តុសក្ការៈបូជានិងប្រព័ន្ធជំនឿរបស់ជនជាតិ San Chi (Image: VOV)

Vovworld-នៅក្នុងផ្ទះរបស់ជនជាតិ San Chi លើជាន់ខ្ពស់បំផុតគេធ្វើសក្ការៈ​បូជា​ខ្មោច
Ham ពោលគឺខ្មោចវង្សត្រកូលឬបានហៅថាជីដូនជីតានៃវង្សត្រកូល។​តុសក្ការៈបូជា
បានរៀបចំយ៉ាងសាមញ្ញត្រឹមតែមានចានធូបប៉ុណ្ណោះ។ ចំពោះជនជាតិ San Chi
នោះ នេះជាតុសក្ការៈបូជាពិសិដ្ឋបំផុត គ្មានអ្នកណាអាចប៉ះពាល់បានឡើយលើក​​​​
លែងតែទិវាបុណ្យឬថ្ងៃមានការងារធំៗ។ ប៉ុន្តែការធ្វើសក្ការៈបូជាខ្មោច Ham ត្រឹម
តែមានជនជាតិ San Chi នៅឃុំ Kien Lao ​ស្រុក Luc Ngan ​ឃុំ Le Vien ស្រុក Son
Dong ខេត្ត Bac Giang និងនៅខេត្ត Tuyen Quang គឺធ្វើ​សក្ការៈ​បូជា​ប៉ុណ្ណោះ។
បណ្ឌិត Dang Thi Hoa អនុប្រធាន​វិទ្យាស្ថានគ្រួសារនិងភេទបាន​ឲ្យ​ដឹង​ថា៖

        “រីឯក្នុងពិធីការគ្រួសារមានពិធីការវិសេសនោះគឺពិធីធ្វើសក្ការៈបូជាខ្មោច
Ham។ ជំនឿពហុទេវតាមួយ។ ទៅតាមត្រកូលនីមួយៗ ទៅតាមគ្រួសារ គេ​មាន
តុស្ការៈបូជាពិសេស គេព្យួរក្នុងផ្ទះនិងមានធ្វើសក្ការៈបូជាដោយឡែកសំរាប់​
ត្រកូល​នោះ។ ឈ្មោះខ្មោច Ham ជានិមិត្តរូបឲ្យមហិទ្ធិឬទ្ធិ ជាអ្នកតាគ្រប់គ្រងក្នុង​
គ្រួសារនិងថែរក្សាពិសេសអំពីសុខភាព ពិសេសគឺចំពោះកុមារ។ ពិធីការនេះ
បាន​រៀបចំប្រចាំឆ្នាំក្នុងគ្រួសារ។”

        នៅខាងក្រោមតុសក្ការៈបូជាខ្មោច Ham គឺតុសក្ការៈបូជាព្រះចៅអធិរាជ។
​តុសក្ការៈបូជាត្រូវបានតុបតែងដោយក្រដាស់ក្រហមបិទនៅខាងក្រៅ។ ជន
ជាតិ San Chi រងឥទ្ធិពលនៃសាសនាតាវដោយមានទ្រឹស្តីអំពីពិភពលោក៣
ឋាន​ច្បាស់លាស់។ ឋានជាឋានរបស់ព្រះច័ន្ទនិងពពូកទេវតាផ្សេងៗ។ ​ឋាន
កណ្ដាលជាឋានរបស់មនុស្សនិងសត្វលោករស់នៅ។ឋានទី៣ជាឋានរកជា
​ពិភព​របស់ខ្មោចបីសាចជាកន្លែងដែលអ្នកស្លាប់មកស្ថិតនៅ។ បណ្ឌិត
 Tran Binh គ្រូ​បង្រៀននៅ​មហាវិទ្យាល័យវប្បធម៍ហាណូយបានឲ្យដឹងថា៖

        “មនុស្សរស់នៅឋានកណ្ដាលគឺមានទំនាក់ទំនងជាមួយឋានលើនិង
ឋាននរក។​ នៅខាងលើគេតាមដាន គេគ្រប់គ្រងកែប្រែជីវភាពរស់នៅ
របស់ឋានក្រោម។ គេជឿជាក់ដូច្នេះហេតុនេះហើយបើចង់អ្វីក៏ត្រូវបួង
សួងដែរ។ រីឯពេលស្លាប់ទៅ មនុស្សនឹងមកឋាននរក ប្រសិនបើនៅលើ
លោកគាត់មានកំហុសជាច្រើនគឺចុះ​ទៅ​ឋានក្រោមគាត់នឹងត្រូវកំទិចឬ
ឃុំឃាំងក្នុងគុកច្រវ៉ាក់។”

        តាមបណ្ឌិត Tran Binh ថា ក្នុងប្រព័ន្ធតុសក្ការៈបូជានេះ ប្រសិនបើគ្រួ
សារ​មានអ្នកធ្វើជាគ្រូសែន នៅខាងក្រោមតុសក្ការៈបូជាទាំងបីនេះគេនឹង
ធ្វើសក្ការៈ​បូជាអ្នកតាវិជ្ជាជីវៈ។​និងនៅខាងក្រោមគេនឹងធ្វើសក្ការៈបូជា
 Caishen ជាទេវតា​ថែរក្សាឲ្យរកស៊ីមានបាននៃគ្រួសារនោះ។ ទស្សនទាន
ប្រជាប្រិយអំពីទេវតា Caishen របស់ជនជាតិ San Chi ពិសេសណាស់។

        “អ្នកតា Caishen វារលើដីហេតុនេះហើយធ្វើសក្ការៈបូជាគាត់គឺត្រូវដាក់
តុ​សក្ការៈ​បូជាលើដី។​គាត់ត្រូវស្លាប់ដោយត្រូវជាតិពូលហេតុនេះហើយ​
ពេល​ធ្វើសក្ការៈបូជាត្រូវហូបគ្រឿសំណែនបន្តិចដើម្បីគាត់ហ៊ានពិសារ។”

        ក្នុងទស្សនទានរបស់ជនរួមជាតិ San Chi នោះ កំលាំងមហិទ្ធិឬទ្ធិគឺ​ស្មុគ្រ
ស្មាញ​ណាស់និងមានទំនាក់ទំនងជិតស្និទ្ធជាមួយជីវភាពរស់នៅរបស់គេ។
 មនុស្សម្នាក់ៗកើតឡើងមានសុខភាពជំងឺរឿថ្កាក់ធំដឹងក្តីសុទ្ធតែមានទំនាក់
ទំនងជិតស្និទ្ធជាមួយកំលាំងមហិទ្ធិឬទ្ធិនិងតុសក្ការៈបូជាក្នុងផ្ទះជាស្ពាន់ត
ភ្ជាប់រវាងគេជាមួយ​ពិភពមហិទ្ធិឬទ្ធិ។​ ជំនឿជឿជាក់នោះរហូតដល់ឥឡូវ
នេះបានរក្សាដដែល៕