នេះជាឱកាសដើម្បីវៀតណាមជំរុញទំនាក់ទំនងជាមួយសហភាពអឺរ៉ុប (EU) និងប្រទេសជាសមាជិក ចែករំលែក និងរៀនសូត្រពីបទពិសោធន៍អន្តរជាតិលើវិស័យដែលភាគីទាំងពីរមានប្រៀបខ្លាំង និងមានការយកចិត្តទុកដាក់ដូចគ្នា រួមចំណែកក្នុងការកៀរគរធនធានដើម្បីសម្រេចគោលដៅអភិវឌ្ឍន៍របស់វៀតណាម ក្នុងនោះមានកំណើនបៃតង និងការឆ្លើយតបទៅនឹងការប្រែប្រួលអាកាសធាតុ។ ដំណើរទស្សនកិច្ចការងាររបស់រដ្ឋមន្ត្រីការបរទេសលោក Bui Thanh Son នៅបែលហ្ស៊ិក មានគោលបំណងបន្តអនុវត្តន៍លទ្ធផលដែលសម្រេចបានក្នុងដំណើរទស្សនកិច្ចរបស់នាយករដ្ឋមន្ត្រីវៀតណាមលោក Pham Minh Chinh ទៅកាន់បែលហ្ស៊ិកក្នុងខែធ្នូ ឆ្នាំ២០២២ ក៏ដូចជាជំរុញទំនាក់ទំនងទ្វេភាគីផងដែរ។ តាមផែនការ ក្នុងដំណើរទស្សនកិច្ច រដ្ឋមន្ត្រីការបរទេសលោក Bui Thanh Son នឹងមានជំនួបពិភាក្សាជាមួយរដ្ឋមន្ត្រីការបរទេសបែលហ្ស៊ិក និងចូលរួមសកម្មភាពដ៏សំខាន់ៗជាច្រើនទៀតផងដែរ៕