(VOVworld)-ជាជនជាតិមួយមានចំនួនប្រជាជនឈរលំដាប់ទី៧នៅវៀតណាម
ជនជាតិ Nung មានចំនួនប្រជាជនជាង១លាននាក់ដែលបែងចែកគ្នារស់នៅតាម
ខេត្តក្រុងទាំង៦៣លើទូទាំងប្រទេសដែលច្រើនបំផុតប្រមូលផ្តុំនៅ ខេត្ត Lang Son
ខេត្ត Cao Bang, Bac Can , Thai Nguyen, Bac Giang និងខេត្ត Tuyen Quang ជាដើម។
ជនជាតិ Nung មានប្រពៃណីប្រវត្តិសាស្ត្រអភិវឌ្ឍន៍តាំងពីយូរណាស់មកហើយ និង
បច្ចុប្បន្ន នៅ រក្សាបាននូវទំនៀមទំលាប់វប្បធម៌ដ៏វិសេសវិសាលជាច្រើន រួមចំណែក
ធ្វើឲ្យ អត្តសញ្ញាណវប្បធម៌នៃបណ្តាជនជាតិវៀតណាមកាន់តែសម្បូរបែបពីមួយថ្ងៃ
ទៅ មួយថ្ងៃ។
ជនជាតិ Nung រស់នៅតំបន់ខុសៗគ្នានិងបែងចែកជាជនជាតិ Nung Xuong,
Nung Giang, Nung An, Nung Phan Sinh និងជនជាតិNung Din ជា ដើម។ ជនជាតិ
Nung មានទម្លាប់រស់នៅតាមភូមិ ហើយភូមិនីមួយៗមានផ្ទះ ពី ៣០ដល់៧០ខ្នង។
ធម្មតា នៅខាងមុខភូមិរបស់ជនជាតិ Nung គឺមានស្រែ នៅខាង ក្រោតភូមិគឺចម្ការ
ផ្លៃឈើ។ ផ្ទះរបស់ជនជាតិ Nung ចែកជាពីរប្រភេទ៖ គឺផ្ទះលើកផុតពីដីជាប្រពៃណី
និងផ្ទះធ្វើពីដី។ ផ្ទះរបស់ជនជាតិ Nung គឺធំទូលាយនិងត្រូវបានខ័ណ្ឌជាពីបរិវែណ
ពីផ្នែកដោយរបាំងធ្វើពីឈើ។ ខាងក្នុងគឺផ្ទះបាយសម្រាប់នារីក្នុងគ្រួសារនិងខាង
ក្រៅគឺសម្រាប់បុ្រសក្នុងគ្រួសារនិងដាក់ទីស្ការៈបូជាជីដូនជីតា។ រីឯ សម្លៀកបំពាក់
របស់ជនជាតិ Nung វិញគឺសាមញ្ញណាស់ដោយមិនបានប៉ាក់លំអរអ្វីទេ។
 |
| នារីជនជាតិ Nung |
ជនជាតិ Nung ប្រកបមុខរបរដាំដុះស្រូវនិងរបៀបរកស៊ីតាមធម្មជាតិ ដូចជា
ការងារនេសាទនិងប្រមញ្ញសត្វនៅតែបានសហគមន៍ជនជាតិ Nung រក្សាជានិច្ច ។
នារីជនជាតិ Nung នៅពេលចូលព្រៃ ឡើងចម្ការ តែងតែដាក់ជាប់ខ្លួនកន្ត្រកតូចមួយ
សម្រាប់ដាក់បន្លែព្រៃ ផ្សិតជាដើម ដែលរួមចំណែកធ្វើឲ្យសម្បូរបែបនូវម្ហូបអាហារ
ប្រចាំថ្ងៃ ។ លោក Nguyen Van The មគ្គុទេសទេសចរណ៍នៅភូមិបណ្តាជន ជាតិវៀត
ណាមបានឲ្យដឹងថា៖
“ជនជាតិ Nung ជាជនជាតិដែលប៉ិនប្រសប់ក្នុងការឈូសឆាយដីធ្វើចម្ការ ស្រែ
កាំជណ្តើរ និងការឈូសឆាយដីសម្រាប់ដាំស្រូវទឹក។ ក្រៅពីប្រភពស្បៀងអាហារ
