ប្រធានាធិបតីអាមេរិកចង់បញ្ឈប់ជំលោះ ស.ប.ប.ក. ក្នុងអាណត្តិរបស់ខ្លួន

នាថ្ងៃទី ២០ ឧសភា ព្រឹទ្ធសមាជិកម្នាក់ លោក Linsey Graham បានឲ្យដឹងថា៖ ប្រធានាធិបតីអាមេរិកលោក Donald Trump មានគោលបំណង ចង់បញ្ឈប់ជំលោះនុយក្លេអ៊ែរ ស.ប.ប.ក. ក្នុងអាណត្តិនេះរបស់លោក ហើយត្រៀមខ្លួនជាស្រេចប្រើប្រាស់វិធានការណ៍យោធាប្រសិនបើវិធានការការទូតទទួលបរាជ័យ។ ប្រធានាធិបតីអាមេរិក លោក Donald Trump និងថ្នាក់ដឹកនាំ ស.ប.ប.ក. លោក Kim Jong-un គ្រោងនឹងមានជំនួបកំពូលនាថ្ងៃទី ១២ មិថុនា នៅសឹង្ហបុរីសំដៅពិភាក្សាការលុបបំបាត់នុយក្លេអ៊ែរលើឧបទ្វីបកូរ៉េ។ ប៉ុន្តែ នាសប្តាហ៍មុនព្យុងយ៉ាងបានព្រមាននឹងមិនចូលរួមជំនួបកំពូលប្រសិនបើអាមេរិកដាក់សម្ពាធលើកូរ៉េខាងជើងលុបបំបាត់នុយក្លេអ៊ែរដោយឯកតោភាគីនោះ៕