VOVWORLD_Hai Duongជាខេត្តមួយនៅភូមិភាគខាងជើងវៀតណាម​
ពោរ​ពេញទៅដោយប្រពៃណីវប្បធម៌ ប្រវតិ្តសាស្ត្រដោយមានកេរិ៍្តដំណែលនិងពិធី
បុណ្យប្រជាប្រិយជាច្រើននៃតំបន់វាលសណ្ដទន្លេក្រហម។ ក្នុងនោះមានវិហារ
Tranhនៅ​ស្រុក​Ninh Giangដែលតភ្ជាប់ជាមួយរឿងរ៉ាវអំពី Quan Lon Tuan
Tranh ជាអ្នកតាម្ចាស់ទន្លេ Tranh។ មកទស្សនាវិហារ Tranh អ្នកទេសចរនឹង
បានគយគន់សំណង់ស្ថាបត្យកម្មមួយ​ដ៏ល្អប្រណិតហើយស្វែងយល់ពីទំនៀម
ទំលាប់គោរពបូជាអ្នកតាម្ចាស់ទឹករបស់ប្រជាពលរដ្ឋនៅតំបន់នេះទៀតផង។

          វិហារ Tranhមានឈ្មោះមួយទៀតគឺវិហារ Quan Lon Tuan Tranh នៅភូមិ
Tranh Xuyen ​ឃុំDong Tam ស្រុកNinh Giang។ វិហារនេះតភ្ជាប់ជាមួយរឿង
ព្រេងស្ដីពី Quan Lon Tuan Tranh ដែលជាមេស្រុកNinh Giang។ រឿងដំណាល
ថា មុននេះនៅកំពង់ចម្លងទន្លេ Tranhមានសត្វពស់យក្ស២ក្បាលដែលតែង
តែធ្វើបាបប្រជាជន។ ថ្ងៃមួយ ពួកសត្វពស់នេះចាប់ភរិយារបស់មេស្រុកយក
ទៅបាត់។ បន្ទាប់មក​​​​ មេស្រុករូបនេះក៏ប្ដឹងទៅ​ស្ដេច​នាគ  ជាអ្នកតាម្ចាស់
សមុទ្រ ទន្លេ បឹងបួរ។ សត្វពស់ត្រូវកាត់ទោសចាញ់ក្ដីដោយត្រូវតែរុះរើពពួកវា
ទៅកន្លែងផ្សេង។ ចាប់តាំងពីនោះមក កំពង់ចម្លងទន្លេ Tranhនេះបាន​
សុខ​សាន្ត​ត្រាន ហើយប្រជាពលរដ្ឋដឹងគុណមេស្រុកបានរួមគ្នាកសាងឡើង
វិហារគោរព​បូជាដោយប្រសិទ្ធនាមលោកជាអ្នកតាម្ចាស់ទន្លេ ជួយថែរក្សា
ប្រជាជននិងទូកដរធ្វើដំណើរប្រកដដោយសុវតិ្តភាព។ 

        វិហារ Tranhត្រូវបានសាងសង់នាសតវត្សទី១៩នៅក្បែកំពង់ចម្លងទន្លេ
Tranh​ដោយមានបដិមាលោក Quan Lon Tuan Tranhនិងរូបចំលាក់ដ៏ប្រណិត
លើជញ្ជាំង​និង​សសរវិហារ។​ដោយសារដីច្រាំងទន្លេបាក់នាពេលទឹកឡើងជា
រៀងរាល់ឆ្នាំបាន​ជា​នាសតវត្សទី២០ ប្រជាជនបានរុះរើវិហារនេះទៅកាន់
កន្លែងថ្មីនៅភូមិ Tranh Xuyen​ឃុំ​Dong Tam ស្រុក​ Ninh Giang វិញ។​ តាម
លោកNguyen Tat Trong ​​​ អនុប្រធាន​គណៈ​កម្មការ​​គ្រប់គ្រងកេរិ៍្តដំណែល
វិហារ Quan Lon Tuan Tranh បានឲ្យដឹងថា នាឆ្នាំ ១៩៩៦ ​២០០៥​ ២០០៦ 
និង២០០៨ វិហារ Tranhត្រូវបានជូសជុលឡើងវិញដូចភាពដើម។ ​លោក​បាន​
ថ្លែងថា

