VOVWORLD_នៅពេលរដូវក្ដៅមកដល់ម្ដងៗ មនុស្សគ្រប់រូបសុទ្ធតែចង់ទៅ
សមុទ្រដើម្បីមុជទឹក សំរាកលំហែកាយ។​នៅប្រទេសវៀតណាម​កោះPhu Quoc ជា
កន្លែងដ៏​ល្អមួយ​សំរាប់ភ្ញៀវទេសចរទៅលេងកនុងរដូវក្ដៅ។នៅ​កោះPhu Quoc 
មានពន្លឺ​ថ្ងៃ​ចាំង​ពេញ​មួយឆ្នាំជាមួយឆ្នេរខ្សាច់សម៉ត់ខៃ ​ទឹកសមុទ្រថ្លាឆ្វង់ហើយ
មាន​គ្រឿងសមុទ្រដ៏​ស្រស់​ឆ្ងាញ់​ពិសារផងដែរ។

        ​កោះPhu Quoc ចំណុះខេត្ត Kien Giang ភាគខាងត្បូងវៀតណាមជា​កោះធំ
បំផុត​ក្នុងប្រទេសដែលមានលក្ខណៈធម្មជាតិអំណោយផលគឺទេសភាពស្រស់ស្អាត
និងសំបូរធនធានធម្មជាតិ។ មកទស្សនា Phu Quoc ភ្ញៀវទេសចរមានការស្ងប់
អារម្មណ៍ដោយ​សារ​នៅទីនេះមានឆ្នេរខ្សាច់ធម្មជាតិនៅឆ្ងាយពីបរិយាកាស
អ៊ូអរ។អ្នកស្រី Bellaជាភ្ញៀវ​ទេសចរមួយរូបមកពីប្រទេសស្វីសបាននិយាយថា

       “ នាងខ្ញុំចូលចិត្ត​កោះPhu Quocដោយសារភាពជិតស្និទនិងការញញឹមបង្ហាញ​
នូវ​ភាពកក់ក្ដៅរបស់ប្រជាជននៅកន្លែងនេះសំរាប់ភ្ញៀវ។កោះនេះមានទេសភាព
ស្រស់ស្អាតអស្ចារ្យដែលមិនអាចពិពណ៌នាឲ្យអស់បានឡើយ”។

        សណ្ឋាគារភាគច្រើននៅកោះPhu Quoc​ ប្រមូលផ្ដុំនៅឆ្នេរBai Daiដែលជាឆ្នេរ
ខ្សាច់​ធំបំផុតនៃកោះនេះ។ទឹកសមុទ្រនៅBai Daiថ្លាយង់ហើយមានទេសភាព
​ធម្មជាតិ​ស្រស់​ត្រកាលដែលត្រូវបានទីភ្នាក់ងារសារព័ត៌មាន ABC News ជ្រើស
ជាឆ្នេរខ្សាច់លេខ១​ក្នុង​ចំណោមឆ្នេរខ្សាច់ល្អស្អាតបំផុតចំនួន៥លើពិភពលោក។
 ក្រៅពីBai Dai ភ្ញៀវទេសចរ​ក៏ចូលចិត្តទៅទស្សនាឆ្នេរខ្សាច់​ Bai Sao ស្ថិតនៅ
ខាងត្បូងកោះដែរ។ Bai Saoមាន ចំងាយ ២៥គីឡូម៉ែត្រពីទីរួមស្រុក Duong Dong
 ដែលជាទីរហោស្ថានសំរាប់អ្នកទេសចរ​មក​ស្រូប​យកខ្យល់អាសាសបរិសុទ្ធ។ អ្នក
ស្រី Lilian ជាភ្ញៀវទេសចរមកពីប្រទេសហូឡង់​បានសំណេះសំណាលថា

  “​ ពីក្រុងហូជីមិញ យើងខ្ញុំជិះយន្តហោះមកកាន់Phu Quocហើយចំណាប់
អារម្មណ៍​ដើមដំបូងរបស់ខ្ញុំគឺកោះមួយមានខ្សាច់ស។យើងខ្ញុំចាប់ផ្ដើមការសំរាក
លំហែកាយដោយការទៅហែលទឹកសមុទ្រនិងដេកហាលថ្ងៃ។ខ្ញុំពេញចិត្តនឹង
វិស្សមកាលរបស់ខ្លួនណាស់”។

ដោយមានទេសភាពធម្មជាតិដ៏ល្អស្អាត កោះPhu Quoc កំពុងអភិវឌ្ឍន៍ស្មើនឹងបណ្ដាឋានសួគ៌ទេសចណ៍ល្បីឈ្មោះលើពិភពលោក

        នាឆ្នាំនេះ ខេត្ត Kien Giang ត្រូវបានជ្រើសជាអង្គភាពរៀបចំឆ្នាំទេសចរណ៍
ជាតិ​២០១៦-Phu Quoc -វាលសណ្ដទន្លេ Cuu Longដោយប្រធានបទ” ស្វែងយល់
ទឹក​ដីភូ​មិ​ភាគខាងត្បូង”ដែលក្នុងនោះកោះPhu Quoc ជាកន្លែងរៀបចំព្រឹតិ្តការ
សំខាន់ៗស្ទើតែ​ទាំងអស់។ នាបច្ចុប្បន្ននេះ មានក្រុមហ៊ុនអាកាសចរណ៍ជាច្រើន
ត្រៀមខ្លួនបើកផ្លូវហោះហើរទៅកាន់ Phu Quoc ដើម្បីឆ្លើយតបទៅនឹងតម្រូវការ
របស់ភ្ញៀវដែល​កំពុងកើន​ឡើងពីមួយថ្ងៃទៅមួយថ្ងៃ។ លោកHuynh Quang Hung
 អនុប្រធានគណៈកម្មាធិការ​ប្រជាជនស្រុកPhu Quoc បានឲ្យដឹងថា

 “ នាសព្វថ្ងៃមានការហោះហើរក្នុងស្រុកមួយចំនួនដូចជា​Ha Noi – Phu
Quoc  ក្រុង​Ho Chi Minh – Phu Quoc  និង Can Tho – Phu Quoc ដែលមានទាំង
អស់២០​ឬ​២២ជើង​ក្នុង​មួយថ្ងៃ។ ឥឡូវគេកំពុងត្រៀមរៀបចំបើកផ្លូវហោះហើរ
 Phu Quoc - សឹង្ហបុរី  Phu Quoc - កម្ពុជា Phu Quoc - ចិន និងPhu Quoc -
 រុស្ស៊ី។ក្នុងឆ្នាំ២០១៦នេះមានក្រុមហ៊ុន​អាកាសចរណ៍​​អន្តរជាតិជាច្រើនបាន
ចុះបញ្ជីសុំបើកផ្លូវហោះហើរថ្មី”។

        ដោយមានទេសភាពធម្មជាតិដ៏ល្អស្អាត កោះPhu Quoc កំពុងអភិវឌ្ឍន៍​
ស្មើនឹង​បណ្ដាឋានសួគ៌ទេសចណ៍ល្បីឈ្មោះលើពិភពលោក៕