រដ្ឋមន្ត្រីនគរបាលវៀតណាមលោក Luong Tam Quang បានអះអាងដូច្នេះ ក្នុងជំនួបជាមួយលោកស្រី Pauline Tamesis អ្នកសម្របសម្រួលអង្គការសហប្រជាជាតិប្រចាំនៅវៀតណាម (រូបថត៖ bocongan.gov.vn)

កងកម្លាំងនគរបាលវៀតណាមជានិច្ចកាល ហើយ ត្រៀមខ្លួនជាស្រេចចូលរួមដោះស្រាយបញ្ហាសកល។ រដ្ឋមន្ត្រីនគរបាលវៀតណាមលោក Luong Tam Quang បានអះអាងដូច្នេះ ក្នុងជំនួបជាមួយលោកស្រី Pauline Tamesis អ្នកសម្របសម្រួលអង្គការសហប្រជាជាតិប្រចាំនៅវៀតណាម កាលពីរសៀលថ្ងៃទី ១៨ កក្កដានៅទីក្រុងហាណូយ។

នៅក្នុងជំនួបនេះ លោករដ្ឋមន្ត្រី Luong Tam Quang បានសង្កត់ធ្ងន់លើគោលនយោបាយឥតងាករេរបស់វៀតណាមក្នុងការគាំទ្រមជ្ឈភាពរបស់អង្គការសហប្រជាជាតិក្នុងប្រព័ន្ធអភិបាលកិច្ចសកល ជាពិសេសក្នុងការថែរក្សាសន្តិភាព និងសន្តិសុខអន្តរជាតិ។ លោករដ្ឋមន្ត្រី Luong Tam Quang បានឲ្យដឹងថា ចាប់ពីឆ្នាំ២០២២ មក ក្រសួងនគរបាលវៀតណាមបានបញ្ជូនក្រុមការងារចំនួន ៤  រួមមាននាយទាហានចំនួន ១១ នាក់ទៅបំពេញបេសកកម្មថែរក្សាសន្តិភាពនៃអង្គការសហប្រជាជាតិនៅស្ថានបេសកកម្ម UNMISS នៅស៊ូដង់ខាងត្បូង និងស្ថានបេសកកម្ម UNISFA (តំបន់ Abyei ); បញ្ជូននាយទាហានម្នាក់បម្រើការនៅការិយាល័យប៉ូលីស នាយកដ្ឋានប្រតិបត្តិការសន្តិភាពនៃអង្គការសហប្រជាជាតិ។ លើសពីនេះ នាខែមករាឆ្នាំនេះ ក្រសួងនគរបាលបានបង្កើត និងដាក់ឱ្យដំណើរការអង្គភាព ប៉ូលីស រក្សាសន្តិភាពនៃអង្គការសហប្រជាជាតិ លេខ១។ លើសពីនេះ ក្រសួងនគរបាលក៏បានសម្របសម្រួលជាប្រចាំ និងជិតស្និទ្ធជាមួយទីភ្នាក់ងារផ្សេងទៀតនៃអង្គការសហប្រជាជាតិប្រចាំនៅវៀតណាម ក្នុងការជំរុញសមភាពយេនឌ័រ។

អំពីកិច្ចសហប្រតិបត្តិការនាពេលខាងមុខ លោករដ្ឋមន្ត្រី Luong Tam Quang បានស្នើឱ្យលោកស្រី Pauline Tamesis បន្តបង្កលក្ខណៈងាយស្រួលដល់កិច្ចសហប្រតិបត្តិការរវាងទីភ្នាក់ងារអង្គការសហប្រជាជាតិ និងក្រសួងនគរបាលវៀតណាម ក្នុងនោះផ្ដោតសំខាន់លើការជួយឧបត្ថម្ភសម្ភារៈ និងលើកកំពស់សមត្ថភាពទប់ស្កាត់ និងប្រយុទ្ធប្រឆាំងឧក្រិដ្ឋកម្មឆ្លងដែន សម្រាប់ក្រសួងនគរបាល។

ជាការឆ្លើយតប លោកស្រី Pauline Tamesis បានសន្យាថានឹងបន្តជួយឧបត្ថម្ភក្រសួងក្នុងការអនុវត្តន៍សកម្មភាពបណ្តុះបណ្តាល ហ្វឹកហ្វឺននាយទាហាននគរបាលដែលចូលរួមកម្លាំងរក្សាសន្តិភាពនៃអង្គការសហប្រជាជាតិ ក៏ដូចជាជំរុញកម្មវិធីសហប្រតិបត្តិការរវាងក្រសួងនគរបាលវៀតណាម និងទីភ្នាក់ងារនានានៃអង្គការសហប្រជាជាតិផងដែរ៕