(VOVWORLD) - តន្ត្រីករ Pho Duc Phuong អ្នកដែលបានលះបង់អស់មួយជីវិតសម្រាប់ តូរ្យតន្ត្រីវៀតណាម បានចែកឋានទៅនៅថ្ងៃទី១៩ កញ្ញា កន្លងទៅនៅទីក្រុង ហាណូយ ក្នុងជន្មាយុ៧៦ឆ្នាំ។
តន្ត្រីករ Pho Duc Phuong កើតនាឆ្នាំ១៩៤៤។ ពេលអាយុ១៨ឆ្នាំ លោកប្រឡងជាប់ជំនាញរូបវិទ្យា សាកលវិទ្យាល័យគរុកោសល្យ។ ប៉ុន្តែ នាឆ្នាំ១៩៦៥ លោកសុំឈប់ពីការសិក្សាដោយសារគ្រួសារមានស្ថានភាពរស់នៅលំបាក ហើយទៅធ្វើការនៅកសិដ្ឋាន Cuu Long ខេត្ត Hoa Binh។ (រូបថត៖ VOV)
នាឆ្នាំ១៩៦៦ លោក Pho Duc Phuong ប្រឡងជាប់សាលាតូរ្យតន្ត្រីវៀតណាម (នាសព្វថ្ងៃគឺវិទ្យាស្ថានតូរ្យតន្ត្រីជាតិវៀតណាម)។ សេចក្ដីស្នេហាស្រុកកំណើតនិងប្រទេសជាតិធំធេងឥតកោះត្រើយបានក្លាយទៅជាប្រភពគំនិតសម្រាប់ស្នាដៃនានារបស់តន្ត្រីកររូបនេះ។ នាឆ្នាំ២០០១ លោកទទួលបានពានរង្វាន់ថ្នាក់រដ្ឋអំពីអក្សរសាស្ត្រសិល្បៈ។ (រូបថត៖ Tuoi Tre)
តន្ត្រីករ Pho Duc Phuong នៅលើឆាកសម្ដែងនៃ Liveshow “លើកំពូលភ្នំ Phu Van” នាឆ្នាំ២០១៦។ (រូបថត៖ Zing.vn)
វីដេអូ៖ Liveshow "លើកំពូលភ្នំ Phu Van" របស់តន្ត្រីករ Pho Duc Phuong នៅឆ្នាំ២០១៦។
តន្ត្រីករ Pho Duc Phuong ថតរូបអនុស្សាវរីយ៍ជាមួយទស្សនិកជននៅ Liveshow “លើកំពូលភ្នំ Phu Van”។ (រូបថត៖ Tuoi Tre)។
តន្ត្រីករ Pho Duc Phuong អោបអ្នកចម្រៀង Tung Duong បន្ទាប់ពីឈុតសម្ដែងបទចម្រៀង “បឹងនៅលើភ្នំ” នៅកម្មវិធីប្រគុំតន្ត្រី “អ្វីៗដែលស្ថិតស្ថិរជារៀងរហូត” នាឆ្នាំ២០១៦។ (រូបថត៖ Zing.vn)។
ស្នាដៃនានារបស់តន្ត្រីករ Pho Duc Phuong បានរួមចំណែកបង្កើតឡើងកេរ្តិ៍ឈ្មោះរបស់សិល្បៈករនិងតារាចម្រៀងដ៏ល្បីល្បាញនៅវៀតណាមដូចជា៖ Thanh Lam, My Linh, Trong Tan, Tung Duong ជាដើម។
ក្រុមតន្ត្រីករទន្លេក្រហមទាំង៤ (ពីខាងឆ្វេងទៅខាងស្ដាំ)៖ តន្ត្រីករ Duong Thu តន្ត្រីករ Tran Tien តន្ត្រីករ Nguyen Cuong និងតន្ត្រីករ Pho Duc Phuong។ ក្រុមតន្ត្រីករទន្លេក្រហមទាំង៤ជាឥស្សរជនដែលមានឈ្មោះបោះសម្លេង៤រូបនៃតូរ្យតន្ត្រីសម័យទំនើបវៀតណាម។
ក្នុងអាជីពរបស់ខ្លួន ក្នុងចន្លោះពីឆ្នាំ២០០២-២០០៩ តន្ត្រីករ Pho Duc Phuong បានកាន់តំណែងជានាយកមជ្ឈមណ្ឌលការពារសិទ្ធិអ្នកនិពន្ធតន្ត្រីវៀតណាម និងជាអនុប្រធានសមាគមន៍តន្ត្រី វៀតណាម។ (រូបថត៖ Van Hien)។
នាខែកក្កដាកន្លងទៅ ក្រុមគ្រួសារ មិត្តភក្តិនិងអ្នកគាំទ្របានរួមគ្នារៀបចំ liveshow ដោយឡែកជូនតន្ត្រីករ Pho Duc Phuong។ (រូបថត៖ Zing.vn)
Liveshow បានឆ្លុះបញ្ចាំងឡើងវិញនូវកំណាត់ផ្លូវតន្ត្រីអស់រយៈពេលជាង៥០ឆ្នាំកន្លងមករបស់លោក ក៏ដូចជាជួយបន្ថែមកម្លាំងស្មារតីជូនលោកដើម្បីជំនះពុះពារលើជម្ងឺ។
វីដេអូ៖ តារាចម្រៀង My Linh សម្ដែងបទចម្រៀង "លើកំពូលភ្នំ Phu Van" របស់តន្ត្រីករ Pho Duc Phuong ក្នុង Liveshow ខែកក្កដាឆ្នាំ២០២០។
តន្ត្រីករ Pho Duc Phuong និងភរិយា Lan Anh។
វីដេអូ៖ បទចម្រៀងដ៏ល្បីល្បាញមួយចំនួនរបស់តន្ត្រីករ Pho Duc Phuong។