កងទ័ពជើងទឹកវៀតណាមបានប្រយុទ្ធប្រឆាំងនឹងយន្តហោះអាមេរិក ( រូបថត៖ ទស្សនាវដ្តីការពារជាតិ)

យុទ្ធជ័យដើមដំបូងរបស់កងទ័ពជើងទឹកប្រជាជនវៀតណាមគឺជាព្រឹត្តិការណ៍លេចធ្លោនៃឆន្ទៈប្រយុទ្ធប្ដេជ្ញាយកឈ្នះ ឬទ្ធានុភាព និងបញ្ញាវៀតណាម ក្នុងការដណ្ដើមបានជ័យជំនះលើ ចក្រពត្តិអាមេរិកឈ្លានពាន របស់កងទ័ពជើងទឹកប្រជាជនវៀតណាម និងរបស់កងទ័ពនិងប្រជាជនភាគខាងជើង។

អស់រយៈពេល ៥៧ ឆ្នាំ បានកន្លងផុតទៅហើយ បណ្ដាមេរៀនបទពិសោធន៍ពីយុទ្ធជ័យដើមដំបូងនេះបានក្លាយទៅជាកម្លាំងចលករដល់ជំនាន់កម្មភិបាល យុទ្ធជនកងទ័ពជើងទឹក វៀតណាម បច្ចុប្បន្ន ដើម្បីអនុវត្តន៍ជាក់ស្តែង ហ្វឺកហ្វឹន ត្រៀមខ្លួនជាស្រេចប្រយុទ្ធ ដើម្បីសម្រេចរាល់ភារកិច្ច ដែលបានប្រគល់ជូនប្រកបដោយជោគជ័យ ការពារយ៉ាងរឹងមាំអធិបតេយ្យភាពកោះសមុទ្រមាតុភូម។លោកឧត្តមសេនីយ៍ទោ  Nguyen Van Bong ស្នងការនយោបាយកងទ័ពជើងទឹកបានអះអាងថា៖ “ក្នុងដំណើរការកសាង ប្រយុទ្ធ និងរីកធំធាត់នោះ កម្មាភិបាល យុទ្ធជនកងទ័ពជើងទឹកគ្រប់ជំនាន់សុទ្ធតែបានកំណត់ថា ត្រូវស្មោះត្រង់ជានិច្ចនឹងបក្ស រដ្ឋ និងប្រជាជនក្នុងគ្រប់កាលៈទេសៈ។ ទន្ទឹមនឹងនេះលើកកម្ពស់ឬទ្ធានុភាពនយោបាយយ៉ាងរឹងមាំ ឆន្ទៈប្ដេជ្ញាចិត្តខ្ពស់ ស្មារតីទទួលខុសត្រូវ។ ជាពិសេសគឺត្រៀមខ្លួនជាស្រេចទទួលភារកិច្ចថ្មី ត្រៀមខ្លួនជាស្រេចប្រយុទ្ធ ពលីជីវិត សម្រេចជោគជ័យនូវភារកិច្ចរបស់កម្លាំងស្នូលក្នុងកិច្ចការពារអធិបតេយ្យភាពកោះសមុទ្រ ខ្ពង់រាបបាតសមុទ្រដ៏ពិសិដ្ឋរបស់មាតុភូមិ ដែលបក្ស កងទ័ព និងប្រជាជនបានប្រគល់ជូនផងដែរ”៕