សន្និសីទនេះនឹងពិភាក្សាអំពីការប្រែប្រួលអាកាសធាតុ ក៏ដូជជាឥទ្ធិពលទៅលើគ្រប់វិស័យ៖ កសិកម្ម ឧស្សាហកម្ម និងផ្សេងៗទៀត។ សន្និសីទនេះត្រូវបានរំពឹងថា នឹងបង្កើតយថាទស្សន៍ក្នុងការកៀងគរសហគមន៍អន្តរជាតិឱ្យធ្វើសកម្មភាពរួមគ្នាដើម្បីប្រែក្លាយការសន្យាឱ្យក្លាយជាសកម្មភាពជាក់ស្តែង  និងសម្រេចបានការឯកភាពគ្នាក្នុងការឈ្លើយតបទៅនឹងការប្រែប្រួលអាកាសធាតុ ជាពិសេសគ្រោះរាំងស្ងួត វាលខ្សាច់ ទឹកជំនន់ ភ្លើងឆេះព្រៃ ព្រៃកោងកាងដែលបណ្តាលមកពីការកើនឡើងនៃកម្ពស់ទឹកសមុទ្រ និងមហាសមុទ្រ ជាមួយនឹងផលវិបាកដូចជា វិបត្តិស្បៀងអាហារ និងសុខភាព អន្តោប្រវេសន៍ខុសច្បាប់ អស្ថិរភាព និងការផ្ទុះឡើងនៃជម្លោះប្រដាប់អាវុធ។

ប្រទេសសម្ចាស់ផ្ទះអេហ្ស៊ីបកំពុងខិតខំប្រឹងប្រែងដើម្បីសម្រេចបានជោគជ័យក្នុងការចរចាបរិស្ថាន។ មុននេះ អង្គការសហប្រជាជាតិក៏បានព្រមានថា កិច្ចខិតខំប្រឹងប្រែងអន្តរជាតិក្នុងការកាត់បន្ថយសីតុណ្ហភាពនៅត្រឹម ១,៥ អង្សាសេ គឺមិនគ្រប់គ្រាន់ទេ ហើយអត្រានៃការកើនឡើងការបំភាយឧស្ម័នអាចឡើងដល់ ១០,៦% នៅឆ្នាំ ២០៣០។អង្គការសហប្រជាជាតិក៏បានអំពាវនាវឱ្យប្រទេសឧស្សាហកម្មអភិវឌ្ឍន៍បង្កើនជំនួយផ្នែកហិរញ្ញវត្ថុ និងបច្ចេកវិទ្យាដល់បណ្តាប្រទេសកំពុងអភិវឌ្ឍន៍ ដើម្បីឆ្លើយតបនឹងផលប៉ះពាល់នៃការប្រែប្រួលអាកាសធាតុ៕