គោលដៅទេសចរណ៍ដែលមិនគួររំលងនៅពេលមកដល់ខេត្ត ហាណាម

(VOVWORLD) - ខេត្ត ហាណាម ត្រូវបានគេរំពឹងថានឹងក្លាយជា “គោលដៅទេសចរណ៍ថ្មីឈានមុខគេនៅអាស៊ី” អាស្រ័យដោយតម្លៃវប្បធម៌ និងប្រវត្តិសាស្ត្រដ៏សម្បូរបែប និងទាក់ទាញ។

ស្ថិតនៅច្រកផ្លូវភាគខាងត្បូងនៃទីក្រុងហាណូយ មានចម្ងាយត្រឹមតែមួយម៉ោងជិះឡាន ពីទីក្រុងហាណូយ ខេត្ត ហាណាមគឺជាទឹកដីដែលសម្បូរទៅដោយសក្តានុពលសម្រាប់ការអភិវឌ្ឍទេសចរណ៍ខាងវិញ្ញាណ វប្បធម៌ អេកូឡូស៊ី និងភោជនាហា។ រូបថត៖ nangluongsachvietnam.vn

ថ្មីៗនេះ ហាណាម ទទួលបានការតែងតាំងពីពានរង្វាន់ទេសចរណ៍ពិភពលោកលើកទី ៣១ តំបន់អាស៊ី និងអូសេអានី (WTA) សម្រាប់រង្វាន់ ២ ប្រភេទនោះ គឺ "គោលដៅទេសចរណ៍ទើបលេចចេញឈានមុខគេនៅអាស៊ី" និង "គោលដៅវប្បធម៌មូលដ្ឋានឈានមុខគេនៅអាស៊ី"។

VOV5 សូមឧទ្ទេសនាមអំពីគោលដៅល្បីៗមួយចំនួនដែលមិនអាចរំលងបាន នៅពេលមកដល់ខេត្ត ហាណាម៖

តំបន់រមណីយដ្ឋនានខាងវិញ្ញាណនៃវត្ត Tam Chuc

តំបន់រមណីយដ្ឋានខាងវិញ្ញាណ Tam Chuc (ស្រុក Kim Bang ខេត្ត Ha Nam) ស្ថិតនៅក្នុងលំហទន្លេបឹងបួរដ៏ធំល្វឹងល្វើយ ដូចជាដែនដីទេពអប្សរអញ្ចឹង។ រូបភាព៖ វត្ត Tam Chuc

បរិយាកាសដ៏ស្ងប់ស្ងាត់នៃវត្ត នាំមកជូនភ្ញៀវទេសចរនូវអារម្មណ៍ ដូចចូលទៅក្នុងពិភពដ៏សុខសាន្ត ដោយគ្មានការព្រួយបារម្ភនោះទេ។ រូបភាព៖ វត្ត Tam Chuc

ភាពស្រស់ស្អាតនៃវត្ត Tam Chuc នាពេលរាត្រី។ រូបភាព៖ វត្ត Tam Chuc

វត្ត Dia Tang Phi Lai

វត្ត Dia Tang Phi Lai ដែលមានទីតាំងនៅភូមិ Ninh Trung (ឃុំ Liem Son, Thanh Liem, Ha Nam) ថ្មីៗនេះបានទាក់ទាញភ្ញៀវទេសចរទាំងជាតិ និងអន្តរជាតិជាច្រើន ដោយសារភាពស្រស់ស្អាតដ៏ស្ងប់ស្ងាត់និងសុខសាន្ត។ រូបថត៖ Minh Son/Vietnam+

ជាមួយនឹងស្ថាបត្យកម្មដ៏វិសេសវិសាល និងទេសភាពដ៏ស្រស់បំព្រង កន្លែងនេះត្រូវបានប្រៀបប្រដូចជា "ទឹកដីទេពអប្សរ" នៅខេត្តហាណាម។ រូបថត៖ Minh Son/Vietnam+

