(VOVworld)-ក្នុងឱកាសអំណរសាទទិវាកុមារអន្តរជាតិថ្ងៃទី១មិថុនា សារមន្ទី
ជនជាតិវិទ្យាវៀតណាមបានរួមសហការជាមួយនាយកដ្ឋានពន្លឿនពាណិជ្ជកម្ម
ម៉ាឡេស៊ី រៀបចំកម្មវិធី “រួមគ្នាលេងល្បែងប្រជាប្រិយបណ្តាប្រទេសអាស៊ី អាគ្នេយ៍”​
 ដោយមានសកម្មភាពគួរឲ្យទាក់ទាញដូចជាកាបង្ហាញម៉ូតសំលៀកបំពាក់ និង
លេងល្បែងប្រជាប្រិយរបស់ប្រទេសអាស៊ីអាគ្នេយ៍មួយចំនួន។​ភ្ញៀវជាង ២ពាន់
នាក់រួមទាំងប្អូនៗកុមារ និស្សិតក៏ដូចជាឪពុកម្តាយ បានមកចូលរួមសកម្មភាព
លើកនេះ។

ធ្វើប្រដាប់លេងពីស្លឹកឈើ

        នៅវេលាម៉ោង៩ព្រឹកថ្ងៃទី២៨ឧសភា កម្មវិធី “រួមគ្នាលេងល្បែងប្រជាប្រិយ
បណ្តាប្រទេសអាស៊ីអាគ្នេយ៍” បានចាប់ផ្តើមដោយការបង្ហាញម៉ូតសំលៀកបំពាក់
របស់បណ្តាប្រទេសអាស៊ីអាគ្នេយ៍។ លើឆាកសម្តែងធ្វើពីឈើនៅកណ្តាលវាល
 មិត្តវ័យក្មេងចំនួន៤នាក់អាយុ៧ដល់៨ឆ្នាំបានបង្ហាញមុខក្នុងសម្លៀក បំពាក់អាវ
ផាយនិងអាវអៀមរបស់វៀតណាម។​បន្ទាប់មកគឺការបង្ហាញម៉ូតរបស់ សម្លៀកបំ
ពាក់ប្រពៃណីឡាវ ដោយ Manivanh Inthazay និស្សិតឡាវមួយនាក់ ដែលកំពុង
សិក្សានៅមហាវិទ្យាល័យឧស្សាហកម្មវៀតណាមនិងអ្នកបង្ហាញម៉ូដ វ័យកុមារមួយ
នាក់។ នេះជាលើកដំបូងដែល Manivanh Inthazay បានសម្តែងលើ ឆាកដែលមាន
មនុស្សទស្សនាច្រើនដូច្នេះ៖

        “ប្អូនមានអារម្មណ៍សប្បាយចិត្ត មោទនភាពថែមទាំងសប្បាយរីករាយ
ណាស់ទៀត។​មកជាមួយនឹងកម្មវិធីនេះ ប្អូនបានស្លៀកពាក់សម្លៀកបំពាក់ប្រពៃ
ណីឡាវ។ ហើយ ជនជាតិឡាវតែងតែស្លៀកពាក់ឈុតនេះនៅក្នុងឱកាសពិសេស
ដូច្នេះ ប្អូន សប្បាយរីករាយណាស់ដែលមានឱកាសឧទ្ទេសនាមឲ្យមិត្តវៀតណាម
យល់ អំពីសម្លៀកបំពាក់និងវប្បធម៌របស់ឡាវ”។

        ដើម្បីត្រៀមរៀបចំឲ្យកម្មវិធីនេះ ជិត១ខែហើយដែលកុមារចំនួន១៥នាក់ ក្នុង
វ័យ៥ដល់១០ឆ្នាំនិងនិស្សិតកម្ពុជា​ឡាវ ម៉ាឡេស៊ី ប៊្រុយណេ ហ្វីលីពីន និងម៉ីយ៉ាន
ម៉ាបានហ្វឹកហាត់យ៉ាងឧស្សាហ៍ព្យាយាម។ លោក Nguyen Duy Thieu អតីតនាយក
រងសារមន្ទីជនជាតិវិទ្យា និងជាសមាជិកគណៈចាត់តាំងបានចែក រំលែកនូវគោល
ដៅនៃសកម្មភាពនេះ៖

