ពិធីចុះបើករដូវកាលបង្កបង្កើនផលរបស់ជនរួមជាតិ Giay នាដើមឆ្នាំ (VOV)

        Vovworld-ជនរួមជាតិ Giay មានទស្សនាទានមេឃគឺខ្ពស់បំផុត មេឃបាន​បង្កើត
ឡើងសត្វផងទាំងពួងរាប់ទាំងប្រការល្អ ប្រការអាក្រក់ ទេវតាក៏នៅលើមេឃ ប៉ុន្តែ
ទេវតាភាគ​ច្រើន​បង្កើតឡើងប្រការល្អៗប៉ុណ្ណោះទេ។ រីឯអារក្សអ្នកតានៅឋានមនុស្ស
បានបង្កើតឡើងប្រការ​ល្អអាក្រក់។ ហេតុនេះហើយក្នុងពិធីសែននេះគេក៏ធ្វើសក្ការ
បូជាទាំងមេឃ ទេវតានិងអារក្សអ្នកតាការពារភូមិ។ លោក San Chang ជនជាតិ Giay
នៅភូមិ Ta Van Giay ស្រុក Sapa ខេត្ត Lao Cai បានឲ្យដឹងថា៖

        “ក្នុងពិធីនេះគេប្រមូលសែនអ្នកតាបង្កើតភូមិ។ ពិធីសែនដើម្បីបួងសួងសូមឲ្យ
មានរដូវ​អំណោយ​ផលអភិវឌ្ឍន៍លត់លាស់និងមនុស្សមានសុខភាពល្អបរិបូណ៍។”

        ដើម្បីត្រៀមរៀបចំឲ្យពិថីបុណ្យ បណ្ដាមន្ត្រីក្នុងភូមិមកផ្ទះគ្រួសារព្រឹទ្ធាចារ្ស​ភូមិ
​រៀបចំគ្រឿងសំណែន។ ពិធីបុណ្យត្រូវបានប្រព្រឹត្តទៅនៅវាលស្រែទូលាយ​នៅ​ដើម
ភូមិ។ គ្រឿងសំណែនរួមមានទាមួយក្បាល មាន់មួយក្បាល ជ្រូកមួយ​ក្បាល អង្កដើម្បី
ដាំបាយដំណើប។ លោក San Chang បានពន្យល់ថា៖

        “គ្រួសារព្រឹទ្ធាចារ្សត្រូវត្រៀមរៀបចំដោយខ្លួនឯងគ្រឿងអលង្ការបស់នារី​មួយ
សម្រាប់រួមមានម្លូស្លា អុសមួយអំរែក ស្មៅមួយអំរែកជាដើម។ តាមទស្សនាទាន​របស់
​ជនរួមជាតិ Giay អារក្សអ្នកតាមានមានំមានាងមកជួយការងារហេតុនេះហើយគ្រឿង
​អលង្កាសំរាប់បណ្ដាមានំមានាងទាំងនោះ។ អូសដើម្បីអារក្សអ្នកតាដាំបាយ ម្លូស្លាក៏
ដើម្បីអ្នកតាទទួលទាន ស្មៅដើម្បីសេះរបស់ព្រះស៊ី។ ត្រូវមានពង់ស្ងោរទៀតផង។
ស្ងោររួចហើយ​ជ្រលក់ព័ណ៌បៃតងក្រហមសំរាប់បណ្ដាមានំមានាងលេងសប្បាយ។”

        បុណ្យ Roong pooc របស់ជនរួមជាតិ Giay បានរៀបចំពីម៉ោង៨ព្រឹក ខណៈ​ដែល
ព្រះអាទិត្យបានឡើងខ្ពស់។ លោក Chang បានឲ្យដឹងថា ព្រឹទ្ធាចារ្ស​បានរៀបចំបុណ្យ។
រីឯគ្រូសែនបានស្លៀកពាក់ខោអាវព័ណ៌ខៀវសែនគ្រឿង​សំណែលសំរាប់មេឃដីទេវតា
ស្រូវបួងសួងសូមឲ្យទេវតាថែទាំការពារដើម្បីរដូវអំណោយផល។

        “គ្រូសែនអុធធូបបួងសួងអញ្ចើញព្រះមកតុសក្ការបូជា។ អញ្ចើញព្រះមក​ទទួលទាន
សាច់បាយដំណើបស្រារួចហើយតាមថែរក្សាឲ្យអ្នកភូមិកូនចៅសត្វស្រូវលត់លាត់។”

