អនុរដ្ឋមន្ត្រីការបរទេសលោក Toh Anh Dung អញ្ជើញថ្លែងក្នុងកិច្ចប្រជុំ

នៅរសៀលថ្ងៃទី ១២ ខែតុលាឆ្នាំ ២០២០ កិច្ចសន្ទនាជាន់ខ្ពស់នៃវេទិកាសហប្រតិបត្តិការអាស៊ី - អឺរ៉ុប (ASEM) ស្តីពី “ការជំរុញសិទ្ធិអំណាចសេដ្ឋកិច្ចដល់ស្ត្រីក្នុងបរិបទនៃការរីករាលដាលជំងឺរាតត្បាត កូវីដ ១៩” បានបើកនៅទីក្រុងហាណូយ។ តំណាងជិត ១៣០ នាក់ ដែលបានចូលរួមតាមអនឡាញ ផ្សាយចេញពីជាង ៤០ ប្រទេសសមាជិក ASEAM រួមទាំងអង្គការអន្ដរជាតិនិងតំបន់ចំនួន ៧ ទៀត បានចូលរួមកិច្ចពិភាក្សានេះផងដែរ។ កិច្ចសន្ទនានេះគឺជាគំនិតផ្តួចផ្តើមរបស់វៀតណាមដែលបានសមាជិក ASEM គាំទ្រយ៉ាងខ្លាំងក្លា។

ថ្លែងក្នុងពិធីបើក អនុរដ្ឋមន្ត្រីការបរទេសលោក To Anh Dung បានបញ្ជាក់ថា ឆ្នាំ ២០២០ គឺជាឆ្នាំសំខាន់មួយនៃការសម្រេចគោលដៅសមភាពយេនឌ័រនិងការផ្តល់សិទ្ធិអំណាចដល់ស្ត្រី និងរំលឹកខួបលើកទី ២៥ នៃការអនុវត្តសេចក្តីប្រកាសទីក្រុងប៉េកាំង រួមទាំងខួបរយៈពេល២០ ឆ្នាំនៃសេចក្តីសម្រេចចិត្ត លេខ ១៣២៥ របស់ក្រុមប្រឹក្សាសន្តិសុខអង្គការសហប្រជាជាតិស្តីពីស្ត្រី សន្តិភាពនិងសន្តិសុខ។ អនុរដ្ឋមន្រ្តីលោក To Anh Dung បានស្នើឱ្យ ASEM ពង្រឹងថែមទៀតកិច្ចសហប្រតិបត្តិការអាស៊ី - អឺរ៉ុប និងមានគោលនយោបាយដើម្បីលើកកម្ពស់ការផ្តល់សិទ្ធិអំណាចដល់ស្ត្រី ដើម្បីសម្រេចបាននូវ “គោលដៅពីរដើរទន្ទឹមគ្នា” ក្នុងការឆ្លើយតបនិងជំងឺរាតត្បាតនិងស្តារសេដ្ឋកិច្ចក្រោយជំងឺរាតត្បាតផងដែរ។  

សូមគូសបញ្ជាក់ថា កិច្ចសន្ទនានេះ គឺជាសកម្មភាពសំខាន់បំផុតរបស់ ASEM ក្នុងឆ្នាំ ២០២០ ហើយក៏ជាសកម្មភាពជាក់ស្តែងដើមដំបូង ក្នុងការអនុវត្តការបញ្ជាណែនាំរបស់រដ្ឋមន្រ្តីការបរទេស ASEM ស្តីពីការឆ្លើយតបទៅនឹងជំងឺកូវីដ ១៩ ដែលត្រូវបានអនុម័តនៅក្នុងសេចក្តីប្រកាស ចុះថ្ងៃទី ៩ ខែកក្កដាឆ្នាំ ២០២០៕