ពិធីរំលឹកលើកតម្កើងសហគ្រិនគំរូវៀតណាមឆ្នាំ ២០២២។ (រូបថត៖ VOV)

ថ្លែងមតិក្នុងពិធីនេះ នាយករដ្ឋមន្ត្រី លោក Pham Minh Chinh បានបញ្ជាក់ថា បក្ស រដ្ឋជានិច្ចកាលយកចិត្តទុកដាក់ ហើយវាយតំលៃខ្ពស់ចំពោះតួនាទីរបស់ជួរ សហគ្រិន និងសហគមន៍សហគ្រាសវៀតណាមដោយសារនេះជាកម្លាំងផលិតសម្ភារៈ ស្នូល នៃខឿនសេដ្ឋកិច្ចវៀតណាម ដែលដើរតួនាទីយ៉ាងសំខាន់ក្នុងបុព្វហេតុកសាង និងអភិវឌ្ឍន៍ប្រទេសជាតិតាមរយៈសម័យកាលប្រវត្តិសាស្ត្រនានានៃបដិវត្តន៍វៀតណាម។

រដ្ឋាភិបាលនឹងបន្តបង្កលក្ខខណ្ឌអំណោយផលសម្រាប់សហគ្រាស និងសហ គ្រិន នៃសមាសភាគសេដ្ឋកិច្ចទាំងអស់ឲ្យមានលទ្ធភាពទទួលបានធនធានអភិវឌ្ឍន៍ ប្រកបដោយសមភាព; បង្កលក្ខខណ្ឌអំណោយផល និងលើកទឹកចិត្តយ៉ាងខ្លាំងដល់ ការអភិវឌ្ឍសហគ្រាសឯកជនក្នុងប្រទេស។ លោកនាយករដ្ឋមន្ត្រីមានគោលបំណងថា សហគមន៍សហគ្រាស និងសហគ្រិនវៀតណាមបន្តបង្ហាញយ៉ាងខ្លាំងក្លានូវតួនាទីត្រួស ត្រាយផ្លូវ ជាយុទ្ធជនដែលឈានមុខគេនៅសមរភូមិអភិវឌ្ឍន៍សេដ្ឋកិច្ចសង្គម; ម្ចាស់ការផ្លាស់ប្ដូរថ្មីនូវគំរូផលិតកម្ម អាជីវកម្ម រៀបចំរចនាសម្ព័ន្ធសហគ្រាសឡើងវិញ ដោយ ផ្សាភ្ជាប់នឹងការអភិវឌ្ឍសេដ្ឋកិច្ចបៃតង សេដ្ឋកិច្ចឌីជីថល និងសេដ្ឋកិច្ចវិលជុំ។ លោក នាយករដ្ឋមន្រ្តីមានប្រសាសន៍ថា៖

“ខ្ញុំជឿជាក់ថា ជួរសហគ្រិនវៀតណាម ជាមួយនឹងប្រពៃណី ចិត្ត - ទេពកោសល្យ - ប្រាជ្ញា - ទំនុកចិត្ត នឹងជំនះពុះពារលើរាល់ការលំបាក និងបញ្ហាប្រឈមនានាដើម្បី កសាងសហគ្រាសឲ្យកាន់តែរីកចម្រើន រួមវិភាគទានយ៉ាងសកម្ម ប្រកបដោយប្រសិទ្ធ ភាព ដើម្បីប្រទេសវៀតណាមខ្លាំងមាំមួន វិបុលភាព ដើម្បីសុភមង្គលនិងសេចក្ដីសុខ ចម្រុងចម្រើនរបស់ប្រជាជន”៕