នាយករដ្ឋមន្ត្រីវៀតណាមលោក Nguyen Tan Dung បានជួបសន្ទនាជាមួយប្រធានរដ្ឋសភាគុយបាលោក Esteban Lazo Hermandez (VGP)

        Vovworld-ក្នុងក្របខ័ណ្ឌសកម្មភាពដំណើរទស្សនកិច្ចជាផ្លូវការនៅគុយបា នាព្រឹកថ្ងៃទី២៧មិនា(តាមម៉ោងវៀតណាម) នាយករដ្ឋមន្ត្រីវៀតណាមលោក
Nguyen Tan Dung បានជួបសន្ទនាជាមួយប្រធានរដ្ឋសភាគុយបាលោក Esteban
Lazo Hermandez ទៅទស្សនាវិទ្យាស្ថានគុយបាមិត្តភាព​ជា​មួយបណ្ដាជនជាតិ
(ICAP) និងសមាគមមិត្តភាពគុយបា-វៀតណាម ដាក់កម្រង​ផ្កានៅស្ដូប​លោក​
ប្រធាន​ហូជីមិញ ទស្សនាស្ថានទូតវៀតណាមប្រចាំនៅ​គុយបា។

        ជួបសន្ទនាជាមួយប្រធានរដ្ឋសភាគុយបា នាយករដ្ឋមន្ត្រី Nguyen Tan Dung បានសម្ដែងការចាប់អារម្មណ៍ចំពោះរាល់សមិទ្ធិដែលបក្សរដ្ឋនិងប្រជាជន​គុយបា
ទទួលបានក្នុងកិច្ចការកសាងនិងអភិវឌ្ឍន៍ប្រទេសជាតិក្នុងរយៈពេល​កន្លងមក ក្នុងនោះមានការរួមចំណែកសំខាន់របស់រដ្ឋសភាគុយបា។

        ប្រធានរដ្ឋសភាគុយបាលោក Esteban Lazo Hermandez មានបំណង​ភាគី​ទាំង​
ពីរ​បង្កើនជំរុញសកម្មភាពសហប្រតិបត្តិការសេដ្ឋកិច្ចពាណិជ្ជកម្មវិនិយោគ ទន្ទឹមនឹង
នោះមានបំណងបន្តទទួលបានការផ្លាស់ប្តូរបទពិសោធន៍របស់វៀតណាមក្នុងការ
កសាងនិងអភិវឌ្ឍន៍សេដ្ឋកិច្ចសង្គមនៃប្រទេសជាតិ។

        ផ្លាស់ប្តូរជាមួយកម្មាភិបាលបុគ្គលិកវិទ្យាស្ថានគុយបាមិត្តភាពជាមួយបណ្ដា
ជនជាតិនិងសមាគមមិត្តភាពគុយបា-វៀតណាម នាយករដ្ឋមន្ត្រី Nguyen Tan Dung
បានអះអាងថា​វៀតណាមជានិច្ចកាលប្រកៀកស្មាជាមួយគុយបា​ចំណង​សាមគ្គីភាព
មិត្តភាពគំរូវៀតណាម-គុយបានឹងចីរភាពជានិច្ចនិរន្ត។

        និយាយជាមួយកម្មាភិបាលបុគ្គលិកស្ថានទូតវៀតណាមប្រចាំនៅគុយបា
នាយករដ្ឋមន្ត្រី Nguyen Tan Dung បានរំលឹកកម្មាភិបាលបុគ្គលិកម្នាក់ៗជា​និច្ចកាល​
ក្ដាប់​ជាប់គោលមាគ៌ាគោលនយោបាយកិច្ចការបរទេសរបស់បក្ស​និង​រដ្ឋ ធ្វើល្អ
តួនាទីជាស្ពានមិត្តជំរុញទំនាក់ទំនងសហប្រតិបត្តិការវៀតណាម​គុយបា​លើគ្រប់
វិស័យ៕