អគារមួយត្រូវបានបំផ្លាញបន្ទាប់ពីការវាយប្រហារផ្លូវអាកាសរបស់អ៊ីស្រាអែលលើទីក្រុង Rafah តំបន់ហ្គាហ្សា កាលពីថ្ងៃទី ៤ ខែមីនា ឆ្នាំ ២០២៤។ រូបថត៖ THX/TTXVN

ជុំចរចាស្វែងរកបទឈប់បាញ់សម្រាប់តំបន់ហ្គាហ្សាដែលបានអូសបន្លាយក្នុងរយៈពេល ៥ ថ្ងៃជាប់ៗគ្នារវាងអ្នកចរចាអន្តរជាតិ និងកងកម្លាំងហាម៉ាស់ ដែលប្រព្រឹត្តិទៅនៅទីក្រុងគែរ ប្រទេសអេហ្ស៊ីបត្រូវបានផ្អាក។ កាលពីម្សិលមិញ (ថ្ងៃទី ៧ ខែមីនា) តំណាងក្រុមចរចារបស់ហាម៉ាស់បានចាកចេញពីទីក្រុងគែរដើម្បីធ្វើការពិគ្រោះយោបល់ផ្ទៃក្នុងអំពីលទ្ធផលនៃការចរចាក្នុងប៉ុន្មានថ្ងៃថ្មីៗនេះជាមួយអ្នកសម្រុះសម្រួលមកពីសហរដ្ឋអាមេរិក កាតា និងអេហ្ស៊ីប។ ទោះជាយ៉ាងណាក៏ដោយ ភាគីនានានៅតែសម្រេចចិត្តបន្តដំណើរការចរចាឡើងវិញនៅដើមសប្តាហ៍ក្រោយ ដែលជាកិច្ចខិតខំប្រឹងប្រែងចុងក្រោយដើម្បីសម្រេចបានបទឈប់បាញ់ដ៏ទូលំទូលាយរយៈពេលវែងនៅហ្គាហ្សា មុនពេលចាប់ផ្តើមបុណ្យរ៉ាម៉ាដានរបស់ជនជាតិឥស្លាម (ថ្ងៃទី ១១ ខែមិនា)។