិតស្និទ្ជាមួយធម្មជាតិ។ រូបថត៖ baodautu.vn |
៦. Lao Xa
Lao Xa គឺជាកន្លែងមួយនៅក្នុងជ្រលងភ្នំ Sung La ខេត្ត Ha Giang និងមានចម្ងាយប្រហែល ៦គីឡូម៉ែត្រពីមជ្ឈមណ្ឌល Sung La។
Lao Xa មានសម្រស់ដ៏ពិសេសនៃភូមិខ្ពង់រាបមួយ នោះគឺបរិយាកាសដ៏សុខសាន្ត សុភាពរាបសារ គ្មានភាពអ៊ូអរ។ រូបថត៖ Vuong Anh Quynh |
នេះគឺជាកន្លែងដែលប្រវត្តិសាស្ត្រ-វប្បធម៌-មនុស្សរស់នៅដោយសុខដុមរមនា ពឹងផ្អែកគ្នាទៅវិញទៅមក និងមានភាពស្និទ្ធស្នាលជាមួយគ្នា។ Lao Xa មានភាពល្បីល្បាញដោយមុខរបរចម្លាក់ប្រាក់ប្រពៃណី៕
សំយោគដោយ Bui Hang