រូបថត៖ Minh Son/Vietnam+

ភូមិ Vu Dai

ស្ថិតនៅភូមិ Nhan Hau ឃុំ Hoa Hau ស្រុក Ly Nhan ផ្ទះដែលមានអាយុកាលជាង ១០០ ឆ្នាំរបស់លោក Ba Kien ត្រូវបានអតីតអ្នកនិពន្ធ Nam Cao ដាក់ចូលក្នុងស្នាដៃអក្សរសាស្ត្រដ៏ល្បីល្បាញនៅប្រទេសវៀតណាមដោយមានចំណងជើងថា "Chi Pheo"។ ផ្ទះនេះមាន ៣ ល្វែង តាមប្រពៃណីជនបទភាគខាងជើង ហើយបានក្លាយជាគោលដៅដ៏ទាក់ទាញសម្រាប់ភ្ញៀវទេសចរមានតាំងពីយូរយារណាស់មកហើយ។ រូបថត៖ realtimes.vn

ផ្ទះនេះត្រូវបានគ្របដណ្ដប់ដោយពណ៌បុរមបុរាណនៃពេលវេលា ហើយបានក្លាយជា “រតនៈទ្រព្យ” របស់ភូមិ Vu Dai។ រូបថត៖ realtimes.vn

លើសពីនេះ ភូមិ Vu Dai ក៏ល្បីល្បាញដោយសារម្ហូបត្រីខ ដែលមានអាយុកាលយូរណាស់មកហើយ។ អ្នកត្រឹមតែទទួលទានម្ដងប៉ុណ្ណោះ នឹងចងចាំជារៀងរហូត។ រូបថត៖ cakhovudai.net

ព្រះវិហារកាតូលិក So Kien

ឆ្លងកាត់រយៈពេល ១៤០ ឆ្នាំ ព្រះវិហារកាតូលិក So Kien គឺជាព្រះវិហារមួយដោយមានស្ថាបត្យកម្មបែបបូព៌ា - ខាងលិចដ៏ប្លែក ដែលបានទាក់ទាញ និងនាំមកនូវការចាប់អារម្មណ៍សម្រាប់ភ្ញៀវទេសចរជាច្រើន។ រូបថត៖ laodong.vn

ព្រះវិហារ So Kien គឺជាព្រះវិហាររ៉ូម៉ាំងកាតូលិក ដែលមានទីតាំងនៅទីរួមស្រុក Kien Khe (ស្រុក Thanh Liem ខេត្ត Ha Nam)។ រូបថត៖ កាសែត Ha Nam

So Kien គឺជាសំណង់តែមួយគត់ដែលត្រូវបានរៀបចំ និងសាងសង់តាមរចនាប័ទ្មនៃវិហារអ៊ីតាលី ក្នុងប្រទេសវៀតណាម។ រូបថត៖ laodong.vn

ភូមិរបរដ៏ល្បីល្បាញ

ជាមួយនឹងប្រវត្តិអភិវឌ្ឍន៍ជាង ១០០០ ឆ្នាំ ភូមិស្គរ Doi Tam (ឃុំ Tien Son ស្រុក Duy Tien ខេត្ត Ha Nam) ត្រូវបានចាត់ទុកថា ជាកន្លែងដ៏ល្បីល្បាញមួយសម្រាប់ផលិតផលស្គរប្រពៃណី។ នេះក៏ជាកន្លែងដែលផលិតស្គរដ៏ធំបំផុតចំនួនពីរនៅវៀតណាម និងក្រុមស្គរសម្រាប់បម្រើមហាពិធីបុណ្យរំលឹកខួប ១០០០ ឆ្នាំនៃរដ្ឋធានី Thang Long - Hanoi ក្នុងឆ្នាំ ២០១០ ផងដែរ។ រូបថត៖ កាសែត Da Nang