Nha nhac - តន្ត្រីព្រះរាជទ្រព្យវៀតណាម 23 មិថុនា 2023 | 18:00:00 (VOVWORLD) - ឆ្នាំ ២០២៣ ជាខួប ២០ ឆ្នាំចាប់តាំងពីតន្ត្រីព្រះរាជទ្រព្យ Hue ត្រូវបានអង្គការយូណេស្កូដាក់បញ្ចូលក្នុងបញ្ជីបេតិកភណ្ឌវប្បធម៌អរូបីយ៍និងផ្ទាល់មាត់របស់មនុស្សជាតិ។ មកដល់ទីក្រុង Hue ដ៏រ៉ូម៉ង់ទិក ភ្ញៀវទេសចរនឹងមានឱកាសគយគន់ទេសភាពដ៏ស្រស់ត្រកាល បរិវេណកេរ្តិ៍ដំណែលដែលមានអាយុកាលរាប់ពាន់ឆ្នាំ ស្វែងយល់ពីវប្បធម៌ដ៏វិសេសវិសាលនៃអតីតរាជធានី។ រូបថត៖ Le Huy Hoang Hai លក្ខណៈវប្បធម៌ដ៏លេចធ្លោមួយរបស់ Hue គឺតន្ត្រីព្រះរាជទ្រព្យ។ រូបថត៖ Hue Royal Court Music តន្ត្រីព្រះរាជទ្រព្យគឺជាប្រភេទតន្ត្រីដែលមានប្រវត្តិសាស្ត្រកាលពីសម័យសក្តិភូមិ សម្រាប់សម្ដែងក្នុងព្រះបរមរាជវាំងនៅថ្ងៃបុណ្យ។ ប្រភេទតន្ត្រីនេះមានទំនុកច្រៀងដ៏ប្រណិត និងចង្វាក់ដ៏ថ្លៃថ្នូ រួមចំណែកបង្កើតបរិយាកាសឧឡារិកសម្រាប់ពិធីការនានា។ នេះក៏ជានិមិត្តរូបនៃភាពរុងរឿងរបស់រាជវង្សផងដែរ។ ក្រុមសម្ដែងតន្ត្រីព្រះរាជទ្រព្យនៅក្នុងព្រះបមរាជវាំង Hue កាលពីអតីតកាល។ រូបថតឯកសារ៖ toquoc.vn Nha Nhac ត្រូវបានបង្កើតឡើងតាំងពីយូរលង់ណាស់មកហើយ ប៉ុន្តែរហូតដល់រាជកាល Nguyen ទើប Nha Nhac មានការរីកចម្រើនយ៉ាងខ្លាំងក្លា ហើយក្លាយទៅជាផ្នែកមួយដែលមិនអាចខ្វះបានក្នុងព្រះរាជពិធី និងសកម្មភាពនានាក្នុងព្រះបមរាជវាំង។ រូបថតឯកសារ៖ VNP ខុសពីប្រភេទតន្ត្រីប្រពៃណីនៅវៀតណាម Nha Nhac ត្រូវបានអង្គការយូណេស្កូវាយតម្លៃថា ជាប្រភេទតន្ត្រីតែមួយគត់ដែលឈានដល់លំដាប់ថ្នាក់ជាតិ។ រូបថតឯកសារ៖ កាសែត Dan Viet នៅចុងឆ្នាំ ២០០៣ យូណេស្កូបានទទួលស្គាល់ Nha Nhac ជាបេតិកភណ្ឌវប្បធម៌អរូបីយ៍របស់មនុស្សជាតិ។ រូបថត៖ មជ្ឈមណ្ឌលអភិរក្សកេរ្តិ៍ដំណែលអតីតរាជធានី Hue នេះជាកិត្តិយសនិងមោទនភាពដ៏ធំធេងសម្រាប់ទីក្រុង Hue ក៏ដូចជាប្រជាជាតិវៀតណាម។ ទន្ទឹមនឹងនោះ កិត្តិយសនេះក៏រួមចំណែកបង្កើតភាពទាក់ទាញ និងលក្ខណៈពិសេសដោយឡែកសម្រាប់វិស័យទេសចរណ៍នៃទីក្រុង Hue បុរមបុរាណនិងរ៉ូម៉ង់ទិក។ រូបថត៖ មជ្ឈមណ្ឌលអភិរក្សកេរ្តិ៍ដំណែលអតីតរាជធានី Hue នាយប់ថ្ងៃទី ១៧ ខែមិថុនា នៅទីលាន Ngo Mon ក្នុងព្រះបមរាជវាំង Hue គណៈកម្មាធិការប្រជាជនខេត្ត Thua Thien Hue បានប្រារព្ធពិធីរំលឹកខួប ៣០ ឆ្នាំ ចាប់តាំងពីកេរ្តិ៍ដំណែលអតីតរាជធានី Hue (១៩៩៣ - ២០២៣) និង ២០ ឆ្នាំ ចាប់តាំងពី Nha Nhac - តន្ត្រីព្រះរាជទ្រព្យវៀតណាម (២០០៣ - ២០២៣) ត្រូវបានអង្គការយូណេស្កូលើកតម្កើងជាបេតិកភណ្ឌពិភពលោក។ រូបថត៖ VOV រូបថត៖ VOV Nha Nhac នាសព្វថ្ងៃ ត្រូវបានមជ្ឈមណ្ឌលអភិរក្សកេរ្តិ៍ដំណែលអតីតរាជធានី Hue សម្ដែងនៅក្នុងរោងមហោស្រព Duyet Thi Duong ដើម្បីបម្រើភ្ញៀវទេសចរ។ រូបថត៖ VOV Duyet Thi Duong - រោងមហោស្រពសិល្បៈប្រពៃណីនៅក្នុងបរិវេណព្រះបរមរាជវាំង Hue។ រូបថត៖ toquoc.vn Tag VOV VOVworld Nha nhac តន្ត្រីព្រះរាជទ្រព្យ Hue វៀតណាម បេតិកភណ្ឌ វប្បធម៌ អរូបីយ៍ យូណេស្កូ ប្រតិកម្មទៅវិញ ផ្ញើទៅ ផ្សេងៗ មុខម្ហូបឆ្ងាញ់ពិសារពីផ្លែមន Hoai Hai ៖ គោលដៅរហោស្ថានដែលទាក់ទាញភ្ញៀវទេសចរនៅខេត្ត Binh Dinh ភូមិសិប្បកម្មផលិតក្បឿងសេរ៉ាមិច Mang Thit ទស្សនា Sa Huynh - ឆ្នេរសមុទ្រដ៏ស្អាតបំផុតនៅខេត្ត Quang Ngai