នេះជាថ្ងៃដើម្បីមនុស្សគ្រប់គ្នាក្នុងគ្រួសារបង្ហាញការយកចិត្តទុកដាក់គ្នាទៅវិញទៅមក ឆ្ពោះទៅរក “ការកសាងគ្រួសារសម្បូរសប្បាយ សមភាព ជឿនលឿននិងសុភមង្គល”។

ប្រធានបទនៃទិវាគ្រួសារវៀតណាមឆ្នាំនេះ គឺ “គ្រួសារសុខសាន្ត - សង្គមសុភមង្គល”។ ឆ្នាំនេះប្រាកដជាឆ្នាំពិសេសបំផុត ដោយសារគ្រួសារនីមួយៗ នឹងអំណរសាទរទិវាបុណ្យនេះ តាមរបៀបផ្សេងៗគ្នា ដោយសារផលប៉ះពាល់នៃជម្ងឺរាតត្បាតកូវីដ ១៩។

នាពេលថ្មីៗនេះ វីដេអូឃ្លីបមួយថតរូបភាពកុមារីម្នាក់ដែលកំពុងញ៉ាំបាយជាមួយ គ្រួសារ ស្រាប់តែឃើញម្ដាយលើកញ្ចក់ទូរទស្សន៍ ហើយភ្លាមៗរត់សំដៅទៅកាន់អេក្រង់យំខ្លាំង សុំឲ្យម្ដាយបី។ ម្ដាយកុមារីនោះ គឺអ្នកស្រី Phung Thi Hanh គិលានុដ្ឋាយិកានៅមន្ទីរពេទ្យយោធា ១០៣។ អ្នកស្រី Hanh ជាបុគ្គលិកពេទ្យមួយ ក្នុងចំណោមវេជ្ជបណ្ឌិតគ្រូពេទ្យនៃមន្ទីរពេទ្យយោធា ១០៣ ចំនួនជាង១៦០នាក់ ដែលទើបបានចាត់បញ្ជូនទៅកាន់ខេត្ត Bac Giang ដើម្បីជួយគាំទ្រការងារបង្ការប្រឆាំងកូវីដ ១៩។

ជម្ងឺរាតត្បាតកូវីដ ១៩ បណ្ដាលឲ្យគ្រួសារជាច្រើនត្រូវឃ្លាតឆ្ងាយពីគ្នា ប៉ុន្តែក៏ធ្វើឲ្យគ្រួសារជាច្រើនទៀតមាន “ឱកាស” ជិតស្និទ្ធជាមួយគ្នាថែមទៀតផងដែរ។

ក្នុងប៉ុន្មានឆ្នាំកន្លងមក បក្សនិងរដ្ឋបានយកចិត្តទុកដាក់ខ្ពស់ដល់ការងារគ្រួសារ។ មជ្ឈឹមសម្ព័ន្ធសមាគមន៍នារីវៀតណាមទើបបានរៀបចំកិច្ចប្រជុំតាមប្រព័ន្ធអនឡាញ ក្រោមប្រធានបទ “ទិវាបុណ្យគ្រួសារនៃសេចក្ដីស្រឡាញ់” ក្នុងឱកាសរំលឹកខួបលើកទី២០ទិវាគ្រួសារវៀតណាមនិងខែធ្វើសកម្មភាពបង្ការប្រឆាំងអំពើហឹង្សាក្នុងគ្រួសារឆ្នាំ២០២១។