សមត្ថភាពដាំដុះកសិកម្មរបស់ជនជាតិ Mong (vtv.vn)

        Vovworld-ជនរួមជាតិជាជនជាតិ Mong ធ្វើ​ចម្ការ​លើព្រៃដុតនិង​ជាពិសេសដាំ
ស្រូវទឹក។ ដើម្បីធ្វើប្រការនេះជនរួមជាតិ Mong បានជីកគាស់រានដីនៅក្រោមទួល។ ដំបន់ដីនេះមិនចំណោតខ្ពស់ណាស់ណាទេ ជាពិសេសត្រូវមានប្រភពទឹកធម្មជាតិ
ដែលហូរចេញពីគ្រលាតថ្មនៃជ្រោះ។ លោក Giang My Ly ជនជាតិ Mong នៅខេត្ត
Lao Cai បានឲ្យដឹងថា៖

        “ជនរួមជាតិ Mong មានប្រពៃណីយូរអង្វែងក្នុងការដាំដុះស្រែកាំជណ្ដើរ។​ ជន
រួមជាតិ Mong ធ្វើពីជើងទួលឡើងដល់កំពូលទួល។ ដល់រដូវដាំដុះក៏ត្រូវធានា
បរិមាណទឹករាបស្មើលើផ្ទៃស្រែនីមួយៗ។”

        លោក Giang My Ly បានឲ្យដឹងថា ដើម្បីបង្កើតស្រែកាំជណ្ដើរនោះ ការជីក
គាស់រានដី​ឲ្យ​រាបស្មើរគឺសំខាន់និងទាមទាឲ្យមានលទ្ធកម្មបច្ចេកទេសខ្ពស់។ ពី
ព្រោះស្រែ​កាំជណ្ដើរនីមួយៗត្រូវធានាកត្តាចំនួន២គឺផ្ទៃដីរាបស្មើនិងប្រភពទឹក។ បន្ទាប់ពីផ្ទៃដីត្រូវបានសម្អាតនោះ គេនឹងរកកន្លែងស្មើបំផុត​ដើម្បី​ដំណើរការជីក
កកាយឲ្យរាបស្មើ។ ការពិនិត្យកំរិតស្មើនៃផ្ទៃដីត្រូវបាន​គិតគូរតាមពិសោធន៍ទាំង
ស្រុង។ លោក Giang A Dinh នៅខេត្ត Lao Cai បានឲ្យដឹងថា៖

        “សមត្ថភាពរបស់ជនរួមជាតិ Mong ត្រូវបានកែលំអរពីមួយថ្ងៃទៅមួយថ្ងៃ
របៀបជីកគាស់រានដីខុសប្លែកជា​ច្រើន។ ពីព្រោះជនជាតិ Mong កំណត់បាន
ទួលដែលខ្លួនជីកគាស់រានដីដែលមិនត្រឹមតែ​ជួយឲ្យគេមានស្រែប៉ុណ្ណោះទេ
ថែមទាំងបង្កើតឡើងទេសភាពធម្មជាតិល្អត្រកាលទៀតផង។”

        ជនរួមជាតិ Mong បានបង្កើតស្រែកាំជណ្ដើរដ៏ធំទូលាយនៅខេត្ត Yen Bai រឺ
ខេត្ត Lao Cai ភាគខាងជើងវៀតណាម។ គ្មានអ្នក​ណាគិត​ស្មាន​បានថា ដោយ
បាតដៃទទេ ឧបករសាមញ្ញនោះជំនាន់ប្រជាជន Mong ជាច្រើនបានបង្កើតឡើង
នូវសំណង់ដ៏ល្អត្រកាលដូច្នេះឡើយ។ លោក Giang A Tru នៅខេត្ត Yen Bai បាន
ឲ្យដឹងថា៖

        “ជនរួមជាតិ Mong ឧស្សាហ៍ព្យាយាមធ្វើស្រែចំការនៅដំបន់លំបាក ដោយ
ហេតុនេះ​ជីវភាពរស់នៅមានការលំបាកលំប៉ិនជាច្រើន។ ពួកគេធ្វើតាម​បទ​ពិសោធន៍របស់ជីដូនជីតា។ ​ធ្វើស្រែបានហើយ ត្រូវជ្រើសរើសនង្គល់ក្របីក៏សំខាន់
ឲ្យសមស្រប​ទៅនឹងដំបន់ដីខ្ពស់នេះ។”

        ជាមួយជីវភាពរស់នៅសាមញ្ញ ជនរួមជាតិ Mong គ្មានពេលណាគិតថាខ្លួនជា​វិស្វករស្រែចម្ការពិសេសនិងជាវិចិត្រករបង្កើតឡើងទេសភាពឡើយ។ ដោយបទ
ពិសោធន៍រស់នៅដែលបានប្រមូលពីរាប់ពាន់ជំនាន់ ជនជាតិ Mong សុទ្ធតែបាន
អនុវត្តប្រការនោះចូលក្នុងការផលិតកម្ម៕