VOVWORLD_ផ្លូវនាំទៅភូមិ Thanh Toan ត្រូវបានចាត់ទុកជាផ្លូវមួយ
ស្អាតជាទីបំផុតនៅទឹកដីHue។ នៅសង្ខាងផ្លូវជាវាលស្រែនិងចំការ ដើមឈើ
ហូបផ្លែខៀវស្រងាត់។ បើជិះកង់តាមផ្លូវនេះលោកអ្នកនឹងមានអារម្មណ៍
សប្បាយរីករាយដោយសារក្លិនក្រអូបនៃស្រូវនិងផ្លែឈើទុំ។ ជាពិសេសភូមិ
Thanh Toan មានស្ពានប្រក់ក្បឿងមួយកន្លែងដែលបានទាក់ទាញភ្ញៀវ
ទេសចរជាច្រើននាក់មកទស្សនា។
ចាកចេញពីកណ្ដាលក្រុងHue បន្តធ្វើដំណើរទៅដល់ទិសខាងកើត
ប្រមាណ៨គីឡូម៉ែតភ្ញៀវទេសចរនឹងដល់ភូមិ Thanh Toan។ ស្ពានប្រក់ក្បឿង
នៃភូមិ Thanh Toan ឆ្លងព្រែកមួយដែលម្ខាងទៀតជាដីរបស់ឃុំ Thuy Thanh
ស្រុកHuong Thuy។ ដោយសារស្ថិតមិនសូវឆ្ងាយប៉ុន្មានពីក្រុង Hue បានជា
ភ្ញៀវទេសចរបរទេសតែងតែជិះកង់មកទស្សនាភូមិ Thanh Toan។ តាមលោក
Nguyen Thanh Trung ជាអ្នកប្រកបការងារក្នុងផ្នែកទេសចរណ៍នៅក្រុង Hue
បានឲ្យដឹងថាភូមិករនៅទីនេះទាក់ទាញទេសចរណ៍ដោយសារទេសភាព
ធម្មជាតិ លក្ខណៈវិសែសវិសាលនៃស្ពានប្រក់ក្បឿង សាលាភូមិ ទីសក្ការបូជា
នៃបណ្ដាគ្រួសារ និងពិធីបុណ្យជាប្រពៃណីទាំងឡាយ។លោក Nguyen
Thanh Trungបានឲ្យដឹងថា
“ផ្លូវពីក្រុងមកនេះមិនសូវឆ្ងាយទេបានជាភ្ញៀវទាំងអស់គ្នាធ្វើដំណើរ
បានស្រួល។ ទេសភាពក្នុងភូមិមានវាលស្រែចំការនិងកសិដ្ឋានចិញ្ចឹមមាន់
ទា។ ភូមិ Thanh Toan នៅតែរក្សាបាននូវវប្បធម៌ជាប្រពៃណី។ ទោះបីនៅជិត
ទីក្រុងក្ដីតែភូមិនេះមិនរងឥទ្ធិពលពីដំណើរការនគរភាវូបនីយកម្មឡើយ”។
ចំណុចពិសេសនៃភូមិ Thanh Toanនោះគឺជាស្ពានឈើប្រវែង១៧ម៉ែត្រ
ទទឹង៤ម៉ែត្រ។ នៅសង្ខាងស្ពានមានកៅអីវែង២ជួររាប់ទាំងបង្កាន់ដៃសំរាប់
អ្នកភូមិនិងភ្ញៀវឈប់សំរាក។ ស្ពាននេះមានដំបូលប្រក់ក្បឿងពាសលោហៈ។
នៅលើដំបូលមានរូបសត្វនាគ២ប្រឈមព្រះអាទិត្យ។ ខាងក្នុងស្ពានត្រូវបាន
ចែកជា៧ចំណែកដោយបានឆ្លាក់រូបដ៏ល្អស្អាត។ លោក Nguyen Van Thanh
ជាអ្នក Hue មួយរូបបានឲ្យដឹងថា
