VOVWORLD_ភូមិSinhស្ថិតនៅតំបន់ដីចុងទន្លេ Huong ជាកន្លែងបង្កើតប្រភេទ
គំនូរប្រជាប្រិយនៅភូមិភាគកណ្ដាលវៀតណាម។ តាមសៀវភៅភូមិរបរនៅ
Thua Thien Hue ឲ្យដឹងថា គំនូរប្រជាប្រិយនៃភូមិSinhត្រូវបានគេគូរមុននេះ
៤០០ឆ្នាំមកហើយ។ ចំណុចពិសេសនៃគំនូរទាំងនេះគឺវាបានគូរដោយបាត
ដៃប៉ិនប្រសបរបស់ប្រជាកសិករនាពេលទំនេពីការងារធ្វើស្រែ។
ដូចជាភូមិករជាច្រើននៅទឹកដី Hue ភូមិ Sinh មានបរិយាកាសស្ងប់ស្ងាត់
ដោយស្ថិតនៅកន្លែងទន្លេពីរប្រសព្វគ្នាគឺទន្លេ Bo និងទន្លេHuong។ ភូមិ Sinh
នាបច្ចុប្បន្ននៅមានឈ្មោះLai An ឃុំ Phu Mau ស្រុក Phu Vang ដែលមាន
ចំងាយ៩គីឡូម៉ែត្រពីទិសខាងកើតក្រុង Hue។ គំនូរប្រជាប្រិយភូមិ Sinh មាន
ចំណុចខ្លះស្រដៀងនឹងគំនូរ Dong Ho នៅខេត្ត Bac Ninh និង គំនូរ Hang Trong
នៅក្រុងហាណូយ។ តាមអ្នកភូមិរៀបរាប់ថាមុននេះប្រមាណ៤០០ឆ្នាំក្រុមជន
ចំណាកស្រុកមកពីភាគខាងជើងបានមកកាន់សដំបន់នេះដើម្បីឈូសឆាយ
ដីចោលទំនេរបង្កើតភូមិករក្នុងនោះមានលោក Ky Huu Hoa បាននាំយក
វិធីសាស្រ្តធ្វើគំនូរក្រដាសពីឈើពុម្ភមកដើម្បីធ្វើរបររកស៊ីចិញ្ចឹមជីវិត។ គំនូរភូមិ
Sinh បានកកើតឡើងចាប់ពីនោះមក។ គំនូរប្រជាប្រិយភូមិ Sinh ភាគច្រើនគឺ
ដើម្បីបំរើការសែនព្រែននិងជំនឿសាសនា។គំនូរពុម្ភនេះមានរូបភាពយ៉ាង
សាមញ្ញដែលដើមឡើយមានរូបគ្រឿងសំណែនសូមឲ្យក្រុមគ្រួសារញាតិមិត្ត
ប្រកបដោយសុខភាពល្អបរិបូរណ៍ សិរីមង្គល វិបុលសុខ។ សិប្បករ Huu Phuoc
ជាអ្នកធ្វើគំនូរល្បីឈ្មោះមួយរូបក្នុងភូមិបានឲ្យដឹងថា
“ប្រជាជននៅគ្រប់តំបន់សុទ្ធតែមានទំនៀមទំលាប់និងជំនឿសាសនា
របស់ខ្លួន។ នៅ Sai Gon អ្នកផងក៏បិទគំនូរក្រដាសនៅទីសក្ការបូជាដែរតែ
គំនូរនៅឯនោះតូចជាងគំនូរធ្វើនៅភូមិSinh។ ថ្ងៃនេះគេមកទស្សនាភូមិហើយ
ដោយសារសង្កេតឃើញថាគំនូរនៅកន្លែងយើងខ្ញុំស្អាតណាស់បានជាគេកក់
ទិញដើម្បីយកទៅលក់នៅទីក្រុងហូជីមិញវិញ។ គំនូរធ្វើនៅភូមិ Sinh ភាគ
ច្រើនសំរាប់សែននៅបុណ្យចូលឆ្នាំហើយខ្លះទៀតក៏បានប្រើប្រាស់ជាប្រចាំ
ថ្ងៃដែរ។ ជារៀងរាល់ឆ្នាំរយៈពេលធ្វើគំនូរមមាញឹកបំផុតគឺចាប់ពីខែ១០
តាមច័ន្ទកតិដល់ខែ២ឆ្នាំក្រោយ”។
ក្រៅពីបានពុម្ភដោយឈើពុម្ភ គំនូរនៅត្រូវបានសិប្បករគូរផាត់ពណ៌
ទៀតផង។ ដូច្នេះគ្មានគំនូរណាដូចគំនូរណាឡើយ។ ចំណុចវិសែសវិសាល
នៃគំនូរនៅភូមិ Sinh គឺជាពណ៌សំបុរ គំនូរនិមួយៗមានលក្ខណខុសពីគ្នា
