VOVWORLD_ស្ថិតនៅតំបន់ព្រៃភ្នំចំណុះខេត្តHa Giang ភូមិភាគខាងជើងវៀត
ណាម ភូមិ Tha របស់ជនរួមជាតិជនជាតិ Tay ទាក់ទាញភ្ញៀវទេសចរដោយមាន
ទេសភាពស្រស់ស្អាត ផ្ទះឈើ វាលស្រែស្រូវពោតរួមជាមួយវប្បធម៌ពោរពេញទៅ
ដោយអត្តសញ្ញាណជាតិ។ មកទស្សនាភូមិ Tha ភ្ញៀវទេសចរភាគច្រើនតែងតែ
ជ្រើសសេវា Homestay បានន័យថាស្នាក់នៅផ្ទះរបស់ប្រជាជនក្នុងសហគមន៍ទេស
ចរណ៏។
ខុសពីភូមិឃុំផ្សេងៗនៅខេត្ត Ha Giang ដែលស្ថិតនៅលើជម្រាលភ្នំខ្ពស់ៗនោះ
ភូមិ Tha មើលទៅប្រៀបដូចជាក្រម៉ាទន់ភ្លន់មួយដែលមានពណ៌ខៀវស្រងាត់នៃវាល
ស្រែស្រូវនិងចំការតាលព្រឹក។ បរិយាកាសនៅទីនេះសុខសាន្តត្រានណាស់ដោយ
គ្មានសំលេងអ៊ូអរនៃភ្លេងឬរថយន្តទេ។ ចូលមកភូមិ លឺតែស្នូរទឹកជ្រោះហូរខ្សឹបៗ
ទាំងយប់ទាំងថ្ងៃប្រៀបដូចជាសំលេងអញ្ជើញភ្ញៀវទេសចរមកទស្សនាភូមិ Tha អី
ចឹង។
នៅភូមិ Tha ពេញមួយឆ្នាំគ្របដណ្ដប់ទៅដោយអ័ព្ទយ៉ាងសស្គុះជាមួយនឹងពពក
នៅពីលើព្រៃឈើខៀវស្រងាត់។ ជួនកាលមានភ្ញៀវទេសចរខ្លះដើរគយគន់និងថតរូប
ទេសភាពតាមភ្លឺស្រែ។ ភូមិ Tha ស្រស់ស្អាតដោយសារនេះជាភូមិមួយដែលនៅតែ
រក្សាបាននូវតំលៃវប្បធម៌ជាប្រពៃណីរបស់ជនរួមជាតិជនជាតិ Tay នៅខេត្ត Ha
Giang។ ចំណុចលេចធ្លោគឺផ្ទះឈើនានានៅទីនេះនៅតែរក្សាបានដដែលនូវភាព
ដើមរបស់វា។ មានចំងាយផ្លូវត្រឹមតែ២គីឡូម៉ែត្រប៉ុណ្ណោះពីទីក្រុង Ha Giang តែភូមិ
Tha ហាក់ដូចជានៅពិភពផ្សេង ពិភពគ្មានផ្ទះច្រើនជាន់និងគ្មានយានជំនិះ។ លោក
Nguyen Van Nhuong ជាអ្នកភូមិមួយរូបបានឲ្យដឹងថា
“ ផ្ទះឈើជាអត្តសញ្ញាណវប្បធម៌នៃជនជាតិខ្ញុំដោយហេតុនេះយើងខ្ញុំនឹងថែរ
ក្សាជាបន្តទៅទៀត។ ប្រជាពលរដ្ឋនៅទីនេះមិនសូវចូលចិត្តស្នាក់នៅផ្ទះថ្មទេតែចង់
នៅផ្ទះឈើវិញ។ យើងខ្ញុំកាប់ឈើលើព្រៃនិងទិញឈើអារជាបណ្ដើរមកសង់ផ្ទះ។
ប្រាក់ចំណាយសំរាប់សង់ផ្ទះបែបនឹងអស់៣០០លានដុងឯណោះ។ នៅផ្ទះឈើ
រហើយស្រួលណាស់”។
 |
| សោភ័ណភាពសុខសាន្តត្រាននៃភូមិ Tha រួមជាមួយការរួសរាយរាក់ទាក់ចំពោះភ្ញៀវទេសចរនិងវប្បធម៌ដ៏វិសេសវិសាលរបស់ប្រជាជនជនជាតិ Tay បានធ្វើឲ្យភ្ញៀវទេសចរមានការចាប់អារម្មណ៍យ៉ាងជ្រាលជ្រៅក្នុងដំណើរការស្វែងយល់ទឹកដី ខេត្តHa Giang |
ទៅដើរមើលភូមិ Tha មួយជុំស្រូបយកខ្សល់បរិសុទ្ធ ភ្ញៀវទេសចរអាចសង្កេត