"ស្ពាននេះត្រូវបានកសាងឡើងនាឆ្នាំ១៧៧៦។ អ្នកកសាងស្ពានគឺអ្នក
ស្រីTran Thi Daoជាព្រះមហេសីរបស់ស្ដេចមួយអង្គក្នុងរាជកាលស្ដេច Le។
នាគ្រានោះដោយសង្កេតឃើញថាប្រជារាស្រ្តនៅតំបន់នេះឆ្លងព្រែកជួបការ
លំបាកបានជាព្រះមហេសីបានចំណាយថវិកាសំរាប់ធ្វើផ្លូវថ្នល់និងសាងសង់
ស្ពាន។ រហូតដល់សម័យស្ដេច Khai Dinh នាឆ្នាំ១៩២០អ្នកស្រី Tran Thi Dao
ជាជនមួយរូបដែលត្រូវបានប្រជារាស្រ្តក្នុងភូមិលើកសរសើរហើយបង្កើតទី
សក្ការៈបូជាព្រះមហេសីរូបនេះនៅនឹងកណ្ដាលស្ពាន។ នេះជាស្ពានបុរាណ
មួយដែលមានតំលៃសិល្បៈស្ថាបត្យកម្មយ៉ាងខ្ពស់"។
ស្ថិតនៅក្បែរស្ពានប្រក់ក្បឿងគឺផ្សារមួយដែលមិនសូវអ៊ូអរទេតែវាធ្វើឲ្យ
ភ្ញៀវទេសចរចាប់អារម្មណ៍ពីភូមិករវៀតណាមមួយសាមញ្ញនិងសុខសាន្ត
ត្រាណ។ ក្នុងផ្សារនេះមានស្តង់តូចៗដាក់លក់ទំនិញ។ នៅជ្រុងមួយនៃផ្សារ
ឃើញមានលក់ម្ហូបគ្រប់មុខដ៏ឈ្ងុយឆ្ងាញ់របស់ទឹកដី Hue ដោយអ្នកភូមិធ្វើ
ដូចជានំដំឡូងត្រី នំបញ្ចុកលៀស Vi Da ឬបាញកាញThuy Duong។
នៅជិតស្ពានប្រក់ក្បឿងគឺអគារតាំងបង្ហាញឧបករណ៏ធ្វើកសិកម្មរបស់
ឃុំ Thuy Thanh។ ទីនេះមានតាំងបង្ហាញនូវនង្គ័ល រនាស់ កណ្ដៀវ ចបកាប់
ត្បាល់កិនស្រូវ។ ក្រៅពីនេះនៅមានឧបករណ៏ចាប់ត្រី ដូចជាសំណាញ់ ជា
លរួមជាមួយវត្ថុអនុស្សាវរីយ៍ធ្វើអំពីឬស្សីនិងផ្ដៅមួយចំនួនទៀត។ លោក
Nguyen Thanh Trung បានឲ្យដឹងថា
"នៅទីនេះគេឧទ្ទេសនាមអំពីដំណើរការដាំដុះស្រូវចាប់ពីការសាបព្រួស
ការច្រូតកាត់ប្រមូលផល រហូតដល់ការកិនសម្រាំងស្រូវ។ កុមារាកុមារីចូល
ចិត្តសកម្មភាពនេះខ្លាំងណាស់។មកនេះមនុស្សពេញវ័យត្រូវបានភ្លក់ម្ហូប
ឆ្ងាញ់ៗរីឯកុមារបានចូលរួមសកម្មភាពផ្សាភ្ជាប់នឹងជីវភាពជារៀងរាល់ថ្ងៃ
របស់អ្នកភូមិ"។
មគ្គុទេសទេសចរណ៍នៅអគារតាំងបង្ហាញឧបករណ៏ធ្វើកសិកម្ម សុទ្ធ
តែជានារី។ ជាមួយចំណេះដឹងក្នុងរបរធ្វើកសិកម្មបងប្អូននារីភូមិនឹងជួយភ្ញៀវ
ទេសចរយល់ដឹងថែមទៀតអំពីវប្បធម៌ទេសចរណ៍វៀតណាម៕