ប្រចាំគឺអង្ករនោះ ជនជាតិ Nung នៅដាំដុះពោធ ដំឡូង ដំណាំឧស្សាហកម្ម ដើម
ឈើហូបផ្លែ ក្នុងនោះមានប្រភេទដើមឈើ ដែលមានតម្លៃសេដ្ឋកិច្ចខ្ពស់ដូចជា
ដើមទេព្វិរូ ដើម Hoi និងដើម Sa Nhan ជា ដើម។ ជនជាតិ Nung ពូកែខាងចិញ្ជឹម
សត្វ និងបង្កាត់បានពួជសត្វមានតម្លៃ សេដ្ឋកិច្ចខ្ពស់ដូចជា ពួជជ្រូក Muong
Khuong ឬសេះ Cao Bang ដ៏ល្បី ឈ្មោះ”។
ក្រៅពីកសិកម្ម ជនជាតិ Nung នៅមានប្រកបមុខរបរសប្បកម្មសំដៅ បម្រើ
ជីវភាពរស់នៅប្រចាំថ្ងៃ។ ឧស្សាព្យាយាមក្នុងពលកម្ម មានកតញ្ញូចំពោះ ឪពុក
ម្តាយ មានទឹកចិត្តសម្បុរសធម៌ជាលក្ខណៈប្រពៃណីល្អស្អាតក្នុងទំនាក់ទំនង
របស់ជនរួមជាតិជនជាតិ Nung។
ជនជាតិ Nung មានពិធីបុណ្យជាច្រើន ហើយមានទំនៀមទម្លាប់វប្បធម៌ដ៏
វិសេសវិសាលក្នុងនោះមានពិធីបុណ្យល្បីឈ្មោះ “Lung tung” (ហៅថាពិធីបុណ្យ
ចុះស្រែ) រៀបចំឡើងនៅខែមិគសិរជារៀងរាល់ឆ្នាំដែលជាពិធីបុណ្យទាក់ទាញការ
ចូលរួមរបស់មនុស្សគ្រប់វ័យជាច្រើនកុះករ។ ជនជាតិ Nung ក៏មានការយកចិត្តទុក
ដាក់ចំពោះពិធីបុណ្យសែនឆេងម៉េងដែលជាទំនៀមទំលាប់តាំងពីយូរណាស់មក
ហើយ សម្រាប់រំលឹកគុណជីដូនជីតាដែលបានលាចាកលោក។ លោក Nong Van
Doan ជន ជាតិ Nung នៅខេត្ត Lang Son បានឲ្យដឹងថា៖
“ជារៀងរាល់ឆ្នាំនៅនិទាឃរដូវមានបុណ្យសែនឆេងម៉េងតាមប្រពៃណីពីសម័យ
ដើមដែលជនជាតិ Nung ធ្វើចំណាកស្រុកពីចិនមករស់នៅវៀតណាម។ នៅពេល បុណ្យសែនឆេងម៉េងមកដល់ម្តងៗ កូនចៅទាំងអស់ក្នុងគ្រួសារ រួមទាំងកូនប្រសារ
ផងសុទ្ធតែ នាំគ្នាយកគ្រឿងដង្វាយទៅផ្នូសម្រាប់អុជធូបសែនជីដូនជីតាដែរ”។
ជនជាតិ Nung មានឃ្លាំងវប្បធម៌ប្រជាប្រិយសម្បូរបែបនិងមានចម្រៀង
ប្រជាប្រិយពោរពេញទៅដោយអត្តសញ្ញាណជាតិ។ ផ្សារនៅតំបន់ជនជាតិ Nung
រស់នៅក៏មានការវិវឌ្ឍន៍យ៉ាងខ្លាំងដែរ។ ជនជាតិ Nung ទៅប្រជុំផ្សារមិនត្រឹម តែ
ផ្លាស់ប្តូរទំនិញប៉ុណ្ណោះទេ ថែមទាំងចាត់ទុកនេះជាឱកាសសម្រាប់ជួបប្រា ស្រ័យ
គ្នាទៀតផង។
ក្នុងសហគមន៍បណ្តាជនជាតិវៀតណាម ជនជាតិ Nung មិនត្រឹមតែមាន
ចំនួនប្រជាជនច្រើនប៉ុណ្ណោះទេ ថែមទាំងមានសមត្ថភាពអភិវឌ្ឍន៍ចាប់រហ័ស
និងកំពុងរួមចំណែកសកម្មចូលក្នុងកិច្ចការកសាងប្រទេសវៀតណាម៕