អនុរដ្ឋមន្ត្រីក្រសួងការបរទេសវៀតណាមលោក Do Hung Viet ទទួលជួបលោក Surya Deva អ្នករាយការណ៍ពិសេសអង្គការសហប្រជាជាតិទទួលបន្ទុកសិទ្ធិអភិវឌ្ឍន៍។ (រូបថត៖ TTXVN)

ក្នុងជំនួបនេះ អនុរដ្ឋមន្ត្រី លោក Do Hung Viet បានចែករំលែកថា អភិក្រមរបស់វៀតណាមគឺគោរព ការពារ និងលើកកម្ពស់សិទ្ធិមនុស្ស; អះអាងថា វៀតណាមជានិច្ចកាលដាក់មនុស្សជាមជ្ឈភាព កម្មវត្ថុ និងកម្លាំងចលករនៃដំណើរការអភិវឌ្ឍន៍។ វៀតណាមជានិច្ចកាលធានាការចូលរួម ការរួមចំណែករបស់ប្រជាជន អង្គការ នយោបាយសង្គម អង្គការមហាជន អង្គភាពអាជីវកម្ម អង្គការមិនមែនរដ្ឋាភិបាល ដៃគូអភិវឌ្ឍន៍ និងភាគីពាក់ព័ន្ធនានាក្នុងដំណើរការនេះ។ បច្ចុប្បន្ននេះ វៀតណាមកំពុង ផ្ដល់អាទិភាពខ្ពស់ដល់ការអនុវត្តគោលដៅអភិវឌ្ឍន៍ប្រកបដោយចីរភាព ដោយមាន ការខិតខំប្រឹងប្រែងជាច្រើនក្នុងការកាត់បន្ថយភាពក្រីក្រពហុវិមាត្រប្រកបដោយចីរភាព ការឆ្លើយតបទៅនឹងការប្រែប្រួលអាកាសធាតុ ការកាត់បន្ថយការបំភាយឧស្ម័នសុទ្ធ មកកម្រិតសូន្យត្រឹមឆ្នាំ ២០៥០ ការការពារបរិស្ថាន ឆ្ពោះទៅរកសេដ្ឋកិច្ចបៃតង និង សេដ្ឋកិច្ចវិលជុំ។

រីឯខ្លួនវិញ អ្នករាយការណ៍ពិសេស លោក Surya Deva បានវាយតម្លៃខ្ពស់ ចំពោះគំនិតផ្តួចផ្តើមរបស់វៀតណាមក្នុងនាមជាសមាជិកក្រុមប្រឹក្សាសិទ្ធិមនុស្សអង្គ ការសហប្រជាជាតិសម្រាប់អាណត្តិឆ្នាំ ២០២៣ - ២០២៥ និងការចូលរួមប្រកបដោយ ទំនួលខុសត្រូវ និងសកម្មនៅក្នុងយន្តការត្រួតពិនិត្យជាសកលតាមកាលកំណត់ អំពីសិទ្ធិមនុស្ស (UPR)។ អ្នករាយការណ៍ពិសេសបានសម្តែងគោលបំណងចង់ឲ្យ វៀត ណាមបន្តពង្រីកតួនាទីរបស់ខ្លួននៅក្រុមប្រឹក្សាសិទ្ធិមនុស្សអង្គការសហប្រជាជាតិ ហើយរួមចំណែកជំរុញការអនុវត្តប្រកបដោយប្រសិទ្ធភាពនូវសិទ្ធិអភិវឌ្ឍន៍នៅវៀត ណាម ក៏ដូចជាលើពិភពលោកផងដែរ៕