        “ប្អូនៗមកជាមួយនឹងកម្មវិធីនេះនឹងបានយល់បន្ថែមនូវសម្លៀកបំពាក់ របស់
កុមារនៃបណ្តាប្រទេសអាស៊ីអាគ្នេយ៍។ ប្អូនៗមិនត្រឹមតែបានទស្សនា ប៉ុណ្ណោះទេ​
ថែមទាំងបានពាក់ ថតរូបជាមួយសម្លៀកបំពាក់នោះទៀតផង ដើម្បីអាចយល់
បានថាប្អូនកុមារប្រទេសអាស៊ីអាគ្នេយ៍ស្លៀកពាក់យ៉ាងដូចម្តេច។ សម្លៀកបំពាក់
សម្រាប់បង្ហាញនោះ មួយចំនួនជាការស្រាវជ្រាវរបស់យើងខ្ញុំ មួយចំនួនទៀតគឺ
យើងខ្ញុំមានការជួយឧបត្ថម្ភពីបណ្តាស្ថានទូត”។

        មានចំងាយពីឆាកបង្ហាញសម្លៀកបំពាក់អាស៊ីអាគ្នេយ៍ជាង១០ម៉ែត្រ ជា
កន្លែងសម្រាប់លេងល្បែងប្រជាប្រិយអាស៊ីអាគ្នេយ៍។ នៅទីនេះ គណៈចាត់​ តាំង
បានរៀបចំល្បែង O an quan របស់វៀតណាមនិងម៉ាឡេស៊ី ល្បែង ទាញព្រ័ត្ររបស់
ថៃ វៀតណាម ឬល្បែងចាប់កូនខ្លែងរបស់កម្ពុជាជាដើម។ លើសពីនេះទៅទៀត
នៅមានកន្លែងលេងល្បែងមួយចំនួនទៀត ដូចជា ការចែករំលែករបស់មិត្ត Mohd
QaShairi និស្សិតម៉ាឡេស៊ីដែលកំពុងសិក្សានៅ វិទ្យាស្ថានយោធា៖

        ខ្ញុំមានក្តីសោមនស្សរីករាយនៅពេលដែលមានឱកាសឧទ្ទេសនាមនូវ ល្បែង
O an quan របស់ប្រទេសខ្លួនទៅដល់មិត្តវៀតណាម។ តុលេងគឺត្រូវបាន ធ្វើពីឈើ
និងប្រដាប់លេងគឺគ្រាប់ឃ្លី។​រីល្បែង O an quan របស់វៀតណាម វិញ តុលេងធ្វើពី
ក្រដាសនិងប្រដាប់លេងគឺថ្មគ្រួស។

        ម៉ោង៦និង៣០នាទី ប្រដាប់បំពងសំឡេងប្រកាសថា សារមន្ទីដល់ម៉ោងបិទ
 ទ្វារ។ មិត្តក្មេងតូចៗកំពុងពេញទៅដោយញើសប៉ុន្តែនៅតែចង់លេងថែមទៀត។
នៅពេលដែលបានសួរនាំ ក្មេងតូចទាំងអស់គ្នាសុទ្ធតែមានបំណងថានឹងត្រឡប់
មកលេងល្បែងប្រជាប្រិយនេះម្តងទៀត។ នោះក៏ជាកម្មវិធីត្រូវបានចាត់ទុកថា
ជោគជ័យ នៅពេលដែលនាំមកនូវល្បែងប្រជាប្រិយរបស់បណ្តាប្រទេសអាស៊ី
អាគ្នេយ៍ទៅ​ដល់កុមារវៀតណាម៕