ឃើញនូវទេសភាពនិងវប្បធម៌របស់តំបន់នេះ។ ក្រុមគ្រួសារជនជាតិ Tay ក្នុងភូមិមាន
កាយវិការួសរាយរាក់ទាក់ចំពោះភ្ញៀវទេសចរដែលមកដល់ទីនេះដោយត្រៀមខ្លួន
អញ្ជើញភ្ញៀវកមកលេងនិងពិសារទឹកតែនៅផ្ទះខ្លួន។ ជនជាតិ Tay នៅភូមិ Tha នៅ
តែរក្សាបាននូវរបរតម្បាញចរបាប់ជាប្រពៃណីដោយផលិតចេញផលិតផលដូចជា
ថង់ កាបូប ក្រម៉ា និងខោអាវបានជាភ្ញៀវទេសចរមានឱកាសសិក្សាស្វែងយល់
សូម្បីតែបានណែនាំឲ្យធ្វើសាកទៀតផង។
នៅភូមិ Tha មានផ្ទះឈើធំស្អាតចំនួនជិត១០ខ្នងដោយមានប្រដាប់ប្រដាគ្រប់
គ្រាន់ ហើយមុងភួយកន្ទេលត្រូវបានបោកសំអាតជាប្រចាំ។ នៅក្នុងគ្រួសារជនជាតិ
Tay ភ្ញៀវទេសចរត្រូវបានភ្លក់ម្ហូបពិសេសគ្រប់មុខដូចជាសម្លម្ជូរត្រីទំពាំង មាន់ស្ងោរ
សាច់ជ្រូកខ្មៅដុតក្នុងបំពង់ឬស្សី បន្លែព្រៃ ជាមួយស្រាពោត។ បងប្អូនជនជាតិ Tay
ពូកែធ្វើមហូបណាស់។ រីឯម្ហូបនៅទីនេះសុទ្ធតែជារបស់ធម្មជាតិដោយមានរស់ជាតិ
ល្អនិងឆ្ងាញ់ពិសេស។ លោកស្រី Mai Thi Chung នៅភូមិ Tha បានឲ្យដឹងថា
“ភ្ញៀវទេសចរដែលមកដល់ទីនេះត្រូវបានទទួលត្រឹមត្រូវតាមទំនៀមទំលាប់
របស់ជនជាតិ Tay។ ក្រុមគ្រួសារជនជាតិ Tay នឹង កាប់ជ្រូក មាន់ធ្វើម្ហូបជាប្រពៃណី
ដូចជាសាច់ជ្រូកដុត មាន់ចៀនឬ ណែម។ សាច់មាន់ជ្រូកដុតគឺជាម្ហូបសំខាន់មួយ
មុខរបស់ជនជាតិ Tay ដែលតែងតែបានធ្វើនៅក្នុងឱកាសបុណ្យទាន ចូលឆ្នាំ និង
ឡើងផ្ទះ។ ធ្វើម្ហូបនេះគេចំណាយពេលជាច្រើនជាមួយការប្រឡាក់គ្រឿផ្សំដូចជាផ្លែ
ថាវក្វា គ្រាប់យ៊ុយ ម្រេច រមៀតនិងកាពិ”។
រាត្រីមកដល់ ភ្ញៀវទេសចរត្រូវបានស្ដាប់កំសាន្តការច្រៀងរាំដេញចាប៉ីរបស់
កំឡោះក្រមុំជនជាតិ Tay ។ នេះជាឱកាសពិសេសសំរាប់ភ្ញៀវទេសចរស្វែងយល់
បទចំរៀងប្រជាប្រិយដែលត្រូវបានប្រជាជនជនជាតិ Tay ថែររក្សាពីជំនាន់មួយទៅ
ជំនាន់មួយ។ ក្នុងនោះមានកម្រងបទចំរៀងថែន បទចំរៀងសូមរដូវអំណោយផល
សុំស្នេហ៍ រួមជាមួយរបាំជាច្រើនទៀត។
សោភ័ណភាពសុខសាន្តត្រាននៃភូមិ Tha រួមជាមួយការរួសរាយរាក់ទាក់ចំពោះ
ភ្ញៀវទេសចរនិងវប្បធម៌ដ៏វិសេសវិសាលរបស់ប្រជាជនជនជាតិ Tay បានធ្វើឲ្យភ្ញៀវ
ទេសចរមានការចាប់អារម្មណ៍យ៉ាងជ្រាលជ្រៅក្នុងដំណើរការស្វែងយល់ទឹកដី ខេត្ត
Ha Giang៕