VOVWORLD_វិហារ Kiep Bac ស្ថិតនៅក្នុងតំបន់កេរិ៍្តដំណែលប្រវតិ្តសាស្រ្ត
Con Son – Kiep Bac​ប៉ែក​ឥសាន្ត​ខេត្ត Hai Duong ភូមិភាគខាងជើងវៀតណាម។ 
វិហារនេះជាទី​កន្លែងគោរពបូជាវីរៈបុរសជាតិ Hung Dao Vuong Tran Quoc Tuan
( ១២២៨-១៣០០)។​ស្ថិត​នៅក្នុងជ្រលងភ្នំដែលមានទេសភាពធម្មជាតិស្រស់ត្រកាល
រួមជាមួយប្រព័ន្ធ​សំណង់​ស្ថាបត្យកម្មប្រវតិ្តសាស្រ្តដ៏ល្អប្រណិតនោះវិហារ Kiep Bac
បានទាក់ទាញភ្ញៀវ​ទេសចរ​មក​ទស្សនានិងស្វែងយល់អំពីវប្បធម៌វៀតណាមក៏ដូច
ជាយុទ្ធជ័យយ៉ាង​ល្បី​រន្ទឺរបស់ Tran Hung Daoដែលវាយឈ្នះលើសត្រូវបរទេសឈ្លាន
ពានទាំង៣លើក។

ឈ្មោះ Kiep Bacបានផ្សំពីឈ្មោះនៃភូមិ២គឺភូមិ KiepនិងភូមិBac។ តំបន់នេះ
ទិស​ទាំង៣​ព័ទ្ធ​ដោយភ្នំនាគ ​រីឯខាងមុខជាទន្លេ Luc Dau Giangដែលជាទី
ប្រសព្វនៃទន្លេ៦គឺ  ទន្លេ​Cau  ទន្លេThuong   ទន្លេLuc Nam  ទន្លេDuong  ទន្លេ
Kinh Thay ​និងទន្លេ Thai Binh។ ​ទីតាំង​នៃវិហារ Kiep Bacកាលពីមុន ក៏ជាខ្សែ
ចរាចរផ្លូវគោគនិងផ្លូវទឹកដ៏សំខាន់​នៅប៉ែក​ខាង​កើត​រាជធានីថាំងឡុងគឺ
រដ្ឋធានីហាណូយនាបច្ចុប្បន្ន។ដូច្នេះហើយ ​ក្រោយពី​ការតស៊ូ​ប្រឆាំងខ្មាំងសត្រូវ
ម៉ុងហ្គោលីលើកទីមួយនាឆ្នាំ១២៥៨ Tran Hung Daoបាន​ជ្រើសយក​តំបន់​នេះ​
ធ្វើ​ជាបញ្ជាការដ្ឋានរបស់ខ្សែការពារយោធាប៉ែក​ឥសាន្តសណ្ដូក​ពីព្រំ​ដែនLang
 Son ទៅសមុទ្រខាងកើតសំដៅបង្កើតឡើងយុទ្ធវិធីទប់ស្កាត់សត្រូវ​ម៉ុងហ្គោលី
លើក​ទីពីរ(ឆ្នាំ១២៨៥)និងលើកទីបី(ឆ្នាំ១២៨៨)។ បន្ទាប់ពីTran Hung Dao​ទទួល
​មរណភាព​មកដើម្បីកត់សំគាល់សគុណដ៏ធំធេងរបស់លោកចំពោះប្រទេស​ជាតិ
ប្រជាជនតំបន់បានកសាងវិហារនៅនឹងទីតាំងបញ្ជាការដ្ឋានដោយដាក់ឈ្មោះ
ថាវិហារ Kiep Bacនិង​ប្រសិទ្ធិនាម​ជូនលោកជាព្រះDuc Thanh Tran។ តាម
អ្នកស្រី Nguyen Thi Thuy Lien ​អនុប្រធានណៈកម្មការគ្រប់គ្រងតំបន់
កេរិ៍្ត​ដំណែល​ Con Son – Kiep Bac​​ បានឲ្យដឹងថា

