ប្រធានរដ្ឋសភាលោក Tran Thanh Man ជួបធ្វើការជាមួយគណៈកម្មាធិការសេដ្ឋកិច្ច; ហិរញ្ញវត្ថុ; ថវិកា; វិទ្យាសាស្ត្រ បច្ចេកវិទ្យា និងបរិស្ថាននៃរដ្ឋសភា

ក្នុងកិច្ចប្រជុំនេះ គណៈប្រតិភូបានស្តាប់ប្រធានគណៈកម្មាធិការសេដ្ឋកិច្ច លោក Vu Hong Thanh; ប្រធានគណៈកម្មាធិការហិរញ្ញវត្ថុ និងថវិកា លោក Le Quang Manh; ប្រធានគណៈកម្មាធិការវិទ្យាសាស្ត្រ បច្ចេកវិទ្យា និងបរិស្ថាន លោក Le Quang Huy រាយការណ៍អំពីសកម្មភាពរបស់ស្ថាប័ន ចាប់ពីដើមនិតីកាលទី ១៥ រហូតមកដល់បច្ចុប្បន្ន។ តាមនោះ គណៈកម្មាធិការនានាបានដាក់ជូនរដ្ឋសភាធ្វើការពិនិត្យនិងសម្រេចចិត្តលើខ្លឹមសារសំខាន់ៗជាច្រើន ដោយជះឥទ្ធិពលយ៉ាងជ្រាលជ្រៅ និងទូលំទូលាយលើជីវភាពសេដ្ឋកិច្ចសង្គមរបស់ប្រទេសជាតិ ដូចជា៖ ច្បាប់ភូមិបាល (វិសោធនកម្ម), ច្បាប់ស្តីពីគ្រឹះស្ថានឥណទាន (វិសោធនកម្ម) ច្បាប់ស្តីពីការដេញថ្លៃ (វិសោធនកម្ម) សេចក្តីសម្រេចចិត្តស្តីពីការរៀបចំផែនការលំហសមុទ្រជាតិ។ មកទល់ពេលនេះ បណ្តាស្ថាប័នបានបញ្ចប់ខ្លឹមសារនិងភារកិច្ចចំនួន ៨៩/១០៩ ក្នុងកម្មវិធីសកម្មភាពរបស់គណៈកម្មាធិការបក្សនៃរដ្ឋសភា ពោលគឺសម្រេចបាន ៨១,៧%៕