វិនិយោគិនសិង្ហបុរីជាច្រើននាក់ឆ្ពោះទៅទីផ្សារអចលនវត្ថុនៅហ្វីលីពីន
MANH CUONG -
(VOV) /
(VOV World)_វិនិយោគិនសិង្ហបុរីជាច្រើននាក់កំពុងស្វែងរកឱកាសធ្វើអាជីវកម្មលើវិស័យអចលនវត្ថុនៅហ្វីលីពីន។ ក្នុងឆ្នាំ២០១៣កន្លងទៅ ទីផ្សារនេះត្រូវបានចាត់
ទុកជាទីផ្សារក្តៅគគុកនៅទ្វីបអាស៊ី និងទទួលបានកំណើនឯកទគ្គកម្មបើទោះបីខឿន សេដ្ឋកិច្ចសកលលោកនៅមានការលំបាកក៏ដោយ។
 |
| វិនិយោគិនសិង្ហបុរីជាច្រើននាក់ឆ្ពោះទៅទីផ្សារអចលនវត្ថុនៅហ្វីលីពីន(nganhangonline.com) |
និន្នាការបង្កើនតំលៃអចលនវត្ថុនៅហ្វីលីពីនបានទាក់ទាញការយកចិត្តទុកដាក់
ជាច្រើនពីវិនិយោគិននានាលើពិភពលោក ដែលក្នុងនោះមានវិនិយោគិនសិង្ហបុរី។ តំលៃផ្ទៈសម្បែងនៅហ្វីលីពីនកើន២០%ក្នុងឆ្នាំ ២០១៣។ ការអភិវឌ្ឍន៍របស់ទីក្រុង
Makati ស្ថិតនៅក្នុងមណ្ឌលពាណិជ្ជកម្ម Manila បានរួមចំណែកដ៏សែនសំខាន់ក្នុងកំ
ណើននេះ។ លោក Thomas Mirasol នាយកក្រុមហ៊ុនអាជីវកម្មអចលនវត្ថុអន្តរជាតិ
Ayala បានអោយដឹងថា៖
“ ពេលដែលបើកទូលាយទីផ្សារនៅហ្វីលីពីន យើងខ្ញុំមានការភ្ញាក់ខ្លួនយ៉ាងខ្លាំង អំពីការយកចិត្តទុកដាក់របស់អតិថិជនសិង្ហបុរី។ យើងខ្ញុំបានប៉ាន់ស្មានថា៖ទីផ្សារនេះ នឹងស្រូបយកពី២០ដល់៣០%នៃចំណូលទាំងមូល។ ប៉ុន្តែ នាបច្ចុប្បន្ន តួរលេខនេះគឺ
៦០%ហើយ។”
ខឿនសេដ្ឋកិច្ចអភិវឌ្ឍន៍យ៉ាងឆាប់រហ័សរបស់ហ្វីលីពីនជាកត្តាមួយក្នងចំណោម កត្តាស្នូលបានធ្វើអោយទីផ្សារអចលនវត្ថុនៅទីនេះទាក់ទាញបានវិនិយោគិននានា។ ក្នុងត្រីមាសចំនួន៣ ក្នុងឆ្នាំ ២០១៣ ហ្វីលីពីនជាប្រទេស១ក្នុងចំណោមប្រទេសមាន
អត្រាកំណើន GDP ខ្ពស់បំផុតនៅទ្វីបអាស៊ី ស្មើនឹង៧%។ ដូច្នេះ ក្រុមហ៊ុនអន្តរជាតិជា ច្រើនបានបើកទូលាយទីផ្សារអាជីវកម្មនៅប្រទេសនេះ ធ្វើអោយតម្រូវការអំពីការិយា ល័យបានកើនឡើងខ្ពស់។ នាបច្ចុប្បន្ន បរិមាណការិយាល័យចំនួន៩៧%នៅមណ្ឌល
Metro Manila ត្រូវបានជួល។ ប្រាក់ចំណូលទទួលបានពី៨ដល់៩%។ ទន្ទឹមនឹងនោះមានមូលហេតុផ្សេងទៀតដែលធ្វើអោយទីផ្សារអចលនវត្ថុនៅហ្វីលីពីនកាន់តែក្តៅឡើងៗ គឺដោយសារគោលនយោបាយរឹតបន្តឹងឥណទាន បន្ថយកំដៅទីផ្សារ និងប្រឆាំងការរកស៊ីកេងយកចំណេញលើអចលនវត្ថុនៅប្រទេសមួយចំនួនក្នុង
អាស៊ី ដូចជា៖សិង្ហបុរី ចិន ហុងកុង…ល។ តាមការវាយតំលៃរបស់បណ្ដាអ្នកស្រាវ
ជ្រាវក្នុង វិស័យជួលការិយាល័យ Manila ជាតំបន់មានកំណើនខ្ពស់ រួមជាមួយបាំងកក របស់ថៃ តូក្យូរបស់ជប៉ុន។
ទោះបីជាដូច្នេះក៏ដោយ ក៏បណ្ដាអ្នកជំនាញការក៏បាននាំចេញការព្រមានជាច្រើន
ចំពោះវិនិយោគិននានា។ លោក Johnny Chng អ្នកគ្រប់គ្រងបណ្ដាគំរោងការណ៍អន្តរ
ជាតិរបស់ ក្រុមហ៊ុន Orange Tee ជាក្រុមហ៊ុនស្រាវជ្រាវអចនលវត្ថុមួយរបស់សិង្ហបុរី
បានសង្កត់ ធ្ងន់ថា៖ អតិថិជនគួរតែទិញផ្ទះពីបណ្ដាក្រុមហ៊ុនអចលនវត្ថុមានកិត្តិនាម។
“ ប្រសិនបើទិញផ្ទះពីបណ្ដាក្រុមហ៊ុនអចលនវត្ថុគ្មានកេរ្តិ៍ឈ្មោះនោះ មិត្តត្រូវធា
នាថា៖ក្រុមហ៊ុននោះកំពុងអភិវឌ្ឍន៍គំរោងការណ៍មួយនៅទីនោះទេ ហើយវាត្រូវស្ថិត
នៅក្នុងគំរោងការណ៍មេជាក់ស្ដែង ដែរទេ។”
ទន្ទឹមនឹងនោះ ពេលដែលវិនិយោគចូលមកទីផ្សារអចលនវត្ថុនៅហ្វីលីពីន វិនិ
យោគិនសិង្ហបុរីនានាត្រូវគិតដល់កំរិតអត្រាការប្រាក់ផងដែរ៕
MANH CUONG
-VOV