កំលាំងប្រឆាំងរដ្ឋាភិបាលនៅអ៊ុយក្រែននាំចេញសំណូមពរអំពីបទឈប់បាញ់មួយ (Image: radiovietnam.vn)

(VOVworld) – នាថ្ងៃទី ៤ កញ្ញា មេដឹកនាំគ្រប់រូបនៃកំលាំងប្រឆាំងរដ្ឋាភិបាលនៅតំបន់ ខាងកើតអ៊ុយក្រែនបាននាំចេញសំណូមពរអំពីបទឈប់បាញ់មួយជាមួយរដ្ឋអំណាច
Kiev។ តាមនោះ គេគាំទ្រផែនការដោះស្រាយវិបត្តិនៅអ៊ុយក្រែនដែលប្រធានាធិបតី
រុស្ស៊ី លោក Vladimir Putin បានប្រកាសមុននេះ។ តាមទីភ្នាក់ងារសារព័ត៌មានរបស់
រុស្ស៊ី Interfax បានឲ្យដឹងថា៖ បណ្ដាមេដឹកនាំនៃសាធារណៈរដ្ឋស្វ័យប្រកាស Donetsk
និង Lugansk បានស្នើរបង្កើត “តំបន់សន្តិសុខមួយ” រួមមានទីកន្លែងចំនួន ៥ ដែលនឹង
ស្ថិតក្រោមការឃ្លាំមើលរបស់អ្នកសង្កេតការចំនួន ៤០ នាក់របស់អង្គការសន្តិសុខនិង
សហប្រតិបត្តិការអឺរ៉ុប (OSCE) ។ ក្រៅពីនោះ គេបានអះអាងនឹងបើករបៀងមនុស្សធម៌
សំរាប់ជនភ្ញៀសខ្លួនសំដៅស្ថិរភាពស្ថានភាពនិងបញ្ចប់ការប៉ះទង្គិច។ មុននោះ ប្រធានាធិបតីរុស្ស៊ីបាននាំចេញការផ្តើមគំនិតរួមមានចំណុច ៧ សំដៅដោះ ស្រាយវិបត្តិនយោបាយនៅអ៊ុយក្រែន៕