        បន្ទាប់ពីផ្នែកពិធីការគឺផ្នែកបុណ្យ។ ក្នុងពិធីសែនដីស្រែដើមឆ្នាំរបស់​ជនរួម​ជាតិ Giay
មានល្បែងលេងកំសាន្តដូចជាបោះដងទង់ ទាញព្រ័ទជាដើម។ ជា​ពិសេសល្បែងបោះ
ដងទង់និងទាញព្រ័ទជាល្បែងកំសាន្តចំនួន២មិនអាចខ្វះបាន ផ្សាភ្ជាប់នឹងជំនឿព្រលឹង
របស់ជនរួមជាតិ។ ល្បែងបោះដងទង់បានចាប់ផ្ដើមឲ្យ​ផ្នែក​បុណ្យ។ នៅកណ្ដាលបុណ្យ
បានដាក់ដងទង់មានរង្វង់មូលនៅលើចុង។ តាម​ទស្សនាទានរបស់ជនរួមជាតិ Giay នោះ
ក្នុងបុណ្យ roong pooc ត្រូវបោះ​បែករង្វង់នោះគឺឆ្នាំនោះភូមិទើបអភិវឌ្ឍន៍រកស៊ីបានល្អរដូវអំណោយផល។ លោក Hoang Van Ngan ជនជាតិ Giay នៅ Coc San ស្រុក Bat Xat ខេត្ត
Lao Cai បានឲ្យដឹងថា៖

        “ជាធម្មតាគេធ្វើដងទង់ពីឬស្ស៊ីមានកំពស់១០ម៉ែត្រ មានឆ្នាំធ្វើដល់១៨ដល់​១៩ម៉ែត្រ។
រង្វង់នៅខាងលើធ្វើតូច ទំហ៊ុំប្រមាណ៥០ដល់៦០ស៊ាំងទីម៉ែត្រ។ បោះ​យ៉ាងម៉េចដើម្បីបែក
រង្វង់នោះ ប្រសិនបើបោះមិនបែកគឺមិនសំណាង​ឡើយ។”

        បុណ្យ roong pooc បានប្រព្រឹត្តទៅក្នុងបរិយាកាសសប្បាយរីករាយ។ បន្ទាប់​ពីបញ្ចប់
ពិធីការសំខាន់ចំនួន២នៃបុណ្យសែនដីស្រែនោះ ប្រជាជននិង​ភ្ញៀវ​ទេសចរណ៍ទាំងមូល
បានសម្របខ្លួនទៅលើឈុតសិល្បៈពោពេញ​អត្តសញ្ញាណជនជាតិដោយជនរួមជាតិ
Giay នៅដំបន់សម្ដែង។ លោក Tran Van Ngoc អនុប្រធានគណៈកម្មាធិការប្រជាជនឃុំ
Quang Kim ស្រុក Bat Xat ខេត្ត Lao Cai បានឲ្យដឹងថា៖

        “តាមរយៈបុណ្យប្រជាជនត្រុវបានឃោសនាអប់រំអំពីរៀបរស់នៅវប្បធម៍ ប្រឡង
ប្រណាំងក្នុងផលិតកម្មក៏ដូចជាពលកម្ម។ តាមរយៈពិធីបុណ្យ​ប្រជាជន​យល់បានអំពី
សម្រស់ព្រលឹងអត្តសញ្ញាណរបស់ជីដូនជីតាពីមុនមកបង្កើត​កំលាំងពលំសំរាប់គ្រួសារ
នីមួយៗអភិវឌ្ឍន៍សេដ្ឋកិច្ច។”

        បញ្ចប់ពិធីបុណ្យបណ្ដាព្រឹទ្ធាចារ្សបានធ្វើពិធីបួងសួងបញ្ចុះដងទង់។ យុវជនខ្លាំងក្លា
២នាក់រួមជាមួយសត្វក្របី២ក្បាលដែលបានជ្រើសរើសពីមុនព្យួ៥ខ្សែលើវាលស្រែនិមិត្ត
រូបឲ្យរដូវផលថ្មីចាប់ផ្ដើម។ ពិធីបុណ្យមានអត្ថន័យដ៏​ជ្រាល​ជ្រៅ​បង្ហាញនូវមោទនភាពអំពី
អត្តសញ្ញាណជនជាតិ ឆ្លុះបញ្ចាំងដ៏រស់រវើកនូវ​ជីវភាពរស់នៅខាងវប្បធម៍ស្មារតីរបស់ជន
រួមជាតិ Giay៕