(VOVWORLD) - ជំនះពុះពារលើស្ថានភាពរងការបំផ្លិចបំផ្លាញនៃសម័យសង្គ្រាម ក្រោយរយៈពេល ៧០ឆ្នាំនៃការរំដោះ ទីក្រុង Dien Bien Phu ខេត្ត Dien Bien បានរីកចម្រើន និងក្លាយជាទីក្រុងពោរពេញដោយកម្លាំងរស់។
![មុខមាត់ថ្មីនៃទីក្រុង Dien Bien Phu ក្រោយរយៈពេល៧០ឆ្នាំ នៃការរំដោះ - ảnh 1](https://photo-cms-vovworld.zadn.vn/w730/uploaded/vovworld/uivppqmx/2024_03_21/pho1gifpdxe_zqhv.jpg)
នៅថ្ងៃទី ១៨ ខែមេសា ឆ្នាំ ១៩៩២ ក្រុមប្រឹក្សារដ្ឋមន្ត្រី (រដ្ឋាភិបាល) បានចេញសេចក្តីសម្រេចលេខ ១៣០ ស្តីពីការបង្កើតទីក្រុង Dien Bien Phu ចំណុះខេត្ត Lai Chau (បច្ចុប្បន្នជាខេត្ត Dien Bien)។
រហូតដល់ឆ្នាំ ២០០៣ ទីក្រុង Dien Bien Phu ត្រូវបានទទួលស្គាល់ថាជាទីក្រុងថ្នាក់ទី ៣ ហើយក្លាយជាទីក្រុងចំណុះខេត្ត Dien Bien ជាផ្លូវការ។
![មុខមាត់ថ្មីនៃទីក្រុង Dien Bien Phu ក្រោយរយៈពេល៧០ឆ្នាំ នៃការរំដោះ - ảnh 3](https://photo-cms-vovworld.zadn.vn/w730/uploaded/vovworld/uivppqmx/2024_03_21/pho3gifdpdg_sasd.jpg)
![មុខមាត់ថ្មីនៃទីក្រុង Dien Bien Phu ក្រោយរយៈពេល៧០ឆ្នាំ នៃការរំដោះ - ảnh 4](https://photo-cms-vovworld.zadn.vn/w730/uploaded/vovworld/uivppqmx/2024_03_21/pho4giffvtl_tmry.jpg)
![មុខមាត់ថ្មីនៃទីក្រុង Dien Bien Phu ក្រោយរយៈពេល៧០ឆ្នាំ នៃការរំដោះ - ảnh 5](https://photo-cms-vovworld.zadn.vn/w730/uploaded/vovworld/uivppqmx/2024_03_21/pho5gifwszh_rany.jpg)
មកដល់ទីក្រុង Dien Bien សព្វថ្ងៃនេះ ភ្ញៀវទេសចរជាច្រើននៅតែមានការតំជួលចិត្ត ចំពោះភស្តុតាងប្រវត្តិសាស្ត្រដ៏អង់អាចក្លាហាននៃយុទ្ធនាការ Dien Bien Phu "ល្បីល្បាញលើទ្វីបទាំងប្រាំ - រញ្ជួយភពផែនដី"។
បូជនីយដ្ឋានយុទ្ធជនពលីជាតិ A១
បច្ចុប្បន្ននេះ ទីក្រុង Dien Bien Phu កំពុងខិតខំប្រឹងប្រែងពង្រីកតម្លៃប្រវត្តិសាស្ត្រ ដើម្បីអភិវឌ្ឍន៍ទេសចរណ៍ - វិស័យសេដ្ឋកិច្ចមុខព្រួញក្នុងតំបន់។
![មុខមាត់ថ្មីនៃទីក្រុង Dien Bien Phu ក្រោយរយៈពេល៧០ឆ្នាំ នៃការរំដោះ - ảnh 9](https://photo-cms-vovworld.zadn.vn/w730/uploaded/vovworld/uivppqmx/2024_03_21/pho9gifyewb_qqkb.jpg)
