VOVWORLD_ប្រជាជនវៀតណាមពេលមកទស្សនាខេត្ត Quang Tri សុទ្ធ
តែមានការចាប់អារម្មណ៍ពិសេសនោះគឺការគោរពនិងដឹងគុណបណ្តាវីរ
យុទ្ធជនពលី។ មកទស្សនាខេត្ត Quang Tri អ្នកផងតែងតែចូលស្វែងយល់
ប្រវតិ្តសាស្រ្តនៅកំពែងបុរាណ Quang Tri ឈាបនដ្ឋានយុទ្ធជនពលីផ្លូវជាតិ
លេខ៩និងឈាបនដ្ឋានយុទ្ធជនពលី Truong Son។
នៅតំបន់ព្រៃភ្នំភាគខាងជើងចំណុះខេត្ត Lang Son ជារៀងរាល់៣ឆ្នាំម្តងនា
ខែកក្កដាអតីតយុទ្ធជនមួយរូបឈ្មោះ Pham Xuan Thanh តែងតែជិះរថយន្ត
ទៅកាន់ខេត្ត Quang Tri ដើម្បី”សាកសួរសុខទុក្ខយុទ្ធមិត្ត”។ លោក Thanh
ជាជនមួយរូបក្នុងក្រុមកងទ័ពចុងក្រោយដែលចាកចេញពីកំពែងបុរាណ
Quang Tri ក្នុងយុទ្ធនាការរយៈ៨១ថ្ងៃយប់ការពារកំពែងកាលពីឆ្នាំ១៩៧២។
លោកបានសំណោះសំណាលថា Quang Tri ជាសមរភូមិជាកន្លែងដែល
លោកបានបូជាយុវវ័យរបស់ខ្លួនជូនមាតុភូមិហើយនៅទីនោះមានយុទ្ធមិត្ត
ជាច្រើនរបស់លោកបានពលីជិវិត។ពេលមកដល់កំពែងបុរាណ Quang Tri
ម្តងៗលោកយកតាមខ្លួននូវដីមួយក្តាប់និងទឹកដាក់ក្នុងបំពង់ឬស្សីមួយពី
ស្រុកកំណើត។ លោករោយដីលើផ្នូរយុទ្ធជនពលីនិងចាក់ទឹកចុះទន្លេ
Thach Hanដោយជឿថាធ្វើអីចឹងគឺនាំយកមនោសញ្ចេតនានៃស្រុកកំណើត
មកជូនបណ្តាវីរះយុទ្ធជនពលី។ លោក Thanh បានចែករំលែកថា
“ថ្ងៃនេះខ្ញុំវិលត្រឡបមកទស្សនាអតីតសមរភូមិដើម្បីបណ្តែតផ្កាជូន
យុទ្ធមិត្ត។ យើងខ្ញុំរំជួលចិត្តខ្លាំងណាស់ហើយជានិច្ចកាលនឹកគិតដល់
យុទ្ធមិត្តទាំងឡាយដែលបានពលីជីវិតនៅទីនេះ”។
ខេត្ត Quang Tri មានឈាបនដ្ឋានយុទ្ធជនពលីចំនួន៧២កន្លែងដោយ
មានផ្នូររបស់យុទ្ធជនពលីជិត៦សែន៥ហ្មឺននាក់។ ឃុំណានៅQuang Tri ក៏
មានឈាបនដ្ឋានយុទ្ធជនពលីដែរ។ ឃុំខ្លះមានឈាបនដ្ឋានដល់ទៅ៤
កន្លែង។ ទីតាំងកំពែងបុរាណ Quang Tri និងទន្លេThach Hanត្រូវបានចាត់ទុក
ជាឈាបនដ្ឋានគ្មានផ្នូរដោយសារកងទ័ពរាប់ពាន់នាក់បានពលីជីវិតពេល
ទើបមានអាយុតែ២០ឆ្នាំប៉ណ្ណោះ។
នាប៉ុន្មានថ្ងៃនេះឈាបនដ្ឋានទាំងអស់នៅ Quang Tri សុទ្ធតែពោរពេញ
ទៅដោយផ្សែងធូបនិងផ្កាដាក់លើផ្នូរនានា។ នៅទីនោះមានឱពុកម្តាយ
ប្រពន្ធយុទ្ធជនពលីនាំកូនចៅមកអុជធូប។ ជាលើកដំបូងមកទស្សនាកំពែង
បុរាណ Quang Tri និងឈាបនដ្ឋានយុទ្ធជនពលី Truong Son លោកស្រី
Nguyen Thi Hanh នៅក្រុង Hai Phong ភាគខាងជើងវៀតណាមបានសំ
ណោះសំណាលថា
