រដ្ឋមន្ត្រីក្រសួងឧស្សាហកម្ម និងពាណិជ្ជកម្ម លោក Nguyen Hong Dien ជួបធ្វើការជាមួយលោក Thani bin Ahmed Al Zeyoudi រដ្ឋលេខាធិការទទួលបន្ទុកពាណិជ្ជកម្មអន្តរជាតិ ក្រសួងសេដ្ឋកិច្ច UAE  (រូបថត៖ congthuong.vn)

នៅក្នុងជំនួបនេះ ភាគីទាំងពីរបានវាយតម្លៃខ្ពស់ចំពោះការខិតខំប្រឹងប្រែង និងវឌ្ឍនភាពដែលសម្រេចបានក្នុងការ     ពន្លឿនដំណើរការចរចានៃកិច្ចព្រមព្រៀងភាព ជាដៃគូសេដ្ឋកិច្ចគ្រប់ជ្រុងជ្រោយរវាងវៀតណាម និង UAE (CEPA Vietnam - UAE); ពិភាក្សាដើម្បីស្វែងរកដំណោះស្រាយលើខ្លឹមសារដែលភាគីទាំងពីរនៅតែមានទស្សនៈខុសគ្នា។

អំពីកិច្ចសហប្រតិបត្តិការទ្វេភាគី លោករដ្ឋមន្ត្រី Nguyen Hong Dien បានស្នើឱ្យភាគី UAE ពិចារណា និងសម្របសម្រួលសកម្មភាពផ្លាស់ប្តូរគណៈប្រតិភូធុរកិច្ច សម្របសម្រួលរៀបចំសកម្មភាពជំរុញពាណិជ្ជកម្ម និងការតភ្ជាប់ពាណិជ្ជកម្ម ជាពិសេសលើវិស័យសេដ្ឋកិច្ច ពាណិជ្ជកម្ម វិនិយោគ និងភស្តុភារ។ ទន្ទឹមនឹងនោះ  អំពាវនាវឱ្យអង្គភាពអាជីវកម្ម UAE ស្រាវជ្រាវ និងបណ្តាក់ទុននៅវៀតណាមក្នុងវិស័យមួយចំនួនដែលមានផលប្រយោជន៍ទៅវិញទៅមក។ នាពេលខាងមុខ ភាគីទាំងពីរបានឯកភាពបន្តកិច្ចសហប្រតិបត្តិការជិតស្និទ្ធថែមទៀត ដើម្បីបញ្ចប់ការចរចារ CEPA វៀតណាម - UAE នាពេលឆាប់ៗខាងមុខ; ពង្រឹងកិច្ចសហប្រតិបត្តិការសេដ្ឋកិច្ច និងពាណិជ្ជកម្មទ្វេភាគី៕