ប្រជាជនអ៊ុយក្រែនជម្លៀសខ្លួនដើម្បីជៀសវាងជម្លោះ នៅស្ថានីយរថភ្លើងក្រុង Przemysl ភាគខាងកើតប្រទេសប៉ូឡូញ។ (រូបថត៖ AFP/TTXVN)

អញ្ជើញជាអធិបតីនៃសម័យប្រជុំនេះ រដ្ឋមន្ត្រីក្រសួងការងារ និងសង្គមកិច្ចសាធារណរដ្ឋឆែក លោក Marian Jurecka បានឲ្យដឹងថា សាធារណរដ្ឋឆែកកំពុងព្យាយាមជំរុញឱ្យ EU ដាក់ពង្រាយកញ្ចប់ហិរញ្ញវត្ថុពិសេសមួយ សើម្បីជួយឧបត្ថម្ភបណ្តាប្រទេស ក្នុងការទទួលជនជម្លៀសចេញពីអ៊ុយក្រែនកាន់តែច្រើន។ លោក Jurecka បានឲ្យដឹងថា លោកបានបញ្ចុះបញ្ចូលម្តងហើយម្តងទៀតដល់គណៈកម្មការអឺរ៉ុប (EC) ដើម្បីគាំទ្រ និងបែងចែកថវិកា ជាពិសេសគឺភាពបត់បែនក្នុងការប្រើប្រាស់ដើមទុនពីមូលនិធិដែលមានស្រាប់ ដើម្បីចែករំលែកបន្ទុកជាមួយប្រទេសមួយចំនួន ក្នុងការជួយឧបត្ថម្ភជនជម្លៀសពីអ៊ុយក្រែននៅឆ្នាំខាងមុខ។ ប្រការដ៏សំខាន់នោះគឺ EC អាចដាក់ពង្រាយកញ្ចប់ហិរញ្ញប្បទានពិសេសមួយ ដើម្បីបម្រើគោលបំណងនេះ។

នៅថ្ងៃធ្វើការដំបូងនៃសន្និសីទនេះ រដ្ឋមន្ត្រីក្រសួងការងារ និងសង្គមកិច្ច EU ក៏បានផ្តោតការពិភាក្សាលើបញ្ហាការងារសម្រាប់អ្នកជម្លៀសពីអ៊ុយក្រែន និងការគ្រប់គ្រងរលកជនជម្លៀស៕