  “ វិហារនេះត្រូវបានកសាងឡើងអំពីឈើដោយមានរូបចំលាក់យ៉ាង
ប្រណិត​តាម​ក្បាច់រចនារាជ្ជកាល Nguyen( ១៨០២-១៩៤៥)។ នៅខាងឆ្វេង
នៃវិហារជាផ្ទះភ្ញៀវ​ និង​បឹង​ទឹក។​ ទោះបីវិហារបានរុះរើ៣លើកហើយក្ដីតែ
ប្រជាជននៅតែរក្សាបាននូវត្ថុដ៏ថ្លៃថ្លា​ដូចជា​បដិមា Quan Lon Tuan Tranh 
និងបដិមាបុរាណមួយចំនួនទៀត”។

វិហារ Tranhត្រូវបានទទួលស្គាល់ជាកេរិ៍្តដំណែលប្រវតិ្តសាស្រ្តវប្បធម៌ជាតិនាឆ្នាំ២០០៩

        ជារៀងរាល់ឆ្នាំ វិហារTranhមានពិធីបុណ្យ២ដែលបានបើកនាខែបុស្ស
និងខែអាសាឍដែលទាក់ទាញភ្ញៀវនៅក្នុងនិងក្រៅប្រទេសជាច្រើនកុះករ
មកទស្សនា។ក្នុងឱកាសនេះមានរៀបចំការសំដែងសិល្បៈច្រៀងរាំដូចជាការ
ច្រៀងបទចំរៀងថ្វាយអ្នកតាចំនួន៣៦បទ។ ជាពិសេស ពិធីបុណ្យនៅវិហារ
Quan Lon Tuan Tranh នេះក៏មាន ទំនាក់ ទំនងខាងវប្បធម៌ជាមួយ
សកម្មភាពជំនឿសាសនានៅវិហារ Ky Cung ក្រុងLang Son ខេត្ត ​Lang
Son (ភាគខាងជើងវៀតណាម)ជាកន្លែង Quan Lon Tuan Tranh ទទួល​
មរណភាពផងដែរ។ ពេលប្រារព្ធពិថីបុណ្យម្ដងៗគឺប្រជាពលរដ្ឋនិងក្រុម
សិល្បៈចំរៀងថ្វាយអ្នកតារបស់តំបន់ទាំង២សុទ្ធតែមកចូលរួម។ លោក
Nguyen Thanh Van Ninh ប្រធានការិយាល័យវប្បធម៌ព័ត៌មានស្រុក​Ninh
Giang ខេត្តHai Duong បានឲ្យដឹងថា

    “ តំបន់ទាំង២មានទំនាក់ទំនងយ៉ាងជិតស្និទដោយជួយបើកទូលាយ
លំហរ​វប្បធម៌។ តាមរយៈសកម្មភាពពិធីបុណ្យនេះ ប្រជាជនអាចយល់ដឹង
បន្ថែមនូវវប្បធម៌វិសេសវិសាលរបស់ជនរួមជាតិគ្រប់ជនជាតិនៅខេត្ត
Lang Son។ រីឯភ្ញៀវពីLang Son ​មក​នេះក៏ស្វែងយល់ពីវប្បធម៌នៅទឹកដី
នេះដែរ។ ក្នុងសកម្មភាពពិធីបុណ្យ យើងខ្ញុំតែងតែរៀបចំល្បែងប្រជាប្រិយ
ដូចជា បោកចំបាប់ ប្រជល់មាន់ ទាញព្រ័ទ្ធជាដើម”។

        វិហារ Tranhត្រូវបានទទួលស្គាល់ជាកេរិ៍្តដំណែលប្រវតិ្តសាស្រ្តវប្បធម៌ជាតិ
នាឆ្នាំ​២០០៩។ រយៈពេលកន្លងទៅនេះ ស្រុក Ninh Giang យកចិត្តទុកដាក់
ខ្លាំងលើការងារ​អភិរក្ស​ និងពង្រីកតំលៃវប្បធម៌របស់វិហារនិងពិធីបុណ្យ
នានា។ តាមរយៈនោះផ្សព្វ​ផ្សាយ​នូវភាពល្អប្រសើរក្នុងទំនៀមទំលាប់ជា
ប្រពៃណីរបស់ទឹកដីស្រុក Ninh Giang ​និងខេត្ត Hai Duong៕