សារមន្ទីរជ័យជំនះប្រវត្តិសាស្ត្រ Dien Bien Phu - លើកតម្កើងតម្លៃប្រវត្តិសាស្ត្រនៃជ័យជំនះដ៏ “ល្បីល្បាញលើទ្វីបទាំងប្រាំ - រញ្ជួយភពផែនដី"។
ជ្រុងមួយនៃផ្ទាំងគំនូរ Panorama នៅក្នុងសារមន្ទីរជ័យជំនះប្រវត្តិសាស្ត្រ Dien Bien Phu បានកត់ត្រាទិដ្ឋភាពទាំងមូលនៃយុទ្ធនាការនេះ។
![មុខមាត់ថ្មីនៃទីក្រុង Dien Bien Phu ក្រោយរយៈពេល៧០ឆ្នាំ នៃការរំដោះ - ảnh 12](https://photo-cms-vovworld.zadn.vn/w730/uploaded/vovworld/uivppqmx/2024_03_21/pho12gifcbzv_tpxm.jpg)
ដោយអនុវត្តបានយ៉ាងល្អនូវសក្តានុពល និងប្រៀបខ្លាំងរបស់ខ្លួន សេដ្ឋកិច្ចសង្គមនៃទីក្រុងនេះមានការអភិវឌ្ឍន៍យ៉ាងខ្លាំង។
មកទល់នឹងពេលនេះ ប្រាក់ចំណូលជាមធ្យមរបស់ប្រជាជនក្នុងទីក្រុងបានកើនឡើងដល់ ៦៤លានដុង/មនុស្សម្នាក់/ឆ្នាំ។
គម្រោងធំៗជាច្រើនត្រូវបានបញ្ចប់ការសាងសង់ និងដាក់ឱ្យប្រើប្រាស់ ដូចជាគម្រោងផ្លូវ ៦០ម៉ែត្រ (ផ្លូវ៧/៥); គម្រោងហេដ្ឋារចនាសម្ព័ន្ធបច្ចេកទេសក្របខ័ណ្ឌតាមបណ្តោយផ្លូវ៦០ម៉ែត្រ; កម្មវិធីទីក្រុងភ្នំភាគខាងជើង និងកន្លែងតាំងទីលំនៅថ្មីៗ។
បង្កើតរូបរាងថ្មីដ៏ធំទូលាយ និងស្រស់ស្អាតជាងមុន។
ពហុកីឡដ្ឋានខេត្ត Dien Bien ជាកន្លែងប្រព្រឹត្តិទៅព្យុហយាត្រា និងក្បួនដង្ហែរំលឹកខួបលើកទី ៧០ឆ្នាំ នៃជ័យជំនះ Dien Bien Phu ។
![មុខមាត់ថ្មីនៃទីក្រុង Dien Bien Phu ក្រោយរយៈពេល៧០ឆ្នាំ នៃការរំដោះ - ảnh 18](https://photo-cms-vovworld.zadn.vn/w730/uploaded/vovworld/uivppqmx/2024_03_21/pho18gifysuy_bqou.jpg)
ការវិនិយោគនិងកែលម្អហេដ្ឋារចនាសម្ព័ន្ធដឹកជញ្ជូនបានរួមចំណែកកាត់បន្ថយពេលវេលាធ្វើដំណើរពីទីក្រុង Dien Bien ទៅកាន់ទីក្រុងហាណូយ ទីក្រុងហូជីមិញ និងមូលដ្ឋាននានាទូទាំងប្រទេស បើកចេញឱកាសជាច្រើនក្នុងការអភិវឌ្ឍន៍ទេសចរណ៍ និងទាក់ទាញការវិនិយោគមកទីក្រុង។
ទីក្រុង Dien Bien Phu បច្ចុប្បន្នត្រូវបានគេប្រៀបប្រដូចទៅនឹង "សំពៅកំពុងបើកក្តោង"។ រដ្ឋាភិបាលនិងប្រជាជនបណ្តាជនជាតិនៅក្នុងតំបន់បានរួបរួមគ្នា និងប្តេជ្ញាខិតខំដល់ឆ្នាំ២០២៥ សម្រេចបានលក្ខណៈវិនិច្ឆ័យនៃតំបន់ទីក្រុងថ្នាក់ទី ២ ហើយឆាប់ក្លាយជាមជ្ឈមណ្ឌលទេសចរណ៍ និងសេវាកម្មនៃតំបន់ភាគពាយ័ព្យ៕