ដោយផ្សាភ្ជាប់ជាមួយអារម្មណ៍របស់សិប្បករក្នុងរយៈពេលគូរគំនូរ។ ថ្នាំ
ពណ៌នៃគំនូរភាគច្រើនគឺបានធ្វើអំពីវត្ថុធាតិដើមធម្មជាតិ។ ឧទាហរណ៍
ពណ៌លឿងធ្វើពីស្លឹកដើម Dung បុកនឹងស្លឹក Hoe ខ្ចី ពណ៌ខៀវផ្ទៃមេឃធ្វើពី
គ្រាប់ទ្រលន់ រីឯគ្រាប់ Hoe បង្កើតជាពណ៌ក្រហម ខ្ទិះស្លឹកឆ័ត្រផ្តល់ពណ៌
ក្រហមងងិត ផេះចំបើងអង្ករដំណើបលាយជាមួយទឹកហើយបង្កកជាពណ៌
ខ្មៅរលោង។ ពណ៌សំខាន់សំរាប់ពុម្ភគំនូររួមមានពណ៌ខៀវ ក្រហម ខ្មៅ
លឿង និងពណ៌ស្វាយ។សិប្បករ Huu Phuoc បានឲ្យដឹងថា
“នាសព្វថ្ងៃនេះគំនូរប្រជាប្រិយភូមិ Sinh នៅតែធ្វើដោយសិប្បកម្ម។
ក្រោយពីពុម្ភជារូបភាពមកគំនូរត្រូវបានគេផាត់ពណ៌ដែលពណ៌និមួយផាត់
ម្ដង។ គំនូរធ្វើនៅភូមិSinhភាគច្រើនមាន៥ពណ៌ជានិមិត្តរូបនៃសារជាតិដែក
ឈើ ទឹក ភ្លើង ដី“។
ក្រដាសពុម្ភគំនូររបស់ភូមិ Sinh ត្រូវបានធ្វើអំពីវត្ថុធាតុដើមពិសេសមួយ
នោះគឺសំបកងៀវនៅបឹងទឹកប្រៃ Tam Giang។ គេយកសំបកងៀវមកកិនជា
ម៉្សៅរួចលាយជាមួយជ័រកាវហើយប៉ាត២លើកលើក្រដាសមួយប្រភេទធ្វើពី
ម៉្សៅឈើ។ដើម្បីពង្រីកការលក់គំនូរឲ្យអតិថិជនជាភ្ញៀវទេសចរលោក Phuoc
បានធ្វើឈើពុម្ភគំនូរថ្មីដែលមានរូបភាពថ្មីរួមមានរូបភាពលេងល្បែងប្រជា
ប្រិយទេសភាពឬប្រតិទិន។ គំនូរថ្មីទាំងនេះត្រូវបានភ្ញៀវទេសចរនិយម
ចូលចិត្តយ៉ាងខ្លាំង។
មកទស្សនាភូមិSinhអ្នកទេសចរក៏ត្រូវបានសិប្បករអញ្ចើញធ្វើសាក
ល្បងនូវរបរនេះដែរចាប់ពីការពុម្ភគំនូររហូតដល់ការផាត់ពណ៌ទៀតផង។
អ្នកស្រី Le Mai Huong ជាភ្ញៀវមកពីខេត្ត Quang Binh ភាគកណ្ដាលវៀត
ណាមបានឲ្យដឹងថា
"នាងខ្ញុំមកស្វែងយល់អំពីរបរជាប្រពៃណីនៅ Hue ពិសេសគឺអំពីការ
ធ្វើគំនូរនៅភូមិ Sinh។ មានវត្ថុធាតុដើមខ្លះដែលមានស្រាប់ក្នុងធម្មជាតិតែ
យើងមិនដឹងឡើយដូចជាការធ្វើក្រដាសឬបចេ្ចកទេសធ្វើគំនូរដោយប្រើ
ប្រាស់ពណ៌ធម្មជាតិ វាជាការពិរោះណាស់"។
អ្នកទេសចរមកទស្សនាភូមិSinhតែងតែចង់ទិញគំនូរទុកជា
អនុស្សាវរីយ៍។ សិប្បករប្រជាប្រិយនៃភូមិបានឆ្នៃបំពង់ឬស្សី ហើយមួរគំនូរ
ដាក់ក្នុងបំពង់ដើម្បីរក្សាឲ្យបានយូរ។ ឈ្មោះភូមិ Sinh និងសិប្បករដែល
ត្រូវបានឆ្លាក់លើបំពង់ឬស្សីនេះបានតាមភ្ញៀវទៅគ្រប់កន្លែងនៅក្នុងនិង
ក្រៅប្រទេស។ គំនូរប្រជាប្រិយដ៏វិសែសវិសាលរបស់ភូមិ Sinh បានរួម
ចំណែកទៅក្នុងវិស័យទេសចរណ៍នៃទឹកដី Hue៕