“ នាសព្វថ្ងៃ នៅក្នុងទូទាំងប្រទេសយើងមានវិហារគោរពបូជាTran Hung
Dao​រាប់ពាន់កន្លែងតែទីនេះជាតំបន់ផ្សាភ្ជាប់យ៉ាងជ្រាលជ្រៅជាមួយជីវិតនិង
បុព្វហេតុរបស់លោក។ ក្នុងអារម្មណ៏របស់ប្រជាជនវិហារ Kiep Bacជាវិហារគោរព
បូជាTran Hung Dao​យ៉ាងស័ក្តិសិទ្ធិបំផុត ”។

វិហារ Kiep Bacបែរមុខទៅទន្លេ Luc Dauដោយមានគោបុរៈដ៏ធំរួមជាមួយ
ទ្វារចេញ​ចូល​ចំនួន៣។ នៅខាងឆ្វេងវិហារមានអណ្ដូងទឹកត្បូងភ្នែកនាគ មាន
តាំងពីសម័យ​កាល Hung Dao Vuong Tran Quoc Tuanលើកទ័ពវាយសត្រូវដែល
គ្មានពេលណារីងទឹក​ឡើយ​។​វិហារ Kiep Bacមានសាលធំចំនួន៣ ក្នុងនោះសាល
នៅកណ្ដាលមានដាក់តាំងបដិមា​Tran Hung Dao សាលខាងមុខដាក់បដិមា
មេទ័ពPham Ngu Lao។ រីឯនៅសាលក្រោយ​មានបដិមាបុត្រីThien Thanh ជា
លោកជំទាវរបស់ Tran Hung Dao រួមជាមួយកូន​ស្រី​២​នាក់និងកូនប្រុស
៤នាក់ទៀត។

វិហារ Kiep Bac ស្ថិតនៅក្នុងតំបន់កេរិ៍្តដំណែលប្រវតិ្តសាស្រ្តCon Son – Kiep Bacប៉ែកឥសាន្តខេត្ត Hai Duong ភូមិភាគខាងជើងវៀតណាម

ជារៀងរាល់ឆ្នាំពីថ្ងៃទី១៥ដល់ថ្ងៃទី២០ខែអាសាឍ គេបើកពិធីបុណ្យវិហារ
Kiep Bacដើម្បីរំលឹកខួបវីរៈបុរសជាតិ Hung Dao Vuong Tran Quoc Tuan។ នេះ
ជាពិធីបុណ្យ​មួយ​ធំ​បំផុត​នៅប្រទេសវៀតណាមដែលទាក់ទាញមនុស្សច្រើន
កុះករពីគ្រប់ទិសទីក្នុង​ទូទាំងប្រទេសមកចូលរួម។ អ្នកស្រីHoang Thi Phuong
 ជាភ្ញៀវទេសចរមួយរូបពី​ក្រុង​ហាណូយបានថ្លែងថា

“ ខ្ញុំមកចូលរួមពិធីបុណ្យវិហារ Kiep Bacគឺដើម្បីគោរពវិញ្ញាណក្ខន្ធព្រះ
Duc Thanh Tranជាអ្នកដែលប្រជាជនគោរពស្រលាញ់យ៉ាងខ្លាំង។ ក្រុមរបស់
យើងខ្ញុំតែងតែចំណាយពេល២ថ្ងៃដើម្បីចូលរួមគ្រប់សកម្មភាពសំខាន់នៃ
ពិធីបុណ្យ។ ក្រៅពីនោះក៏ទៅទស្សនាទេសភាពធម្មជាតិដ៏ស្រស់ស្អាតនិង
ស្រូបយកខ្យល់អាកាសបរិសុទ្ធនៅតំបន់នេះផងដែរ”។

ក្នុងពិធីបុណ្យនេះមានការអុជធូបរំលឹកវិញ្ញាណក្ខន្ធព្រះDuc Thanh
Tran ​ពិធី​លើក​ទ័ព ពិធីបន់ស្រន់សូមទេវតាផ្ដល់រដូវអំណោយផល រួមទាំង
ល្បែងប្រជាប្រិយដ៏សម្បូរបែបទៀតផង៕