ឧបនាយករដ្ឋមន្ត្រី Hoang Trung Hai ទៅត្រួតពិនិត្យផលវិបាកនៃព្យុះ Wutip (VOV)

        Vovworld-តាមការស្ថិតិដំបូងថា បានមានមនុស្សចំនួន៣​នាក់​ត្រូវ​ស្លាប់និង
៣១នាក់រងរបួសដោយព្យុះ Wutip (ព្យុះលេខ១០)។ ព្យុះ Wutip បានធ្វើឲ្យផ្ទះរាប់​
ពាន់​ខ្នងនៅខេត្ត Quang Binh និង Quang Tri ត្រូវបាក់ដំបូល ខ្សែផ្លូវគោកផ្លូវ​ដែក​ពីភាគខាងជើងទៅភាគខាងត្បូងត្រូវស្រុតបាក់ដីនៅកន្លែងជាច្រើនជាដើម។
ព្យុះ Wutip បានបណ្ដាលឧបទ្ទេហេតុលើខ្សែអគ្គិសនី 500kv ពីភាគខាងជើងទៅ
ភាគខាងត្បូង​កំណាត់ពីខេត្ត Ha Tinh ដល់ Da Nang ត្រូវផ្ដាច់ជាមួយប្រព័ន្ធអគ្គិសនី
ជាតិ។ រហូតដល់ម៉ោង២៣ថ្ងៃ​ទី៣០កញ្ញា សម្ព័ន្ធក្រុមហ៊ុនអគ្គិសនីវៀតណាមបាន
ស្ដារឡើងវិញប្រព័ន្ធ​អគ្គិសនី​ជាតិ។

        ព្យុះ Wutip បានធ្វើឲ្យដួល Angten របស់វិទ្យុផ្សាយសម្លេង Dong Hoi ចំណុះ​មជ្ឈមណ្ឌលបច្ចេកទេសផ្សាយសម្លេងនៃវិទ្យុសម្លេងវៀតណាមនៅទីក្រុង Dong
Hoi ធ្វើឲ្យកម្មាភិបាល២នាក់របស់វិទ្យុត្រូវស្លាប់និងកម្មករមួយនាក់រងរបួស​ធ្ងន់។​

        នាយប់ថ្ងៃទី៣០កញ្ញា នៅទីក្រុង Dong Hoi ខេត្ត Quang Binh ឧបនាយករដ្ឋ​មន្ត្រី
វៀតណាមលោក Hoang Trung Hai បានធ្វើអធិបតីកិច្ចប្រជុំគណៈកម្មាធិការ​បញ្ជា
បង្កាទប់ទល់នឹងព្យុះទឹកជំនន់មជ្ឈឹមក្រសួងផ្នែកនិងខេត្ត Quang Binh បញ្ជាណែ​នាំជំនះពុះពារលើផលវិបាកនៃព្យុះលេខ១០។ រដ្ឋមន្ត្រីក្រសួងកសិកម្មនិង​អភិវឌ្ឍន៍​
ជនបទលោក Cao Duc Phat ប្រធានគណៈកម្មាធិការបញ្ជាបង្កាទប់ទល់នឹងព្យុះទឹក​ជំនន់មជ្ឈឹមបានសង្កត់ធ្ងន់ថា៖

        “ខ្ញុំបានសង្កេតឃើញថា​ព្យុះលើកនេះខ្លាំងជាងព្យុះ Sanxen។ ការខូចខាតអាច​ធ្ងន់ធ្ងរណាស់ប៉ុន្តែយើងមិនទាន់ក្ដាប់បាននៅឡើយ។ ដោយហេតុនេះរដ្ឋអំណាច
មូលដ្ឋានត្រូវចុះទៅត្រួត​ពិនិត្យដើម្បីក្ដាប់បានការខូចខាតនិងមានវិធានការជួយ
សង្គ្រោះបន្ទាន់។ តាមការ​ព្យាករណ៍ថា​នឹងបន្តមានភ្លៀងធ្លាក់ខ្លាំង ដូច្នេះបណ្ដាដំបន់
ត្រូវប្រុងប្រយ័ត្ន ណែនាំ​ប្រជាជននៅដំបន់គ្រោះថ្នាក់ត្រូវបន្តជម្លាសចេញដើម្បី
ធានាសុវត្ថិភាពអំពីអាយុជីវិត។”

        ថ្លែងមតិបញ្ជានៅកិច្ចប្រជុំ ឧបនាយករដ្ឋមន្ត្រី Hoang Trung Hai បានស្នើរ​ឲ្យបណ្ដាដំបន់ត្រូវបន្តតាមដានទប់ទល់នឹងភ្លៀងធ្លាក់ទឹកជំនន់ក្រោយនឹងព្យុះ។

        “ការងារដំបូងបង្អស់ដែលបណ្ដាដំបន់ត្រូវធ្វើគឺធានាគមនាគមន៍។ មន្ទី​គមនាគមន៍បណ្ដាខេត្តគប្បីម្ចាស់ការអនុវត្តការងារចាំបាច់។ ទី២គឺព័ត៌មាននិង
ផ្សព្វ​ផ្សាយ។​ ទី៣គឺអគ្គិសនី។”

        ខេត្ត Nghe An បានបញ្ជូនក្រុមការងារចំនួន៤ចុះត្រួតពិនិត្យនិងបញ្ជាការងារ​ទប់ទល់នឹងព្យុះនៅដំបន់។ លោក Dinh Viet Hong អនុប្រធានគណៈកម្មាធិការ​
ប្រជាជនខេត្ត Nghe An បានឲ្យដឹងថា៖

        “ចំពោះដំបន់ព្រៃភ្នំនោះព្រមានឲ្យប្រជាជនប្រុងប្រយ័ត្នទឹកជំនន់និងស្រុតដី។ ចំពោះសំណង់ធារាសាស្ត្រសំខាន់នោះ គណៈកម្មាការបញ្ជាបង្កាប្រឆាំង​ព្យុះ​ទឹក​ជំនន់បណ្ដាបឹងដំបន់តាមដានម្ចាស់ការដំណើរការធានាវិទ្យាសាស្ត្រ។ បណ្ដា
ដំបន់​ត្រូវចាត់មនុស្សតាមដានដើម្បីម្ចាស់ការទប់ទល់ក្នុងពេលមានឧបទ្ទេហេតុកើត
មានឡើង៕”