ចំណុចនៃជីវភាពរស់នៅខាងវប្បធម៌ដ៏វិសេសវិសាលនៅរដ្ឋធានីហាណូយ

(VOV World)_ប្រសិនបើមានឱកាសមកដល់រដ្ឋធានីហាណូយ ដោយដើរលំហែ លើ
វិថី បុរាណទាំង៣៦ សម្របខ្លួនចូលក្នុងចង្វាក់ជីវភាពរស់នៅដ៏សកម្ម អ៊ូរអរ…ល។ មិត្តនឹងឃើញចំណុចវប្បធម៌ដ៏សាមញ្ញ ប៉ុន្តែដ៏វិសេសវិសាលរបស់ជនហាណូយ នោះ
គឺក្តាអុកនៅមាត់បឹងនានា។ ក្នុងនាទីប្រអប់សំបុត្រមិត្តអ្នកស្ដាប់ពេលនេះ យើងខ្ញុំសូម ឧទ្ទេសនាមជាមួយអស់លោកអ្នកនាងអំពី​ចំណុចនៃជីវភាពរស់នៅវប្បធម៌ដ៏វិសេស
វិសាលនេះ។

លេងអុក(VOV)

ពេលដែលពន្លឺព្រះអាទិត្យនា​រដូវក្តៅត្រូវបានបន្ធូស្រាលនោះ ខ្យល់ពី​បឹង Guom បាននាំមកនូវភាពត្រជាក់ស្រួល​​ទៅលើបរិយាកាស​នៅទីនេះ នោះគឺជា ពេលវេលា
ដែល ក្រុមអ្នកលេងអុកបានចាប់ផ្តើម។ ​ក្តា​អុកទាំងនេះតែងតែប្រមូលផ្តុំនៅវិហារ
Ngoc Son និងនៅខាងមុខវិមាន ស្ដេច​ Ly Thai To ។ ​

បណ្ដាក្តាអុក(VOV)

ក្តាអុកនិមួយៗ មានអ្នកលេងចំនួន២នាក់តែប៉ុណ្ណោះ ប៉ុន្តែ នៅជំវិញមានមនុស្ស
ពី៤ដល់៥នាក់មើលនិងពិភាក្សា បង្កើតឡើងបរិយាកាសអូរអរ ទាក់ទាញ​ទឹកចិត្ត​។
លោក Nguyen Manh Hai អាយុ៧០ឆ្នាំ បានអោយ​ដឹងថា÷

“ តាមខ្ញុំឃើញថា÷ នេះគឺជាទីធ្លាលេងកំសាន្តដ៏សប្បាយរីករាយ ​មានប្រយោជន៍
…។ល។ ពិសេសគឺចំពោះអ្នកចូលនិវត្តន៍។ ក្នុងពេលទំនេរ គេទៅហាត់ប្រាណផង និង ជួបប្រាស្រ័យផង។ លេងអុកនៅទីនេះ យើង​អាចផ្តល់មតិ ​ចង្អុល គ្មានអីទេ។ លេង អុកគឺសប្បាយ និងល្អណាស់។”

ប្រសិនបើ មុននេះ ការលេងអុកត្រូវបានចាត់ទុកជាការលេងកំសាន្ត​សំរាប់ជន
ចាស ជរាក្តី ប៉ុន្តែ នាបច្ចុប្បន្ន ក៏មានអ្នកវ័យក្មេងជាច្រើននាក់ក៏ត្រូវ​ទាក់ទាញដោយ
បណ្ដាកូន អុកនេះដែរ ពីពោះថា នេះមិនមែនជាការ​លេងកំសាន្តប៉ុណ្ណោះទេ ថែម
ទាំងជាការ លំហាត់បញ្ញាទៀតផង។ បង​ Nguyen Ngoc Thang អាយុ២៨ឆ្នាំ បានអោយ
ដឹងថា÷​

“ ការលេងអុកដូច្នេះបានជួយខ្ញុំហ្វឹកហាត់ការអត់ធ្មត់ និងនឹងនចិត្ត។ មិន​គ្រាន់​ប៉ុណ្ណោះទេ ការលេងអូននេះ បានជួយអ្នកលេងចេះគិតគូរ និង​អត់ធ្មត់ទៀតផង។ របៀបលេងនិមួយៗ សុទ្ធតែបង្ហាញនូវអត្តចរិត​របស់អ្នកលេង។”

ការលេងអុកបានជួយ​មនុស្សខិតជិត​គ្នា គ្មានការប្រកាន់វ័យអាយុ​​ទេ។ នៅទីនេះ
បណ្ដា ជនចាស់ ជនវ័យក្មេងជួបប្រាស្រ័យ អធិប្បាយ ពិភាក្សាជាមួយគ្នាដ៏អូរអរ បង្កើតឡើងផ្ទាំងគំនូរ១នៃជីវភាពរស់នៅដ៏វិសេស​វិសាលនៅបឹង Guom។