“នាងខ្ញុំរំជួលចិត្តខ្លាំងណាស់ដោយសារការចាប់អារម្មណ៍ដល់បណ្តា
យុទ្ធជនពលីដែលកំពុងសំរាកនៅក្រោមផ្នូរនេះ។ ជាលើកដំបូងនាងខ្ញុំមក
អុជធូបហើយក៏សូមសំដែងនូវការដឹងគុណដ៏ជ្រាលជ្រៅជាទីបំផុតដល់វីរៈ
យុទ្ធជនពលីទាំងអស់ដែលបានបូជាអាយុជីវិតជូនមាតុប្រទេស”។
ចំពោះប្រជាពលរដ្ឋនៅខេត្ត Quang Tri គឺក្នុងខែកក្កដាមានទិវាបុណ្យធំ
ពីរ។ ទីមួយគឺថ្ងៃ១៥កើតខែ៧គិតតាមច័ន្ទកតិជាបុណ្យសែនព្រលឹងអ្នក
ដែលបានស្លាប់។ ទី២គឺថ្ងៃទី២៧កក្កដាជាទិវាយុទ្ធជនពិកាយុទ្ធជនពលី។
នាថ្ងៃនេះកំពែងបុរាណ Quang Tri ទន្លេ Thach Han និងឈាបនដ្ឋានយុទ្ធជន
ពលីចំនួន៧២កន្លែងក្នុងខេត្តត្រូវបានតុបតែងដោយផ្កាទៀននិងប្រទីបជ្វាលា
។ ខែកក្កដានៅខេត្ត Quang Tri ក៏ផ្សាភ្ជាប់ជាមួយព្រឹតិ្តការធំដទៃៗទៀតដូច
ជាការរំលឹកទិវាជ័យជំនៈផ្លូវជាតិលេខ៩-Khe Sanh នាខែកក្កដាឆ្នាំ១៩៦៨ឬ
ការប្រយុទ្ធការពារកំពែងបុរាណQuang Tri នាខែកក្កដាឆ្នាំ១៩៧២។
ក្នុងឱកាស់នេះចលនាផឹកទឹកនឹកដល់ប្រភពត្រូវបានអនុវត្តយ៉ាងផុល
ផុស។សំណង់ជាច្រើនបានកសាងជួសជុលនិងដាក់ឲ្យដំណើរការដូចជា
វិមានជ័យជំនៈសិលាចារឹកកេរ៌្តតំណែលនិងផ្ទះកុសលទានរាប់ពាន់ខ្នង។
ថ្មីៗនេះខេត្តទើបនឹងសម្ពោធវិមានជ័យជំនៈ Cua Viet មានតំលៃ៣០ពាន់
លានដុងជាប្រាក់បច្ច័យពីបណ្តាអង្គការក្រុមហ៊ុននិងសម្បុរសជន។ តាម
រយៈកម្មវិធីវីរៈអ្នកម្តាយមាតុភូមិបណ្តាធនាគារបានឧបត្ថម្ភទឹកប្រាក់ចំនួន
១០០ពាន់លានដុងជូនខេត្ត Quang Tri អនុវត្តការងារតបស្នងសងគុណ។
លោក Nguyen Duc Huong អនុប្រធានក្រុមប្រឹក្សាអភិបាលធណាគារ Lien
Viet Post Bankបានឲ្យដឹងថា
‘’យើងខ្ញុំគិតថាវីរយុទ្ធជនជាច្រើននាក់បានបូជាសាច់ស្រស់ឈាម
ស្រស់ដើម្បីនាំមកសន្តិភាពនាបច្ចុប្បន្ននេះ។ ទោះបីយើងខ្ញុំធ្វើបានទ្រព្យ
សម្បតិ្តយ៉ាងណាក៏ដោយក៏ពិបាកតបស្នងសងបាននូវគុណូបការៈដ៏ធំធេង
នៃបណ្តាវីរយុទ្ធជនពលីនិងក្រុមគ្រួសារទាំងឡាយនៅទីនេះ។ យើងខ្ញុំចង់
ផ្ញើរសារមួយដល់ជំនាន់វ័យក្មេងនោះគឺត្រូវតែខិតខំប្រឹងប្រែងឈានទៅមុខ
ឲ្យសក្តិសមនឹងពលិកម្មរបស់ជំនាន់ដូនតា’’។
សង្គ្រាមកន្លងផុតទៅបាន៤០ឆ្នាំមកហើយ។ ព្រលឹងនៃបណ្តាវីរ
យុទ្ធជនបានទៅកាន់សុខគតិភព។ហើយមនោសញ្ចេតនាជ្រលជ្រៅរបស់
ប្រជាជនទូទាំងប្រទេសចំពោះវីរយុទ្ធជននិងតំបន់ដីពិសិដ្ធ Quang Tri នេះ
ប្រៀបដូចជាប្រភពទឹកហូរតរៀងទៅក្នុងដួងចិត្តជនវៀតណាមគ្រប់រូប៕