បាតុករគ្រវីទង់ជាតិប៉ាឡេស្ទីននៅខាងក្រៅតុលាការយុត្តិធម៌អន្តរជាតិក្នុងទីក្រុងឡាអេ កាលពីថ្ងៃទី២៦ ខែមករា ឆ្នាំ២០២៤។ រូបថត៖ រ៉យទ័រ

ក្នុងពេលជាមួយគ្នានោះ នាថ្ងៃដដែល តំណាងជាន់ខ្ពស់នៃសហភាពអឺរ៉ុប (EU) ទទួលបន្ទុកគោលនយោបាយការបរទេស និងសន្តិសុខ លោក Josep Borrell បានឲ្យដឹងថា ប្រទេសចំនួន ២៦ ក្នុងចំណោមប្រទេសសមាជិក EU ចំនួន ២៧ បានអំពាវនាវឱ្យមានបទឈប់បាញ់ភ្លាមមួយរំពិច សម្រាប់គោលបំណងមនុស្សធម៌ក្នុងជម្លោះរវាងអ៊ីស្រាអែល និង ចលនាអ៊ីស្លាមហាម៉ាស។ សហភាពអឺរ៉ុបក៏បានអំពាវនាវដល់អ៊ីស្រាអែលមិនដាក់ពង្រាយប្រតិបត្តិការយោធានៅទីក្រុង Rafah ពីព្រោះវិធានការនេះនឹងបង្កឱ្យមានគ្រោះសោកនាដកម្មសម្រាប់ជនភៀសខ្លួនប្រហែល ១,៥ លាននាក់ដែលកំពុងជ្រកកោនក្នុងទីក្រុងនៅភាគខាងត្បូងតំបន់ហ្គាហ្សានេះ៕